അപ്പോസുത്തലാര് 8:12 - സാമി സേദി

¹² ആന സാമി ആള്യ പോവാദ്‌ന പറ്റിമ്, ഏസ്സ് ക്‌റ്‌സ്‌ത്ത്‌ന പറ്റിമ് സൊല്ലുവ നല്ല സേദിന പറ്റി പീലിപോസു സൊല്ലുഗാട്ടി ആള്‌ഗാള് അദ്‌ന നമ്പ്‌നാര്. അത്തെ നമ്പ്‌ന ഗണ്ടാള്‌മ് പെ്ണ്ണ്‌മക്കാള്‌മ് ഒട്ടുക്കു നീര്‌ക്ക് മുളുഗുനാര്.

അപ്പോസുത്തലാര് 8:12 ပူးပေါင်းရင်းမြစ်များ

മത്തായി 28:19

അദ്‌നാലെ നിമ്മ എല്ലാ സാരിമ് പോയി എല്ലാ ജാദിഗാള്‌നാമ് എന്ന് സൊല്ലുപഡി നഡാക്ക്‌ന്റവാര് മാഡ്‌ന്. അത്തെ അപ്പാന് പേര്‌നാമ്, മഗാന് പേര്‌നാമ്, സാമിനിഗാല് പേര്‌നാമ് സൊല്ലി അവാര്‌ന നീര്‌ക്ക് മുളുഗുസുനു.

ലൂക്കോസു 9:2

പ്‌റ സാമി ആളുവാദ്‌ന പറ്റി സൊല്ല്യാമ് നോയിഗാറാര്‌ന തെള്‌സ്യാമ് അവാര്‌ന സൊല്ലി ബ്‌ട്ടാന്.

ലൂക്കോസു 9:60

അദുക്കുള ഏസ്സ് അയാള്‌ക്ക്: <<എനാന നമ്പാത്തവാര് സത്തവാര്‌ന പാസെത്തെ. അവാര് പോയി സത്തവാര്‌ന പാത്തുഡൊ. നീ പോയി സാമി ആളുവ കാലന പറ്റി സൊല്ലു>> എന്റ് സൊന്നാന്.

അപ്പോസുത്തലാര് 1:3

ഏസ്സ് സത്ത പ്‌റ അയാള് നാപ്പദ് നാള് കുളാക്ക് ഏസ്സ് സൊല്ലുപഡി നഡാക്ക്‌ന്റവാര്‌ക്ക് എഞ്ചോ ഗളിഗെ ബെ്ളിപട്ടാന്. താന് ഉജുരോഡ ഇര്‌ക്ക്‌ന്റേനെന്റ് അവാര്‌ക്ക് സന്തേഗപഡാത്ത ദിന്‌സ്‌ല് സൊക്കാന കാട്ടി കൊഡുത്താന്. അത്തെ അവാര് ഏസ്സ്‌ന കണ്ടാര്. അയാള് അവാരോഡ സാമി ആള്യ പോവാദ്‌ന പറ്റി നായ നൊഡിന്താന്.

അപ്പോസുത്തലാര് 11:20

കുപ്പുറോസുഗാറാര്‌മ് കൊറേന നാഡ്‌ഗാറാര്‌മ് ആന ബേ്റെ ഏസ്സ്‌ഗാറാര് അന്തോക്ക്യാക്ക് പോയി എവനനായ നൊഡിവ ആള്‌ഗാള്‌ക്ക് ഏസ്സ്‌ന പറ്റി സൊല്ലുവ നല്ല സേദിന സൊന്നാര്.

അപ്പോസുത്തലാര് 18:8

എഗുദാര് പരേസുവ ബീ്ഡ് അദിഗാരി ക്‌റ്‌സ്‌പോസുമു അയാള് ബീ്ഡ്‌ലവാര്‌മ് ഒട്ടുക്കു ആണ്ടവാന്‌ന നമ്പ്‌നാര്. കൊരിന്ത്യാല് ഇര്‌ക്കുവ എഞ്ചോ ആള്‌ഗാള്‌മ് പവുലോസു സൊന്ന നായന കേ്ട്ട് നമ്പി നീര്‌ക്ക് മുളുഗുനാര്.

അപ്പോസുത്തലാര് 19:5

ഇദ്‌ന കേ്ള്‌ക്കാട്ടി അവാര് ആണ്ടവാന് ഏസ്സ് പേര്‌ല് നീര്‌ക്ക് മുളുഗുനാര്.

അപ്പോസുത്തലാര് 2:38

പത്ത്‌റോസു അവാര്‌ക്ക് ഇത്തെ സൊന്നാന്: <<നിമ്മ ഒന്റൊന്റാള് അവനവാന് ഗേവ പാവാന തള്ളുഡൊ. പ്‌റ നിമ്മ ഏസ്സ് ക്‌റ്‌സ്‌ത്ത്‌ന നമ്പ്‌ന്റവാര് ആനാദ്‌നാലെ നീര്‌ക്ക് മുളുഗുഡൊ. അന്നാപ്പ് നിമ്മ് തപ്പ്‌ക്ക് പൊറിമെ കെ്ഡേക്കു. അദോഡൊപ്പ നിമാക്ക് സാമിനിഗാല്‌മ് ദറ്‌മ്മ ആയി സാമ്യോഡിന്ത് കെ്ഡേക്കു.

