അപ്പോസുത്തലാര് 8:5 - സാമി സേദി

⁵ പീലിപോസു സമര്യാല ഒന്റു പട്ടണാക്ക് പോയി ക്‌റ്‌സ്‌ത്ത്‌ന പറ്റി അദ്‌ല ആള്‌ഗാള്‌ക്ക് സൊന്നാന്.

അപ്പോസുത്തലാര് 8:5 ပူးပေါင်းရင်းမြစ်များ

അപ്പോസുത്തലാര് 1:8

ആന സാമിനിഗാല് നിമാക്ക് ഏ്റ്‌മ്. അന്നാപ്പ് നിമാക്ക് ബില കെ്ഡേക്കുവു. അത്തെ മുദാല് നിമ്മ എര്‌സലേമ്‌ഗാറാര്‌ക്ക്‌മ് എഗുദ നാഡ്‌ല് ഒട്ടുക്കുമു സമര്യ ദേസഗാറാര്‌ക്ക്‌മ് എനാന പറ്റി സൊല്ലുവുറു. അദ്‌ക്ക് പ്‌റ ഉലഗാത്ത്‌ല് എല്ലാ സാരിമ് ഇര്‌ക്കുവ ആള്‌ഗാള്‌ക്ക്‌മ് എനാന പറ്റി സൊല്ലുവുറു.>>

അപ്പോസുത്തലാര് 21:8

മറ്‌നാള് എമ്മ അദ്‌ന ബ്‌ട്ട് കയിസര്യ എന്നുവ കഡാലോര പട്ടണാക്ക് എജ്ജ്‌നേമ്. ഏസ്സ്‌ന പറ്റി സൊല്ലുവ നല്ല സേദിന സൊല്ലി നഡാക്കുവ പീലിപോസു എന്റവാന് ബീ്ഡ്‌ക്ക് പോയി അയാളോഡ തങ്ക്‌നേമ്. അയാള് എര്‌സലേമ് പട്ടണാത്ത്‌ല് ബെത്ത് സാമനസട്ടെഗാള് പങ്കി കൊഡുക്ക്യ തെരിന്തെ്ഡ്‌ത്ത ഏ്ള് ആള്‌ഗാള്‌ല് ഒന്റാള് ആയിന്താന്.

അപ്പോസുത്തലാര് 5:42

അവാര് എന്നാല്‌മ് ഏസ്സ്‌ത്തെ ക്‌റ്‌സ്‌ത്ത് എന്നുവ ഈ നല്ല സേദിന സാമിബീ്ഡ്‌ല്‌മ് ബീ്ഡ് ബീ്ഡാമ് പഡിസികൊണ്ടുമു, സൊല്ലികൊണ്ടുമു നഡാന്തിന്താര്.

അപ്പോസുത്തലാര് 6:5

അപ്പോസുത്തലാര് സൊന്നാദ്‌ന ആള്‌ഗാള് ഒട്ടുക്കു സെരി എന്റാര്. നല്ല നമ്പിക്കേമ്, സാമിനിഗാല്‌മ് ഇര്‌ക്കുവ തെപാനോസുനാമ്, പീലിപോസു, പ്‌റ്‌ഗറോസു, നിക്കാനോറു, തീമോനു, പറ്‌മ്മെനാസ്, എഗുദ മദാക്ക് എ്ണേന്തിന്ത അന്തോക്ക്യഗാറാന് നിക്കൊലാവോസു എന്നുവ ആള്‌ഗാള്‌നാമ് അയി ഗിലാസാക്ക് അവാര് തെരിന്തെ്ഡ്‌ത്താര്.

അപ്പോസുത്തലാര് 8:1

തെപാനോസുന കൊന്റാദ് സെരിത്തെ എന്റ് സവുലു സൊന്നാന്. അയി നാള് താനെ എര്‌സലേമ്‌ല ഏസ്സ്‌ഗാറാര് കൂട്ടാന നലമായി കൊഡിമെപഡിസ്യ പ്‌ഡിത്താര്. അപ്പോസുത്തലാര് അല്ലാത്ത ഏസ്സ്‌ഗാറാര് ഒട്ടുക്കു ജില്ലമ്പുല്ലാത്ത് ആയി തള്ള്‌നാര്. അവാര് എഗുദ, സമര്യ ദേസ സാരി പോയി എജ്ജ്‌നാര്.

