അപ്പോസുത്തലാര് 7:56 - സാമി സേദി

⁵⁶ തെപാനോസു ഇത്തെ സൊന്നാന്, <<ഇദാഗെ മേലോഗ ത്‌റാന്ത്‌റ്‌ക്കുവാദ്‌നാമ്, മന്‌സാനായി പ്‌റാന്തവാന് സാമ്യോഡൊപ്പ ആള്യ സാമി ബല സാരി കുക്കാന്ത് ഇര്‌ക്കുവാദ്‌നാമ് നാന് കാണ്‌ന്റേന്!>>

അപ്പോസുത്തലാര് 7:56 ပူးပေါင်းရင်းမြစ်များ

മത്തായി 25:31

<<മന്‌സാനായി പ്‌റാന്തവാന് തന്ന് മദ്‌പ്പ്‌ല് എല്ലാ സാമിദൂദാരോഡ ബര്‌ഗാട്ടി തന്ന് മദ്‌പ്പിര്‌ക്കുവ കുറിഞ്ചിക്ക് കുക്കാക്കുവാന്.

മത്തായി 3:16

ഏസ്സ് മുളിഗി ഇ്ളാഗ്‌നാദ്‌മ് അന്നാല് താനെ ഏ്ട്ടിക്ക് ഏ്റ്‌നാന്. അദുക്കുള ബാന് ത്‌റാന്ത് സാമിനിഗാല് സോറെ പക്കിന പാസെ ഇ്റാഗി തന്ന് കുദ്ദാക്ക് ബന്ത് ഏ്റ്‌വാദ്‌ന അയാള് കണ്ടാന്.

മത്തായി 8:20

അദുക്കുള ഏസ്സ് അയാള്‌ക്ക്: <<കുള്ളനരിഗാള്‌ക്ക് തങ്ക്യ അളെ ബായിഗാള്‌മ് ബാന്‌ല് പറാന്ത് നഡാക്കുവ പക്കിഗാള്‌ക്ക് ഇര്‌ക്ക്യ ഗൂഡുഗാള്‌മ് ഇര്‌ക്ക്‌ന്റ്. ആന മന്‌സാനായി പ്‌റാന്തവാന്‌ക്കൊ തലെ മറേപ്പ്‌ക്ക് ഗുഡി ഇഞ്ചല എ്ഡെ ഇല്ലെ>> എന്റ് സൊന്നാന്.

മര്‌ക്കോസു 1:10

ഏസ്സ് മഡുവുലിന്ത് ഏ്ട്ടിക്ക് ഏ്റ്‌നാദ്‌മ് അന്നാല് താനെ ബാന് ത്‌റാന്ത് സാമിനിഗാല് സോറെ പക്കിന പാസെ തന്ന് കുദ്ദാക്ക് ഏ്റുവാദ്‌ന അയാള് കണ്ടാന്.

ലൂക്കോസു 3:21

ആള്‌ഗാള്‌നെല്ല ഓഗന്നാന് നീര്‌ക്ക് മുളിഗിസി കൊണ്ട്‌റ്‌ക്കാട്ടി ഏസ്സ്‌നാമ് നീര്‌ക്ക് മുളുഗുസ്‌നാന്. അദ്‌ക്ക് പ്‌റ അയാള് പരേസികൊണ്ടു ഇര്‌ക്കാട്ടി സാമി ബാന്‌ന ത്‌റാന്താന്.

ഓഗന്നാന് 1:51

<<നാന് നിമാക്ക് സത്ത്യമായിമ് സൊന്റെ, മേലോഗ ത്‌റാന്ത്‌റ്‌ക്കുവാദ്‌നാമ് സാമിദൂദാര്‌ഗാള് മന്‌സാനായി പ്‌റാന്തവാന് പട്ട്‌ക്ക് ഏ്റി പോവാദ്‌നാമ് ഇ്റാഗി ബരുവാദ്‌നാമ് നിമ്മ കാണുവുറു>> എന്റ്‌മ് ഏസ്സ് സൊന്നാന്.

