അപ്പോസുത്തലാര് 8:32 - സാമി സേദി

³² സാമി ബൊക്കുലു ഈ സൊല്ലു സുലാക്കനത്തെ അയാള് പഡിത്തിന്താദ്, <<ബെ്ട്ട്യ എ്ഡ്‌ത്ത് പോവ ആഡ്‌ന പാസേമ്, തുപ്പുഡുന കത്താര്‌സ്‌ഗാട്ടി സപ്പെന്റ്‌റ്‌ക്കുവ കൊറ്യാഡ് കുട്ടിന പാസേമ് അയാള് ഒന്റുമു സൊല്ലാദെ ഇന്താന്.

അപ്പോസുത്തലാര് 8:32 ပူးပေါင်းရင်းမြစ်များ

ലൂക്കോസു 23:34

അദുക്കുള ഏസ്സ്: <<അപ്പാ, ഇവാര് ഗേവാദ് എന്തെന്റ് ഇവാര്‌ക്ക് താനെ തെരിവാദില്ലെ, അദ്‌നാലെ ഇവാര്‌ന പൊറുക്കുഡോമെ>> എന്റ് പരേസ്‌നാന്. അത്തെ അവാര് സീ്ട്ടിക്കി അയാള് ഉഡുപ്പുന പങ്ക്യെ്ഡ്‌ത്താര്.

ഓഗന്നാന് 1:29

മറ്‌നാള് ഏസ്സ് തന്ന് പട്ട്‌ക്ക് ബരുവാദ്‌ന ഓഗന്നാന് കണ്ട്: <<ഇദാ നോഡുനു, ഉലഗാത്ത്‌ല ആള്‌ഗാള് പാവാന തീര്‌ക്ക്യ സാമി തന്ത കൊറ്യാഡ് കുട്ടി.

അപ്പോസുത്തലാര് 8:31

അദുക്കുള അയാള് <<ഇദ്‌ന പറ്റി ആരാറ്റ സൊല്ലി തരാദെ പോന എനാക്ക് എത്തെ തെരിവു?>> എന്റ് സൊന്നാന്. പ്‌റസാരി അയാള് പീലിപോസുന തന്നോഡ ഒപ്പ കുക്കാക്ക്യ തേര്‌ക്ക് ഏ്റ്യ സൊന്നാന്.

റോമഗാറാര് 8:36

<<നിനാക്ക് ബേ്ണ്ടി എമ്മ ഉജുരുക്കു ബരുവ ആവാത്ത്‌ഗാള്ന നാള്‌ക്ക് താങ്കി കൊണ്ടു ഇര്‌ക്ക്‌ന്റേമ്, അറ്‌ക്ക്യ ബെത്ത്‌റ്‌ക്കുവ കൊറ്യാഡ്‌ഗാള്‌ന പാസെത്തെ എമാന നെനേക്ക്‌ന്റാര്>> എന്റ് എ്ള്‌ദിര്‌ക്ക്‌ന്റല്ല.

1 കൊരിന്ത്യഗാറാര് 15:3

നാന് കേ്ട്ടെ്ഡ്‌ത്ത് നിമാക്ക് സൊന്ന മ്‌ഗ്‌ന്ത കാര്യ എന്തെന്റ് സൊന്ന, സാമി സൊല്ലുസുലാക്കാത്ത്‌ല് മുന്നുക്കു താനെ സൊല്ലി ബെത്ത്‌റ്‌ക്കുവ പാസെ ക്‌റ്‌സ്‌ത്ത് നമ്മ ഗേവ പാവാക്ക് ബേ്ണ്ടി സത്താന്.

1 പത്ത്‌റോസു 1:19

ആന അദ്‌ക്ക് ബദ്‌ല മൊണ്ടിമുഡാവൊ, കുറ്റകൊറേവൊ ഇല്ലാത്ത കൊറ്യാഡ് കുട്ടിന പാസെ ഇര്‌ക്കുവ ക്‌റ്‌സ്‌ത്ത്‌ത്ത് ബെലെപെറ്റ സോരെനാലെത്തെ തിരിക്കി എ്ഡ്‌ത്താദെന്റ് നിമാക്ക് തെരിമല്ല.