അപ്പോസുത്തലാര് 8:1 - സാമി സേദി

¹ തെപാനോസുന കൊന്റാദ് സെരിത്തെ എന്റ് സവുലു സൊന്നാന്. അയി നാള് താനെ എര്‌സലേമ്‌ല ഏസ്സ്‌ഗാറാര് കൂട്ടാന നലമായി കൊഡിമെപഡിസ്യ പ്‌ഡിത്താര്. അപ്പോസുത്തലാര് അല്ലാത്ത ഏസ്സ്‌ഗാറാര് ഒട്ടുക്കു ജില്ലമ്പുല്ലാത്ത് ആയി തള്ള്‌നാര്. അവാര് എഗുദ, സമര്യ ദേസ സാരി പോയി എജ്ജ്‌നാര്.

അപ്പോസുത്തലാര് 8:1 ပူးပေါင်းရင်းမြစ်များ

മത്തായി 22:6

മിച്ച ഇന്തവാര് അയാള് അഡിമെഗാള്‌ന പ്‌ഡിത്ത് നാണഗെ്ഡിസി കൊന്റു തള്ള്‌നാര്.

മത്തായി 23:34

അദ്‌നാലെ നാന് സാമിദാസ്‌ഗാള്‌നാമ്, അറുവു ഇര്‌ന്റവാര്‌നാമ്, ബേദബാത്ത്യനാമ്‌ഗാള്‌നാമ് നിമ്മ് പട്ട്‌ക്ക് സൊല്ലി ബ്‌ഡ്‌ന്റെ. അവാര്‌ല് ലേസ ആള്‌ഗാള്‌ന നിമ്മ കൊല്ലുവുറു. ലേസ ആള്‌ഗാള്‌ന കുരുസുക്കു സേത്തി ആണി അഡിക്കുവുറു. ലേസ ആള്‌ഗാള്‌ന എഗുദാര് പരേസുവ ബീ്ഡ്‌ക്ക്‌റാഗ ബെത്ത് സാട്ടെവാര്‌ല് അഡിത്ത് ഒന്റു പട്ടണാത്ത്‌ലിന്ത് അഡ്‌ത്ത പട്ടണാക്ക് അവാര്‌ന മുഡിക്കി ബ്‌ഡ്‌വുറു.

മത്തായി 5:13

<<നിമ്മ ബൂമിലിര്‌ക്ക്‌ന്റവാര്‌ക്ക് ഉപ്പു ആയിര്‌ക്ക്‌ന്റ്‌റ്. ആന ഉപ്പുക്കിര്‌ക്കുവ ഗുണ ഇല്ലാദ്യാന പിന്നെ എത്തെ അദ്‌ക്കിര്‌ക്കുവ ഗുണ മാഡ്യ മുഡിമ്? അദ്‌ന ബെ്ളിഗെ തള്ളി മന്‌സാര് മെ്ട്ടി പെജേവാര്. അല്ലാദെ ബേ്റൊന്റുക്കുമു ഉവഗരപഡമാട്ട.

ഓഗന്നാന് 15:20

<ഗിലാസഗാറാന് തന്ന് പണ്ണാഡിന ബ്‌ഡ ദൊഡ്ഡവാനല്ല> എന്റ് നിമാക്ക് സൊന്ന നായന നെനേത്ത്‌റ്‌ന്. അവാര് എനാന കൊഡിമെപഡ്‌സ്‌നാര്, അത്ത്യാന നിമാനാമ് കൊഡിമെപഡുസുവാര്, അവാര് എന്ന് സൊല്ലുപഡി നഡാന്തിന്തദാന നിമ്മ് സൊല്ലുപഡിമ് നഡാക്കുവാര്.

