അപ്പോസുത്തലാര് 7:8 - സാമി സേദി

⁸ സാമി അവുറഗാമോഡ ഒന്റു ഒപ്പന്ത ബെത്താന്. അദുക്കുള്ള നെപ്പ്‌ക്ക്‌ത്തെ പരിസേദനെ സാത്ത്‌റ ഗേവാദ്. അത്തെ അവുറഗാമ്‌ക്ക് ഇസഗാക്ക് പ്‌റാന്ത് നാള് തെഗേന്ത പ്‌റ അയി മഗാന പരിസേദനെ സാത്ത്‌റ ഗേന്താന്. ഇസഗാക്ക് തന്ന് മഗാന് ആക്കോവുനാമ് പരിസേദനെ സാത്ത്‌റ ഗേന്താന്, ആക്കോവു തന്ന് മഗനച്ചനാര് പന്നന്റ് മക്കാള്‌ഗാള്‌നാമ് പരിസേദനെ സാത്ത്‌റ ഗേന്താന്, ഇവാര്‌ത്തെ പേര്‌കേ്ട്ട നമ്മ് ബമ്മേസ പാട്ടനാമ്.

അപ്പോസുത്തലാര് 7:8 ပူးပေါင်းရင်းမြစ်များ

മത്തായി 1:2

അവുറഗാമ് ഇസഗാക്ക്‌ന പ്‌റാത്ത്‌നാന്, ഇസഗാക്ക് ആക്കോവുന പ്‌റാത്ത്‌നാന്, ആക്കോവു എഗുദനാമ് അയാള് അണ്ണാര്‌തമ്പ്യാര്‌നാമ് പ്‌റാത്ത്‌നാന്,

ഓഗന്നാന് 7:22

മോസെ നിമാക്ക് പരിസേദനെ സാത്ത്‌റ ഗേവ സട്ട ബെത്ത് തന്താദ്‌നാലെ നിമ്മ ഒയിവു നാള്‌ല് ഒന്റു മഗാന പരിസേദനെ സാത്ത്‌റ ഗേന്റ്‌റ്. [ആന ഇദ് ഗേയ പ്‌ഡിത്താദ് മോസെ ഇന്ത കാലാത്ത്‌ലല്ല, പാട്ടനാമ് കാലാത്ത്‌ല് താനെത്തെ.]

അപ്പോസുത്തലാര് 2:29

അണ്ണനാമെ തമ്പ്യാമെ, നമ്മ് പേര്‌കേ്ട്ട പാട്ടാന് ദാവീദ് രാജാവുന പറ്റി നാന് ഒന്റു സൊക്കാന സൊല്ലുന്റെ. അയാള് സത്ത് അഡാക്ക ആനാന്, അയാള് സുഡാലെ ഇന്നാല്‌മ് നമ്മ പട്ട്‌ല് ഇര്‌ക്ക്‌ന്റ്.

റോമഗാറാര് 4:10

ഇത്തെ അയാള്‌ന നേര്‌മെഗാറാനായി എ്ഡ്‌ത്ത് ബെത്താദ് പരിസേദനെ സാത്ത്‌റ ഗേന്ത പ്‌റാഗൊ ഇല്ലെ പരിസേദനെ സാത്ത്‌റ ഗേഗാത്ത മുന്നുക്കൊ? പരിസേദനെ സാത്ത്‌റ ഗേഗാത്ത മുന്നുക്കുത്തെ.

ഗലാത്ത്യഗാറാര് 3:15

ഏസ്സ്‌ഗാറാരാന എന്ന് എ്ണേവുഗാറാരെ, നാന് മന്‌സാര് പട്ട്‌ല് ഒപ്പ നഡാക്കുവ ഒന്റു കാര്യന സൊന്റെ: റാഡാള് എ്ണേന്ത് ഒപ്പിക്കി ഒറേപ്പ് മാഡ്‌ന ഒന്റു ഒപ്പന്തന ആര്‌ക്ക്‌മ് മാറ്റ്യാഗൊ കൂട്ട്യാഗൊ മുഡ്യാമാട്ട.

ഗലാത്ത്യഗാറാര് 3:17

നാന് ഇദ്‌ല് നിമാക്ക് അര്‌ത്ത മാഡി തരുവാദ് എന്തെന്റ് സൊന്ന, സാമി അവുറഗാമോഡൊപ്പ ഒന്റു ഒപ്പന്ത ബെത്ത് അദ്‌ന ഗേന്ത് കൊഡുക്കുവെ എന്റ് ബാക്ക് കൊഡുത്താന്. അയി ഒപ്പന്തന മാറ്റ്യാഗൊ സാമി കൊഡുത്ത ബാക്ക്‌ന മാറ്റ്യാഗൊ നാനൂറ്റി മുപ്പാദ് ബര്‌സ്സ കളിന്ത പ്‌റ ഉണ്ടാന മോസെ ബെത്ത സാമി സട്ടാക്ക് മുഡ്യാമാട്ട.

എവുറായാര് 7:4

മല്‌ക്കിസേദേക്ക് എത്ത്‌റ ദൊഡ്ഡവാന് എന്റ് നോഡുനു! നമ്മ് പാട്ടാന് അവുറഗാമ് താന് ജുദ്ദ ഗേന്ത് കെ്ഡേസ്‌ന സൊത്തുലിന്ത് പത്ത്‌ല് ഒന്റു പങ്ക്‌ന മല്‌ക്കിസേദേക്ക്‌ക്ക് കൊഡുത്താനല്ല?