അപ്പോസുത്തലാര് 2:41

പത്ത്‌റോസു സൊന്ന സേദിന നമ്പ്‌നവാര് ഒട്ടുക്കു നീര്‌ക്ക് മുളുഗുനാര്. അയി നാള് താനെ ഒപ്പതപ്പ മൂണായിര ആള്‌ഗാള് അവാരൊപ്പ എ്ണേന്താര്.

അപ്പോസുത്തലാര് 20:21

പാവ ഗേവാദ്‌ന തെ്റിന്ത് തള്ളി സാമിസാരി തിരിഗി ബരുഡൊ എന്റ്‌മ് നമ്മ് ആണ്ടവാന് ഏസ്സ്‌ന നമ്പുഡൊ എന്റ്‌മ് നാന് എഗുദാര്‌ക്ക് താനെ അല്ല എഗുദാര് അല്ലാത്ത ജാദിഗാള്‌ക്ക്‌മ് സൊക്കാന സൊല്ലിര്‌ക്ക്‌ന്റേന്.

അപ്പോസുത്തലാര് 20:25

സാമി ആളുവാദ്‌ന പറ്റി നിമ്മ് പട്ട്‌ല് സൊല്ലികൊണ്ട് നഡാന്ത എനാന നിമ്മ ഇന്നി എന്നാല്‌ക്ക്‌മ് കാണമാട്ട്‌റ് എന്റ് എനാക്ക് ഇന്നാല് തെരിമ്.

അപ്പോസുത്തലാര് 28:31

അത്തെ അവാര്‌ക്ക് സാമി ആള്യ പോവ കാലന പറ്റി സൊന്നാന്. അദ്‌താനെ അല്ല ആണ്ടവാന് ഏസ്സ് ക്‌റ്‌സ്‌ത്ത്‌ന പറ്റിമ് ഒളുസാദെ നല്ല ദയിരത്തോഡ അവാര്‌ക്ക് പഡ്‌സ്‌നാന്.

അപ്പോസുത്തലാര് 5:14

എന്റാല്‌മ് ആണ്ടവാന്‌ന നമ്പ്‌ന ഗണ്ടാള്‌മ് പെ്ണ്ണ്‌മക്കാള്‌മ് ഇര്‌ക്കുവ ഒന്റു കൂട്ട അവാര് കൂട്ടാക്ക് എ്ണേന്ത് കൊണ്ടിന്താര്.

അപ്പോസുത്തലാര് 8:4

ജില്ലമ്പുല്ലാത്ത് ആയി പോന ഏസ്സ്‌ഗാറാര് നല്ല സേദിന സൊല്ലികൊണ്ടു എല്ലാ സാരി പോനാര്.

റോമഗാറാര് 10:10

നെഞ്ച്‌ല് നമ്പുവാദ്‌നാലെത്തെ സാമി നമാന നേര്‌മെഗാറാര് മാഡ്‌ന്റാന്, ബായില് സൊല്ലുവാദ്‌നാലെത്തെ സാമി നമാന കാപാറ്റ്‌ന്റാന്.

1 കൊരിന്ത്യഗാറാര് 11:11

ആന ഗണ്ട്‌മ് പെ്ണ്ണ്‌മ് ആണ്ടവാന്‌ലിന്ത് ഉണ്ടായിര്‌ക്കുവാദ്‌നാലെ ഗണ്ടില്ലാദെ പെ്ണ്ണ്‌മില്ലെ, പെ്ണ്ണില്ലാദെ ഗണ്ട്‌മില്ലെ.

ഗലാത്ത്യഗാറാര് 3:28

നിമ്മൊട്ടുക്കു ക്‌റ്‌സ്‌ത്ത് ഏസ്സോഡ ഒന്റായിര്‌ക്കുവാദ്‌നാലെ എഗുദാരെന്റൊ എഗുദാര് അല്ലാത്ത ജാദിഗാളെന്റൊ, ദൊഡ്ഡവാനെന്റൊ സ്‌ന്നവാനെന്റൊ, ഗണ്ടെന്റൊ പെ്ണ്ണെന്റൊ എന്നുവ ബിത്ത്യാസ ഇല്ലെ.

1 പത്ത്‌റോസു 3:21

അവാര് നീര്‌മേലെ തപ്പിസി കഡാന്താദ്‌ക്ക് സമാത്തെ ഇന്നാല് നീര്‌ക്ക് മുളുഗുവ മുളുക്ക. അദ് നിമാന കാപാറ്റ്‌ന്റ്. ഈ മുളുക്ക എന്നുവാദ് സരിഗലാത്ത്‌ല എ്ള്‌ക്ക്‌ന കച്ചി തള്ളുവ മുളുക്കല്ല. ഏസ്സ് ക്‌റ്‌സ്‌ത്ത് ഉജുര്‌ളാഗ്‌നാദ്‌ന ബെത്ത് സാമി കണ്ണ്‌ക്ക് നല്ല മനേസ്സുള്ളവാര് ആയ ഗേവ ഒപ്പന്താത്തെ.