അപ്പോസുത്തലാര് 8:26

ആണ്ടവാന് ദൂദാന് പീലിപോസുക്കു ഇത്തെ സൊന്നാന്, <<നീ ഒരിങ്കി തെക്ക് സാരി പോവ ബട്ടെമേലെ പൊ, അദ് എര്‌സലേമ്‌ലിന്ത് ഗാസ എന്നുവ നാഡ്‌ക്ക് പോവ ബട്ടേത്തെ ആയിന്ത്‌ദ്.>> (ഈ ബട്ടെ ബ്‌ട്ട്‌തള്ളി ഇര്‌ന്റ്)

അപ്പോസുത്തലാര് 8:30

പീലിപോസു ഓഡി തേര്‌ക്ക് അര്‌ഗെ പോഗാട്ടി അയാള് ഏസ്സയ്യ സാമിദാസ് ബൊക്കു പഡിക്കുവാദ്‌ന കേ്ട്ടാന്. <<നീ പഡിക്കുവാദ് എന്ത് എന്റ് നിനാക്ക് തെരിന്റാ?>> എന്റ് പീലിപോസു അയാള്‌ന കേ്ട്ടാന്.

അപ്പോസുത്തലാര് 8:40

അസ്‌തോദുലു ബെത്ത്‌ത്തെ പിന്നെ പീലിപോസുന കണ്ടാദ്. പിന്നെ അയാള് കയിസര്യാക്ക് പോനാന്. അത്തെ പോഗാട്ടി അയാള് എഞ്ചോ പട്ടണഗാള്‌ല് നല്ല സേദി സൊല്ലികൊണ്ട് പോനാന്.

അപ്പോസുത്തലാര് 8:6

അദ്‌ലിന്തവാര് പീലിപോസു സൊന്നാദ്‌ന കേ്ട്ട്‌മ്, അയാള് ഗേന്ത അദിസ്യഗാള്‌ന കണ്ട്‌മ് ഇന്താര്. അദ്‌നാലെ അദ്‌ലവാര് പീലിപോസു നായന സൊക്കാന കേ്ട്ടിന്താര്.

അപ്പോസുത്തലാര് 9:20

അദ്‌ക്ക് പ്‌റ അയാള് ഏസ്സ്‌ത്തെ സാമിമഗാന് എന്റ് എഗുദാര് പരേസുവ ബീ്ഡ്‌ക്ക്‌റാഗ പോയി സൊല്ല്യ പ്‌ഡിത്താന്.

1 കൊരിന്ത്യഗാറാര് 1:23

ആന എമ്മാഗൊ, കുരുസുലു സത്ത ക്‌റ്‌സ്‌ത്ത്‌ന പറ്റിത്തെ സൊല്ലുവാദ്. അയി സേദി എഗുദാര്‌ക്ക് തൊന്തറെ മാഡുവാദ്‌മ് എഗുദാരല്ലാത്ത ജാദിഗാള്‌ക്ക് ബുദ്ദിഗെ്ട്ട നായാമ്‌ത്തെ.

1 കൊരിന്ത്യഗാറാര് 2:2

എന്ത്‌ക്കെന്റ് സൊന്ന, ഏസ്സ് ക്‌റ്‌സ്‌ത്ത്‌നാമ് മുക്ക്യമായിമ് അയാള് കുരുസുലു സത്താദ്‌നാമ് പറ്റ്യുള്ള കാര്യഗാള്‌നല്ലാദെ ബേ്റൊന്റുനാമ് പറ്റി നിമാക്ക് സൊല്ലമാട്ടെന്റ് നാന് മുഡിവു മാഡ്‌നെ.

1 കൊരിന്ത്യഗാറാര് 3:11

എന്ത്‌ക്കെന്റ് സൊന്ന ഏസ്സ് ക്‌റ്‌സ്‌ത്ത്‌ത്തെ കെ്ട്ടിര്‌ക്കുവ ഒന്റേ ഒന്റു ബേസ്‌മട്ട. അദല്ലാദെ ബേ്റൊന്റു ബേസ്‌മട്ട കെ്ട്ട്യ ആര്‌ക്ക്‌മ് മുഡ്യാമാട്ട.