അപ്പോസുത്തലാര് 8:4 - സാമി സേദി

⁴ ജില്ലമ്പുല്ലാത്ത് ആയി പോന ഏസ്സ്‌ഗാറാര് നല്ല സേദിന സൊല്ലികൊണ്ടു എല്ലാ സാരി പോനാര്.

അപ്പോസുത്തലാര് 8:4 ပူးပေါင်းရင်းမြစ်များ

മത്തായി 10:23

ആന ഒന്റു പട്ടണാത്ത്‌ല് അവാര് നിമാന കൊഡിമെപഡ്‌സ്‌നദാന ബേ്റൊന്റു പട്ടണാക്ക് ഓഡി പോനു. മന്‌സാനായി പ്‌റാന്തവാന് പിന്നേമ് ബരമാട്ട്‌ക്ക് ഇസ്‌റവേല്‌ല് എല്ലാ പട്ടണഗാള്‌ക്ക്‌മ് പോയി നാന് സൊന്നാദ്‌ന നിമ്മ ഗേന്ത് മുഡിക്കമാട്ട്‌റ് എന്റ് നാന് സത്ത്യമായി നിമാക്ക് സൊന്റെ.

ലൂക്കോസു 1:2

ഈ കാര്യഗാള്‌ന മുദാലിന്തെ കണ്ട്‌മ് നല്ല സേദിന പറ്റി സൊല്ലിമ് കൊഡുത്ത സാമി ഗിലാസഗാറാര് നമാക്ക് സൊല്ലി തന്ത പാസെത്തെ അവാര് എ്ള്‌ദിര്‌ക്കുവാദ്.

അപ്പോസുത്തലാര് 11:19

തെപാനോസു സത്ത പ്‌റ ബന്ത കൊഡിമെനാലെ ഏസ്സ്‌ഗാറാര് ജില്ലമ്പുല്ലാത്തായി തള്ള്‌നാര്. അവാര്‌ല് പഗ്‌ദ്യാള്‌ഗാള് പൊയിനിക്ക്യ, കുപ്പുറോസു, അന്തോക്ക്യ ദേസഗാള് ബരിദിക്ക് എജ്ജിന്താര്. അവാര് എഗുദാര്‌ക്ക് താനെത്തെ നല്ല സേദി സൊല്ലിന്താര്.

അപ്പോസുത്തലാര് 15:35

പവുലോസുമ്, ബറ്‌ണവാസ്‌മ് ഒന്റരെ മാസ അന്തോക്ക്യാല് താനെ ഇന്താര്. അവാര് അദ്‌ലിര്‌ക്കുവ ബേ്റെ എഞ്ചോ ആള്‌ഗാളോഡൊപ്പ ആണ്ടവാന് സൊല്ലുസുലാക്കാന സൊല്ലികൊണ്ട്‌മ്, പഡിസികൊണ്ടുമു ഇന്താര്.

അപ്പോസുത്തലാര് 8:1

തെപാനോസുന കൊന്റാദ് സെരിത്തെ എന്റ് സവുലു സൊന്നാന്. അയി നാള് താനെ എര്‌സലേമ്‌ല ഏസ്സ്‌ഗാറാര് കൂട്ടാന നലമായി കൊഡിമെപഡിസ്യ പ്‌ഡിത്താര്. അപ്പോസുത്തലാര് അല്ലാത്ത ഏസ്സ്‌ഗാറാര് ഒട്ടുക്കു ജില്ലമ്പുല്ലാത്ത് ആയി തള്ള്‌നാര്. അവാര് എഗുദ, സമര്യ ദേസ സാരി പോയി എജ്ജ്‌നാര്.

അപ്പോസുത്തലാര് 8:12

ആന സാമി ആള്യ പോവാദ്‌ന പറ്റിമ്, ഏസ്സ് ക്‌റ്‌സ്‌ത്ത്‌ന പറ്റിമ് സൊല്ലുവ നല്ല സേദിന പറ്റി പീലിപോസു സൊല്ലുഗാട്ടി ആള്‌ഗാള് അദ്‌ന നമ്പ്‌നാര്. അത്തെ നമ്പ്‌ന ഗണ്ടാള്‌മ് പെ്ണ്ണ്‌മക്കാള്‌മ് ഒട്ടുക്കു നീര്‌ക്ക് മുളുഗുനാര്.

1 തെസെലോനിക്ക്യഗാറാര് 2:2

എമ്മ നിമ്മ് പട്ട്‌ക്ക് സാമി ഗിലാസാന ഗേയ ബരുവാദ്‌ക്ക് മുദാല് പിലിപ്യ പട്ടണാത്ത്‌ല് ഗേന്ത ഗിലാസഗാള്‌നാമ് എമ്മ പട്ട കജട്ടഗാള്‌നാമ് മാനകേ്ഡ്‌നാമ് പറ്റി നിമ്മ കേ്ട്ട്‌റ്‌ക്ക്‌ന്റ്‌റല്ല. അയി കജട്ടഗാള്‌ല് എമ്മ സോറ്റു പോഗാദിര്‌ക്ക്യ സാമി സക്‌തി തന്താദ്‌നാലെത്തെ എമ്മ നിമ്മ് പട്ടണാത്ത്‌ല് ബന്ത് അയി സാമിന പറ്റി സൊല്ലുവ നല്ല സേദിന നിമാക്ക് സൊല്ല്യ എമാക്ക് ദയിര കെ്ഡേത്താദ്.