ഓഗന്നാന് 16:2

അവാര് നിമാന എഗുദാര് പരേസുവ ബീ്ഡ്‌ഗാള്‌ലിന്ത് മുഡിക്കി ബ്‌ഡുവാര്, അദ്‌താനേമല്ല അവാര് നിമാന കൊല്ലുഗാട്ടി സാമിക്ക് ബേ്ണ്ടി ഒന്റു നല്ല കാര്യ ഗേന്റേമ് എന്റ് നെനേക്കുവ ഗളിഗെ ബന്റ്.

അപ്പോസുത്തലാര് 1:8

ആന സാമിനിഗാല് നിമാക്ക് ഏ്റ്‌മ്. അന്നാപ്പ് നിമാക്ക് ബില കെ്ഡേക്കുവു. അത്തെ മുദാല് നിമ്മ എര്‌സലേമ്‌ഗാറാര്‌ക്ക്‌മ് എഗുദ നാഡ്‌ല് ഒട്ടുക്കുമു സമര്യ ദേസഗാറാര്‌ക്ക്‌മ് എനാന പറ്റി സൊല്ലുവുറു. അദ്‌ക്ക് പ്‌റ ഉലഗാത്ത്‌ല് എല്ലാ സാരിമ് ഇര്‌ക്കുവ ആള്‌ഗാള്‌ക്ക്‌മ് എനാന പറ്റി സൊല്ലുവുറു.>>

അപ്പോസുത്തലാര് 13:1

അന്തോക്ക്യാല ഏസ്സ്‌ഗാറാര് കൂട്ടാത്ത്‌ല് ലേസ സാമിദാസ്‌ഗാള്‌മ്, ബേദപഡ്‌സ്‌ന്റവാര്‌മ് ഇന്താര്. ബറ്‌ണവാസ്, നീഗാറ് എന്റ് സൊല്ലുവ സിമ്മ്യോനു, കൊറേന നാഡ്‌ഗാറാന് ലൂക്ക്യോസു, അദിഗാരി എരോദാവോഡ ബളാന്ത മനെയാല്, സവുലു എന്നുവ ആള്‌ഗാള്‌ത്തെ അവാര്.

അപ്പോസുത്തലാര് 13:36

ദാവീദ് താന് പെ്ളേത്തിന്ത കാലാത്ത്‌ല് താന് എന്ത് ഗേഡൊ എന്റ് സാമി നെനേത്താനൊ അദ്‌ന ഗേന്ത പ്‌റ സത്താന്. തന്ന് പാട്ടനാമോഡ അയാള്‌നാമ് പാത്ത്‌നാര്. അത്തെ അയാള് സാവു മഡേല് നാറി തള്ള്‌നാന്.

അപ്പോസുത്തലാര് 2:47

അവാര് സാമിത്തെ ദൊഡ്ഡവാന് എന്റ് ബാര്‌ദിക്കിന്താര്. ആള്‌ഗാള് ഒട്ടുക്കു ഈ ഏസ്സ്‌ഗാറാര്‌ന പിര്യപിര്യാത്ത് മദിസിന്താര്. താന് കാപാറ്റ്‌ന്റവാര്‌നെല്ല ആണ്ടവാന് ഏസ്സ്‌ഗാറാര് കൂട്ടാക്ക് നാള്‌ക്ക്‌മ് സേത്തി കൊണ്ടിന്താന്.

അപ്പോസുത്തലാര് 22:20

നിനാന പറ്റി നായ സൊല്ലിന്ത തെപാനോസുന കൊല്ലുഗാട്ടി നാന്‌മ് അയാള്‌ന കൊല്ല്യ സൊല്ലി അയാള്‌ന കൊന്റവാര് ഉഡുപ്പുഗാള്‌ന കാത്ത്‌കൊണ്ട് അവാര്‌ക്കര്‌ഗെ നിന്റിന്തേന്.>

അപ്പോസുത്തലാര് 26:10

അദ് താനെത്തെ നാന് എര്‌സലേമ്‌ല്‌മ് ഗേന്താദ്. എഗുദാര് പൂസാരി തലെവാര്‌ഗാളോഡ അദിഗര കെ്ഡേസി സാമിന നമ്പ്‌ന എഞ്ചോ ആള്‌ഗാള്‌ന ജെയില്‌ക്ക് അഡേത്തേന്. അവാര്‌ന കൊല്ല്യ ബിദിക്കാട്ടി അദ്‌ന സെരി എന്റ് നാന് സൊന്നേന്.

