അപ്പോസുത്തലാര് 8:3 - സാമി സേദി

³ ആന സവുലു ബീ്ഡ് ബീ്ഡ പോയി ഏസ്സ്‌ഗാറാര് കൂട്ടാത്ത്‌ല പെ്ണ്ണ്‌മക്കാള്‌നാമ്, ഗണ്ടാള്‌നാമ് ഇ്ള്‌ത്ത്‌ബലിത്ത് എ്ഡ്‌ത്ത് പോയി ജെയില്‌ക്ക് അഡേത്താന്. അയാള് അത്തെ ഗേന്ത് ഏസ്സ്‌ഗാറാര് കൂട്ടന കെ്ഡിസ്യ ഓരാഡ്‌നാന്.

അപ്പോസുത്തലാര് 8:3 ပူးပေါင်းရင်းမြစ်များ

അപ്പോസുത്തലാര് 16:19

അദോഡ തമാക്ക് പണ കെ്ഡേത്ത് കൊണ്ടിന്താദ് മുഡാങ്ക്‌റ്റ് എന്റ് അയി പ്‌ള്ളെ പണ്ണാഡിഗാള്‌ക്ക് തെരിന്ത്‌ദ്. അദ്‌നാലെ അവാര് പവുലോസുനാമ് സീലാസ്‌നാമ് പ്‌ഡിത്ത് ഇ്ള്‌ത്തെ്ഡ്‌ത്ത്‌കൊണ്ടു സന്തെ പട്ട്‌ല അദിഗാരിഗാള് മുന്നുക്കു എ്ഡ്‌ത്ത് പോനാര്.

അപ്പോസുത്തലാര് 22:19

അദുക്കുള നാന് സൊന്നെ, <ആണ്ടവാനെ, എഗുദാര് പരേസുവ ബീ്ഡ്‌ക്ക്‌റാഗ പോയി നിനാന നമ്പ്‌ന്റവാര്‌ന നാന് പ്‌ഡിത്ത് അഡിത്ത്‌മ് ജെയില്‌ക്ക് അഡേത്ത്‌മ് ഇര്‌ന്റെ എന്റ് അവാര്‌ക്ക് നലമായി തെരിമ്.

അപ്പോസുത്തലാര് 7:58

അവാര് അയാള്‌ന പ്‌ഡിത്ത് പട്ടണാക്ക് ബെ്ളിഗെ എ്ഡ്‌ത്ത് പോയി കല്ലെ്റിന്താര്. തെപാനോസുന പറ്റി ഉറുട്ടു സൊന്നവാര് തമ്മ് ഉരുവുക്കു ഇക്കിന്ത ഉഡുപ്പുഗാള്‌ന കളാത്തി നോഡിര്‌ക്ക്യ സവുലു എന്നുവ ബാലിവെഗാറാന് പട്ട്‌ക്ക് ബെത്തിന്താര്.

അപ്പോസുത്തലാര് 8:2

ഒന്റരെ ബക്‌തിഗാറാര് തെപാനോസുന പാത്ത്‌ന പ്‌റസാരി അയാള്‌ക്ക് ദൊഡ്ഡാദ്‌ക്ക് അഗാറി ബ്‌ന്ത് കേ്യിന്താര്.

അപ്പോസുത്തലാര് 9:21

അയാള് നായന കേ്ട്ടവാര്‌ഗാള് ഒട്ടുക്കു അദിസ്യപട്ട് കൊണ്ടു: <<എര്‌സലേമ്‌ല് ഏസ്സ്‌ന കുമ്മുഡുന്റവാര്‌ന ഒട്ടുക്കു കൊന്റിന്താദ് ഇയാള്‌ത്തേഗൊ? അത്തെ ഇദ്‌ല് ഏസ്സ്‌ന കുമ്മുഡുന്റവാര്‌ന പ്‌ഡിത്ത് കെ്ട്ടി എഗുദാര് പൂസാരിഗാള് തലെവാര് പട്ട്‌ക്ക് എ്ഡ്‌ത്ത് പോയല്ല ഇയാള് ബന്താദ്?>> എന്റ് സൊന്നാര്.