അപ്പോസുത്തലാര് 10:11

ബാന് ത്‌റാന്ത് ദൊഡ്ഡ ഒന്റു ദുപ്പുട്ടിന പാസെ എന്തോ ജാദിന അദ്‌ക്കിര്‌ക്കുവ നാക്ക് താനെനാമ് കെ്ട്ടി ബൂമിക്ക് ഇ്റാക്കുവാദ്‌ന അയാള് കണ്ടാന്.

അപ്പോസുത്തലാര് 10:16

ഇത്തെ മൂറു ജമ്പ് ഈ ജദ്ദ ആറ്റ്. അദ്‌ക്ക് പ്‌റ അയി ജാദിന ബാന്‌ക്ക് താനെ തിരിക്കി എ്ഡ്‌ത്ത്‌ദ്.

അപ്പോസുത്തലാര് 7:57

അദുക്കുള എഗുദ കോഡിദിഗാറാര് ആലാത്ത് ക്‌ളാമ്പ്‌നാര്. അവാര് കാദ്‌ന പൊത്തി പ്‌ഡിത്ത്‌കൊണ്ട് തെപാനോസു പട്ട്‌ക്ക് ഓഡുനാര്.

ബെ്ളിപട്ട കാര്യ 11:19

പ്‌റ മേലോഗാത്ത്‌ല സാമിബീ്ഡ് ത്‌റാന്ത്‌ദ്. സാമി ബെത്ത ഒപ്പന്തന കാട്ടുവ പെ്ട്ടി അദ്‌ല് കാട്ട്‌റ്റ്. അദുക്കുള മിച്ചുവ ബെ്ള്‌സഗാള്‌മ്, ഓസെഗാള്‌മ്, ഇ്ഡി ബെ്ട്ടുവ ജദ്ദഗാള്‌മ്, കല്ല് മഗേമ് ബന്ത്‌ദ്, ബൂമിമ് കുലുങ്കുറ്റു.

ബെ്ളിപട്ട കാര്യ 19:11

അദ്‌ക്ക് പ്‌റ മേലോഗ ത്‌റാന്ത്‌റ്‌ക്കുവാദ്‌ന നാന് കണ്ടെ. നാന് നോഡുഗാട്ടി ഒന്റു ബെ്ള്ള കുദുറെന കണ്ടെ. അയി കുദുറെ കുദ്ദാക്ക് കുക്കാന്ത് ഇര്‌ന്റവാന്‌ന നമ്പ്യ മുഡിന്റവാന് എന്റ്‌മ് സത്ത്യമുള്ളവാന് എന്റ്‌മ്‌ത്തെ ബ്‌ളിത്തിന്താദ്. നേര്‌മോഡാത്തെ അയാള് ആള്‌ഗാള്‌ന ബിദിക്കുവാദ്‌മ് പോട്ടിഗാറാരോഡ ജുദ്ദ ഗേവാദ്‌മ്.

ബെ്ളിപട്ട കാര്യ 4:1

അദ്‌ക്ക് പ്‌റ നാന് നോഡുഗാട്ടി, മേലോഗാത്ത്‌ല് ഒന്റു ബാസ ത്‌റാന്ത്‌റ്‌ക്കുവാദ്‌ന നാന് കണ്ടെ. കൊമ്പൂദുവ ജദ്ദന പാസെ മുദാല് എന്നോഡ നായ നൊഡിന്ത ജദ്ദ എനാക്ക് ഇത്തെ സൊല്ലുവാദ്‌ന നാന് കേ്ട്ടെ: <<ഇദ്‌ക്ക് ബാ, ഇന്നി നഡാക്ക്യ പോവാദ് എന്ത് എന്റ് നാന് നിനാക്ക് കാട്ടി തന്റെ.>>