അപ്പോസുത്തലാര് 5:18

അവാര് അപ്പോസുത്തലാര്‌ന പ്‌ഡിത്ത് ജെയില്‌ക്ക് അഡേത്താര്.

അപ്പോസുത്തലാര് 5:20

<<നിമ്മ സാമിബീ്ഡ്‌ക്ക് പോയി നിന്റ് ഏസ്സ് തരുവ ഈ പുദ്യ ഉജുരുന പറ്റി ആള്‌ഗാള്‌ക്ക് സൊല്ലുനു>> എന്റ് സൊന്നാന്.

അപ്പോസുത്തലാര് 5:33

ഇദ്‌ന കേ്ള്‌ക്കാട്ടി എഗുദ കോഡിദില ആള്‌ഗാള്‌ക്ക് സെര്യാന മൊനെ ബന്ത്‌ദ്. അവാര് അപ്പോസുത്തലാര്‌ന കൊല്ലുഡൊ എന്റ് മുഡിവെ്ഡ്‌ത്താര്.

അപ്പോസുത്തലാര് 5:40

അവാര് അപ്പോസുത്തലാര്‌ന ബരിസ്സി അഡിത്ത്, ഇന്നി മേല് ഏസ്സ് പേര്‌ല് ഒന്റുമു പഡ്‌സാദേന് എന്റ് മെ്റ്‌ട്ട്‌ന പ്‌റ അവാര്‌ന സൊല്ലി ബ്‌ട്ടാര്.

അപ്പോസുത്തലാര് 7:38

സീനായി മലേല് സാമിദൂദാനോഡ നായ നൊഡിന്താദ്‌മ്, ബെ്ട്ടെകാഡ്‌ല് ഇസ്‌റവേല് കൂട്ടാത്ത്‌ല് നമ്മ് പാട്ടനാമോഡ ഒപ്പ ഇന്താദ്‌മ് ഈ മോസെത്തെ. ഉജുരു തരുവ സൊല്ലുസുലാക്കാന നമാക്ക് തര്യ ബേ്ണ്ടി സാമി ഈ മോസേക്ക്‌ത്തെ കൊഡുത്താദ്. അയി സൊല്ലു സുലാക്കനത്തെ മോസെ നമാക്ക് തന്താദ്.

അപ്പോസുത്തലാര് 7:54

തെപാനോസു സൊന്ന ഈ നായന കേ്ട്ട് എഗുദ കോഡിദിഗാറാര്‌ക്ക് മൊനെ ബന്ത്‌ദ്. അദ്‌നാലെ അവാര് തെപാനോസുക്കു നേരെ പല്ല്‌ന കഡിത്താര്.

അപ്പോസുത്തലാര് 7:58

അവാര് അയാള്‌ന പ്‌ഡിത്ത് പട്ടണാക്ക് ബെ്ളിഗെ എ്ഡ്‌ത്ത് പോയി കല്ലെ്റിന്താര്. തെപാനോസുന പറ്റി ഉറുട്ടു സൊന്നവാര് തമ്മ് ഉരുവുക്കു ഇക്കിന്ത ഉഡുപ്പുഗാള്‌ന കളാത്തി നോഡിര്‌ക്ക്യ സവുലു എന്നുവ ബാലിവെഗാറാന് പട്ട്‌ക്ക് ബെത്തിന്താര്.

