അപ്പോസുത്തലാര് 8:39 - സാമി സേദി

³⁹ അവാര് നീര്‌ലിന്ത് ഏ്ട്ടിക്ക് ഏ്റ്‌ഗാട്ടി സാമിനിഗാല് പീലിപോസുന എ്ഡ്‌ത്ത് പോനാന്. അയി പെ്ണ്ട്‌രിപെ്ണ്യാന് പിന്നെ അയാള്‌ന കാണാലെ. എന്റാല്‌മ് അയാള് പിര്യപിര്യത്തോഡ പിന്നെ നഡാക്ക്യ പ്‌ഡിത്താന്.

അപ്പോസുത്തലാര് 8:39 ပူးပေါင်းရင်းမြစ်များ

മത്തായി 13:44

<<സാമി ആളുവ നാഡ് എന്നുവാദ് കാഡ്‌ല് ഒളിസി ബെത്ത്‌റ്‌ക്കുവ മുദാല്‌ക്ക് സമാത്തെ. അദ്‌ന ഒരുത്താന് കണ്ട് മറിസിമ് അയി കാഡ്‌ക്ക് താനെ ഒളുസ്‌നാന്. അയാള് തനാക്ക് ബന്ത പിര്യാത്ത്‌ല് പോയി തനാക്കുള്ളാദ്‌ന ഒട്ടുക്കു ബിറ്റ് അയി കാഡ്‌ന ബാങ്ക്‌നാന്.>>

മത്തായി 3:16

ഏസ്സ് മുളിഗി ഇ്ളാഗ്‌നാദ്‌മ് അന്നാല് താനെ ഏ്ട്ടിക്ക് ഏ്റ്‌നാന്. അദുക്കുള ബാന് ത്‌റാന്ത് സാമിനിഗാല് സോറെ പക്കിന പാസെ ഇ്റാഗി തന്ന് കുദ്ദാക്ക് ബന്ത് ഏ്റ്‌വാദ്‌ന അയാള് കണ്ടാന്.

മര്‌ക്കോസു 1:10

ഏസ്സ് മഡുവുലിന്ത് ഏ്ട്ടിക്ക് ഏ്റ്‌നാദ്‌മ് അന്നാല് താനെ ബാന് ത്‌റാന്ത് സാമിനിഗാല് സോറെ പക്കിന പാസെ തന്ന് കുദ്ദാക്ക് ഏ്റുവാദ്‌ന അയാള് കണ്ടാന്.

അപ്പോസുത്തലാര് 13:52

അത്തെ അന്തോക്ക്യാല ഏസ്സ്‌ഗാറാര് സാമിനിഗാല് ബന്ത് തുമ്പി പിര്യപിര്യാത്ത് ഇന്താര്.

അപ്പോസുത്തലാര് 16:34

അദ്‌ക്ക് പ്‌റ ജെയില് അദിഗാരി പവുലോസുനാമ്, സീലാസ്‌നാമ് ബീ്ഡ്‌ക്ക് കൂട്ടി എ്ഡ്‌ത്ത് പോയി അവാര്‌ക്ക് തിന്ന്യ തീനി കൊഡുത്താന്. സാമിന നമ്പ്‌നാദ്‌നാലെ അയാള്‌മ് അയാള് ബീ്ഡ്‌ഗാറാര് ഒട്ടുക്കുമു പിര്യപിര്യാത്ത് ആനാര്.

അപ്പോസുത്തലാര് 8:29

<<അയി തേര്‌ക്ക് ഒപ്പ പൊ>> എന്റ് സാമിനിഗാല് പീലിപോസുക്കു സൊല്ലുറ്റു.

അപ്പോസുത്തലാര് 8:38

പ്‌റ തേര്‌ന ന്‌റ്‌ത്ത്യ അയി പെ്ണ്ട്‌രിപെ്ണ്യാന് സൊന്നാന്. അവാര് റാഡാള്‌മ് നീര്‌ക്ക് ഇ്റാഗ്‌നാര്. പീലിപോസു അയാള്‌ന നീര്‌ക്ക് മുളുഗുസ്‌നാന്.

അപ്പോസുത്തലാര് 8:8

അത്തെ അയി പട്ടണാത്ത്‌ല് എത്ത്‌റാഗോ പിര്യരിമെ ആറ്റ്.

റോമഗാറാര് 5:2

ക്‌റ്‌സ്‌ത്ത് ഏസ്സോഡ ബെത്ത്‌റ്‌ക്കുവ നമ്പിക്കെനാലെ സാമി പ്‌ണ്ണ്യ ഗേന്ത് കെ്ഡേത്ത ഈ പെ്ളേപ്പ്‌ക്ക് നമാക്ക് ഇന്നാല് എജ്ജ്യ മുഡിന്ത്‌ദ്. അത്തെ നമ്മ സാമി മദ്‌പ്പ്‌ക്ക് പങ്ക്‌ഗാറാര് ആവാമ് എന്നുവ നെഞ്ചഡെന പറ്റി നമ്മ പെരിമെപഡ്‌ന്റാമ്.

പിലിപ്പ്യഗാറാര് 3:3

ആന സാമിനിഗാല് ഉദാവി ഗേന്ത് സാമിന കുമ്മുഡുവ നമ്മാത്തെ നേര്‌മായിമ് സാമിഗാറാര്. സാമിന പിര്യപഡിസ്യ ബേ്ണ്ടി മന്‌സാര് തമ്മ് സരിഗലാത്ത്‌ല് അഡ്യാള മാഡുവാദ്‌നാമ് മന്‌സാന് പെരിമെപഡുവ ഏദ് കാര്യഗാള്‌നാമ് നമ്മ നമ്പുവാദില്ലെ. നമാന കാപാറ്റ്യ ബേ്ണ്ടി ക്‌റ്‌സ്‌ത്ത് ഏസ്സ് ഗേന്ത കാര്യഗാള്‌ന സൊല്ലി താനെത്തെ നമ്മ പെരിമെപഡ്‌ന്റാമ്.

പിലിപ്പ്യഗാറാര് 4:4

നിമ്മ ആണ്ടവാന്‌ന നമ്പി നഡാക്കുവാദ്‌നാലെ എന്നാല്‌ക്ക്‌മ് പര്യപിര്യാത്തിര്‌ന്, പിര്യപിര്യാത്തിര്‌ന് എന്റ് നാന് പിന്നേമ് നിമാക്ക് സൊന്റെ.

ആക്കോവു 4:16

ആന നിമ്മ, ആണ്ടവാന് ആസെപഡുവാദ് എന്തെന്റ് തെര്യാദെ അവനവാന് ആസെപഡുവ പാസെ അദ് ഗേവേമ് ഇദ് ഗേവേമ് എന്റ് സൊല്ലി പെരിമെപഡ്‌ന്റ്‌റ്. ഇത്തെ പെരിമെനായ സൊല്ലി നിമ്മ കുറ്റഗാറാര് ആന്റ്‌റ്.