അപ്പോസുത്തലാര് 7:36 - സാമി സേദി

³⁶ മോസെ ഇസ്‌റവേല്‌ഗാറാര്‌ന മിസ്‌റേമ്‌ല് ഇന്ത് ബെ്ട്ടെകാഡ്‌മേലെ നാപ്പദ് ബര്‌സ്സ നഡാത്ത്‌നാന്. മിസ്‌റേമ്‌ല്‌മ്, സെങ്കഡാല്‌ല്‌മ് അദിസ്യഗാള്‌മ്, അഡ്യാളഗാള്‌മ് ഗേന്ത്‌കൊണ്ടുത്തെ അവാര്‌ന നഡാത്ത്‌നാദ്.

അപ്പോസുത്തലാര് 7:36 ပူးပေါင်းရင်းမြစ်များ

എവുറായാര് 8:9

നാന് അവാര് പാട്ടനാമ് കയിന പ്‌ഡിത്ത് മിസ്‌റേമ് നാഡ്‌ലിന്ത് കൂട്ടി ബന്ത നാള്‌ല്, നാന് അവാരോഡ ബെത്ത ഒപ്പന്തന പാസെ അല്ല അയി ഒപ്പന്ത. എന്ത്‌ക്കെന്റ് സൊന്ന നാന് അവാരോഡ ബെത്ത ഒപ്പന്താക്ക് അവാര് കെ്ട്ട്‌പട്ട് ഇര്‌ക്കാലെ. അദ്‌നാലെ നാന് അവാര്‌ന ഗെരേഗാലെ എന്റ് ആണ്ടവാന് സൊന്റാന്.

അപ്പോസുത്തലാര് 13:18

അവാര് സാമിന തള്ളിന്ത് ഗുഡി സാമി നാപ്പദ് ബര്‌സ്സ കാല ബെ്ട്ടെകാഡ്‌ല് അവാര്‌ന പൊറിമോഡ നഡാത്ത്‌നാന്.

അപ്പോസുത്തലാര് 7:42

അദുക്കുള സാമി അവാര്‌ന തള്ള്നാന്. നേരനാമ്, ബെ്ള്ളിഗാള്‌നാമ്, നിലാവുനാമ് കുമ്മുഡി നഡാക്ക്യ അവാര്‌ന ബ്‌ട്ടാന്. സാമിദാസ് ബൊക്കുലു ഇത്തെ എ്ള്‌ദിര്‌ക്ക്‌ന്റ്: <ഇസ്‌റവേല് ജനഗാളെ! നാപ്പദ് ബര്‌സ്സ ബെ്ട്ടെകാഡ്‌ല് ബേ്ണ്ട്‌ഗാള്‌ന അറ്‌ത്ത് പലി കൊഡുത്താദ് എനാക്കല്ല?

ഓഗന്നാന് 4:48

ഏസ്സ് അയാള്‌ക്ക്: <<നിമ്മ അഡ്യാളഗാള്‌മ് അദിസ്യഗാള്‌മ് കാണാദെ പോന നമ്പാഗേമാട്ട്‌റ്‌ല്ല?>> എന്റ് സൊന്നാന്.

എവുറായാര് 3:8

നിമ്മ് പാട്ടനാമ് ബെ്ട്ടെകാഡ്‌ല് സാമിന സോദിത്ത ഗളിഗേല് സാമി സൊല്ലുവാദ്‌ന കേ്ള്‌ക്ക്യ മനേസ്സ് ബെക്കാദിര്‌ക്കാട്ടി തമ്മ് നെഞ്ച്‌ന മര നെഞ്ച് മാഡ്‌ന പാസെ നിമ്മ് നെഞ്ച്‌നാമ് മര നെഞ്ച് മാഡാദേന്.

എവുറായാര് 3:9

അദ്‌ല് ബെത്ത് നിമ്മ് പാട്ടനാമ് എനാന സോദണെ ഗേന്താര്, നാപ്പദ് ബര്‌സ്സ നാന് ഗേന്താദ്‌ന കണ്ട് ഗുഡി അവാര് എനാന സോദിത്താര്.