അപ്പോസുത്തലാര് 8:16 - സാമി സേദി

^16-17 അദ്‌നാലെ പത്ത്‌റോസുമു, ഓഗന്നാന്‌മ് അവാര്‌ക്ക് കയി ബെക്കാട്ടി അവാര്‌ക്ക് സാമിനിഗാല് കെ്ഡേത്ത്‌ദ്. അവാര് ആണ്ടവാന് ഏസ്സ് പേര്‌ല് നീര്‌ക്ക് മുളിഗി ഇന്താദല്ലാദെ, അന്നമാട്ട്‌ക്ക് അവാര്‌ക്ക് ആര്‌ക്ക്‌മ് സാമിനിഗാല് കെ്ഡേക്കാദെ ഇന്ത്‌ദ്.

അപ്പോസുത്തലാര് 8:16 ပူးပေါင်းရင်းမြစ်များ

മത്തായി 28:19

അദ്‌നാലെ നിമ്മ എല്ലാ സാരിമ് പോയി എല്ലാ ജാദിഗാള്‌നാമ് എന്ന് സൊല്ലുപഡി നഡാക്ക്‌ന്റവാര് മാഡ്‌ന്. അത്തെ അപ്പാന് പേര്‌നാമ്, മഗാന് പേര്‌നാമ്, സാമിനിഗാല് പേര്‌നാമ് സൊല്ലി അവാര്‌ന നീര്‌ക്ക് മുളുഗുസുനു.

അപ്പോസുത്തലാര് 19:2

<<നിമ്മ ഏസ്സ്‌ന നമ്പ്‌നവാര് ആന പ്‌റ സാമിനിഗാല് കെ്ഡേത്ത്‌ദ?>> എന്റ് അയാള് അവാര്‌ന കേ്ട്ടാന്. അദുക്കുള അവാര്: <<സാമിനിഗാല് ഇര്‌ക്ക്‌ന്റ് എന്റ്‌ഗുഡി എമ്മ കേ്ള്‌ക്കാലെ>> എന്റ് സൊന്നാര്.

അപ്പോസുത്തലാര് 2:38

പത്ത്‌റോസു അവാര്‌ക്ക് ഇത്തെ സൊന്നാന്: <<നിമ്മ ഒന്റൊന്റാള് അവനവാന് ഗേവ പാവാന തള്ളുഡൊ. പ്‌റ നിമ്മ ഏസ്സ് ക്‌റ്‌സ്‌ത്ത്‌ന നമ്പ്‌ന്റവാര് ആനാദ്‌നാലെ നീര്‌ക്ക് മുളുഗുഡൊ. അന്നാപ്പ് നിമ്മ് തപ്പ്‌ക്ക് പൊറിമെ കെ്ഡേക്കു. അദോഡൊപ്പ നിമാക്ക് സാമിനിഗാല്‌മ് ദറ്‌മ്മ ആയി സാമ്യോഡിന്ത് കെ്ഡേക്കു.

റോമഗാറാര് 6:3

ഏസ്സ് ക്‌റ്‌സ്‌ത്തോഡ ഒന്റായി എ്ണേയ ബേ്ണ്ടി നമ്മ മുളിഗി ഇ്ളാഗിര്‌ക്ക്‌ന്റാമ്. അത്തെ നീര്‌ക്ക് മുളിഗി ഇ്ളാഗിര്‌ക്കുവ നമ്മ അയാളോഡൊപ്പ സത്ത്‌റ്‌ന്റാമ് എന്റ് നിമാക്ക് തെരിവാദില്ലേഗ?

ഗലാത്ത്യഗാറാര് 3:27

ക്‌റ്‌സ്‌ത്ത് ഏസ്സോഡ ഒന്റായി എ്ണേയ നിമ്മ നീര്‌ക്ക് മുളിഗി ഇ്ളാഗ്‌ഗാട്ടി നിമ്മ ക്‌റ്‌സ്‌ത്ത്‌ന പാസെ ആയിര്‌ക്ക്‌ന്റ്‌റ്.