അപ്പോസുത്തലാര് 8:14

അയി ഗളിഗേല് അപ്പോസുത്തലാര് എര്‌സലേമ്‌ല് താനെത്തെ ഇന്താര്. സമര്യാല ആള്‌ഗാള് സാമി സൊല്ലുസുലാക്കാന നമ്പ്‌നാര് എന്റ് അപ്പോസുത്തലാര് കേ്ട്ടാര്. അദ്‌നാലെ അവാര് പത്ത്‌റോസുനാമ്, ഓഗന്നാന്‌നാമ് ആങ്ക് സൊല്ലി ബ്‌ട്ടാര്.

അപ്പോസുത്തലാര് 8:2

ഒന്റരെ ബക്‌തിഗാറാര് തെപാനോസുന പാത്ത്‌ന പ്‌റസാരി അയാള്‌ക്ക് ദൊഡ്ഡാദ്‌ക്ക് അഗാറി ബ്‌ന്ത് കേ്യിന്താര്.

അപ്പോസുത്തലാര് 8:4

ജില്ലമ്പുല്ലാത്ത് ആയി പോന ഏസ്സ്‌ഗാറാര് നല്ല സേദിന സൊല്ലികൊണ്ടു എല്ലാ സാരി പോനാര്.

അപ്പോസുത്തലാര് 8:5

പീലിപോസു സമര്യാല ഒന്റു പട്ടണാക്ക് പോയി ക്‌റ്‌സ്‌ത്ത്‌ന പറ്റി അദ്‌ല ആള്‌ഗാള്‌ക്ക് സൊന്നാന്.

അപ്പോസുത്തലാര് 9:31

അത്തെ എഗുദ, ഗലീല, സമര്യ എന്നുവ ദേസഗാള്‌ല ഏസ്സ്‌ഗാറാര് കൂട്ടഗാള്‌ക്ക് ഒട്ടുക്കു ഇന്ത തൊന്തറെ ലേസ നാള് മാട്ട്‌ക്ക് തീന്ത് നലമായി ആറ്റ്. സാമിനിഗാല് കയി താങ്ക്‌നാദ്‌നാലെ ഏസ്സ്‌ഗാറാര് കൂട്ട ഒട്ടുക്കു ഒറേത്താര്. അത്തെ അവാര് മൊത്തനാക്ക് പെര്‌ഗ്‌നാര്. അവാര് ഒട്ടുക്കു ആണ്ടവാന് ബക്‌തില് പെ്ളേത്ത് ബന്താര്.

റോമഗാറാര് 1:32

ഇത്തവ കാര്യഗാള് ഗേവ ഇത്തവാള്‌ഗാള് സാവുക്കു തഗ്‌ദ്യുള്ളവാര്‌ത്തെ എന്നുവ സാമിസട്ടന തെരിന്തിന്ത് ഗുഡി അവാര് ഇത്തവ കാര്യഗാള്‌ന ഗേവാദ് താനേമല്ല, ഇത്തവ കാര്യഗാള് ഗേന്റവാര്‌ന പിര്യാമ് പഡ്‌ന്റാര്.

പിലിപ്പ്യഗാറാര് 1:12

എനാക്ക് മെച്ച്‌പ്‌ഡിത്ത ഏസ്സ്‌ഗാറാരെ, എനാക്ക് ബന്ത ബുദ്ദിമുട്ടുഗാളെല്ല നല്ല സേദിന പറ്റി മൊത്തന ആള്‌ഗാള് കേ്ള്‌ക്ക്യ ഉവഗരപട്ട്‌ദ് എന്റ് നിമ്മ തെരിന്ത്‌റ്‌ക്കുഡൊ എന്റ് നാന് ആസെപഡ്‌ന്റെ.

എവുറായാര് 11:27

മോസേക്ക് നമ്പിക്കെ ഇന്താദ്‌നാലെ രാജാവു മൊനേക്ക് അഞ്ചാദെ അയാള് മിസ്‌റേമ്‌ലിന്ത് പോനാന്. ആര്‌ക്ക്‌മ് കാണ്യ മുഡ്യാത്ത സാമിന കണ്ട പാസെ അയാള് ഒറേപ്പോഡ പോനാന്.