1 കൊരിന്ത്യഗാറാര് 15:9

എല്ലാ അപ്പോസുത്തലാര്‌ന ബ്‌ഡ നാന് സ്‌ന്നവാന്‌ത്തെ, സാമിക്ക് പട്ട ഏസ്സ്‌ഗാറാര് കൂട്ടന കൊഡിമെപഡ്‌സ്‌നാദ്‌നാലെ അപ്പോസുത്തലാന് എന്റ് പേരെ്ഡ്‌ക്ക്യ എനാക്ക് തഗ്‌ദിമില്ലെ.

ഗലാത്ത്യഗാറാര് 1:13

എഗുദാര് സട്ട്‌മെ്ട്ട്‌പഡി നാന് സാമിന കുമ്മുഡിന്ത ഗളിഗേല് നാന് എത്തെ പെ്ളേത്തിന്തേനെന്റ് നിമ്മ കേ്ട്ട്‌റ്‌ക്ക്‌ന്റ്‌റല്ല. അയി ഗളിഗേല് നാന് ഏസ്സ്‌ഗാറാര് കൂട്ടഗാള്‌ന മ്‌ഗ്‌ന്ത കൊഡിമേമ് പഡ്‌സ്‌നെ, അവാര്‌ന അളിക്ക്യാമ് ഓരാഡ്‌നെ.

പിലിപ്പ്യഗാറാര് 3:6

അദ്‌താനേമല്ല എഗുദ മദാത്ത്‌ല സട്ടപഡി നഡാന്ത് സാമിന ഉജാത്തുഡൊ എന്റ് നാന് ആസെപട്ടിന്തെ. അത്തെ നാന് ആസെപട്ടിന്താദ്‌നാലെ ഏസ്സ്‌ഗാറാര് കൂട്ടന ദൊഡ്ഡ കൊഡിമെപഡ്‌സ്‌നെ. ആര്‌ക്ക്‌മ് എനാന പറ്റി കുറ്റ സൊല്ല്യ മുഡ്യാത്ത ദിന്‌സ്‌ല് മോസെ ബെത്ത എല്ലാ സാമി സട്ടപഡിമ് നാന് നഡാന്തെ.

1 തിമിത്തോസു 1:13

നാന് ഏസ്സ്‌ന നമ്പാത്താദ്‌ക്ക് മുദാല് ക്‌റ്‌സ്‌ത്ത് ഏസ്സ്‌ന കുറ്റ സൊല്ലികൊണ്ടുമു, ഏസ്സ്‌ന നമ്പി നഡാക്ക്‌ന്റവാര്‌ന കൊഡിമെ പഡിസികൊണ്ടുമു, അട്ടുളി ഗേന്ത് കൊണ്ടുമു ഇന്തേന്. ആന ഇത്തെ ഗേവാദെല്ല തപ്പ് എന്റ് തെര്യാത്താദ്‌നാലേമ് ഏസ്സ്‌ന നമ്പാത്ത മുദാല് ഗേന്താദ്‌നാലേമ് സാമിക്ക് എനാന ബേ്റ്‌വെന്ത്‌ദ്.

ആക്കോവു 2:6

ആന നിമ്മ എന്ത്‌ക്ക് അവാര്‌ന സ്‌ന്നവാരായി നോഡുവാദ്? പണഗാറാര് ആയിര്‌ക്കുവ ആള്‌ഗാള്‌ത്തെ നിമാന കൊഡിമെപഡുസുവാദ്. അവാര്‌ത്തെ നിമ്മ് മുദാല്‌മുമ്പുഗാള്‌നെല്ല ഏമാത്തി എ്ഡ്‌ക്കുവാദ്.