അപ്പോസുത്തലാര് 6:11 - സാമി സേദി

¹¹ <<തെപാനോസു സാമിനാമ് മോസെനാമ് പറ്റി കെ്ട്ട നായ സൊല്ലുവാദ്‌ന എമ്മ കേ്ട്ടേമ്>> എന്റ് സൊല്ല്യ അവാര് ലേസ ആള്‌ഗാള്‌ക്ക് പണ കൊഡുത്തു തമ്മ് സാരി സേത്ത്‌നാര്.

അപ്പോസുത്തലാര് 6:11 ပူးပေါင်းရင်းမြစ်များ

1 തിമിത്തോസു 1:13

നാന് ഏസ്സ്‌ന നമ്പാത്താദ്‌ക്ക് മുദാല് ക്‌റ്‌സ്‌ത്ത് ഏസ്സ്‌ന കുറ്റ സൊല്ലികൊണ്ടുമു, ഏസ്സ്‌ന നമ്പി നഡാക്ക്‌ന്റവാര്‌ന കൊഡിമെ പഡിസികൊണ്ടുമു, അട്ടുളി ഗേന്ത് കൊണ്ടുമു ഇന്തേന്. ആന ഇത്തെ ഗേവാദെല്ല തപ്പ് എന്റ് തെര്യാത്താദ്‌നാലേമ് ഏസ്സ്‌ന നമ്പാത്ത മുദാല് ഗേന്താദ്‌നാലേമ് സാമിക്ക് എനാന ബേ്റ്‌വെന്ത്‌ദ്.

റോമഗാറാര് 3:8

അത്ത്യായിന്തദാന <<നല്ലാദ് കെ്ഡേക്ക്യ ബേ്ണ്ടി കെ്ട്ടാദ് ഗേഡൊ>> എന്റ് സൊല്ലുവ പാസെത്തെ അദ്. എമ്മ അത്തെ സൊല്ലുന്റേമെന്റ് ലേസ ആള്‌ഗാള് എമാന പറ്റി നൊണ്ടു സൊന്റാരല്ല. ഇത്തവാള്‌ഗാള്‌ക്ക് ബരുവ ദെ്ണ്ടണെ കെ്ഡേക്ക്യുള്ളാദ്‌ത്തെ.

അപ്പോസുത്തലാര് 25:7

പവുലോസു പെസ്‌തോസു പട്ട്‌ക്ക് ബന്താന്. അദുക്കുള എര്‌സലേമ്‌ല് ഇന്ത് ബന്ത എഗുദാര് പവുലോസുക്കു സുറ്റീല് നിന്റ് അയാള് ഗേന്ത ദൊഡ്ഡുദൊഡ്ഡ കുറ്റഗാള്‌ന അവാര് പെസ്‌തോസുക്കു സൊന്നാര്. ആന അവാര് സൊന്ന കുറ്റഗാള്‌ക്ക് തെ്ള്‌വു കാട്ട്യ അവാര്‌ക്ക് മുഡ്യാലെ.

അപ്പോസുത്തലാര് 25:3

<<നീ ബേ്റ്‌വായിവെന്ത് പവുലോസുന എര്‌സലേമ്‌ക്ക് സൊല്ലി ബ്‌ഡ്‌ഡൊ>> എന്റ് സൊന്നാര്. അവാര് അത്തെ കേ്ട്ടാദ് എന്ത്‌ക്കെന്റ് സൊന്ന അയാള്‌ന ബട്ടേല് ബെത്ത് കൊല്ല്യ അവാര് സൂഗാന സട്ട കെ്ട്ടിന്താര്.

അപ്പോസുത്തലാര് 21:28

<<ഇസ്‌റവേല്‌ഗാറാരെ തൊണേക്ക് ബാന്, ഇവാന്‌ത്തെ നമ്മ് ആള്‌ഗാളോഡാമ്, മോസെ സട്ടോഡാമ്, സാമിബീ്ഡോഡാമ് ജൂദുപ്‌ഡിത്ത് എല്ലാ സാരില്‌മ് ഇര്‌ക്കുവ ആള്‌ഗാള്‌ന ഒട്ടുക്കു പഡുസുവാദ്. ഇന്നാല് ഇയാള് എഗുദാര് അല്ലാത്ത ജാദിഗാള്‌ക്ക് പട്ട ആള്‌ഗാള്‌ന ഗുഡി സാമിബീ്ഡ്‌ക്ക് നൊഗേസി സുത്താപ്പോഡ ഇര്‌ക്കുവ എ്ഡെന അയിത്ത്യമാഡി തള്ളിര്‌ന്റാന്>>

അപ്പോസുത്തലാര് 18:6

ആന അവാര് പവുലോസുക്കുമു മീ്റി നായ സൊല്ലി അയാള്‌ന മോസ എന്റ് സൊന്നാര്. അദ്‌ക്ക് തഗ്‌ന്ത ബദ്‌ല്‌ത്തെ സൊന്റെ എന്റ് കാട്ട്യ ബേ്ണ്ടി അയാള് തന്ന് സീലെല ദൂളിന കൊഡേന്ത് കൊണ്ടു: <<നിമ്മ കെ്ട്ട് പോവദാന നിമ്മ താനെത്തെ അദ്‌ക്ക് കുറ്റഗാറാര്. അദ്‌ക്ക് എനാക്ക് പൊറുപ്പില്ലെ. ഇന്നി നാന് എഗുദാര് അല്ലാത്ത ബേ്റെ ജാദിഗാള് പട്ട്‌ക്ക് പോന്റെ>> എന്റ് സൊന്നാന്

അപ്പോസുത്തലാര് 15:21

എന്ത്‌ക്കെന്റ് സൊന്ന മുന്തെല കാലാത്ത്‌ലിന്തേ എല്ലാ ഒയിവു നാള്‌ല്‌മ് എഗുദാര് പരേസുവ ബീ്ഡ്‌ല് മോസെ സട്ടഗാള്‌ന പഡിത്ത് കാട്ടിന്താര്. അദ്‌താനെ അല്ല എല്ലാ പട്ടണഗാള്‌ക്ക്‌റാഗാമ് ഇദ്‌ന പഡിസിന്താര്.>>

അപ്പോസുത്തലാര് 6:13

അയാള്‌ന പറ്റി പൊയി സൊല്ല്യ ലേസ ആള്‌ഗാള്‌നാമ് അവാര് കൂട്ടി ബന്താര്. അവാര്: <<ഇയാള് എന്നാല്‌ക്ക്‌മ് നമ്മ് സാമി ബീ്ഡോഡാമ് മോസെ ബെത്ത് തന്ത സാമിസട്ടോഡാമ് ജൂദുപ്‌ഡിത്ത് കെ്ട്ട നായ സൊല്ലികൊണ്ടു ഇര്‌ന്റാന്.

ഓഗന്നാന് 16:3

എനാനഗൊ, എന്ന് അപ്പാന് സാമിനഗൊ അവാര്‌ക്ക് തെര്യാത്താദ്‌നാലെ അവാര് നിമാന ഇത്തെല്ല ഗേവാര്.

ഓഗന്നാന് 9:29

മോസ്യോഡ സാമി നായ നൊഡിന്താന് എന്റ് എമാക്ക് തെരിമ്. ആന ഇവാനൊ, ഇവാന് ഏദ്‌ലിന്ത് ബന്താന് എന്റ് എമാക്ക് തെരിവാദില്ലെ>> എന്റ് സൊന്നാര്.

ഓഗന്നാന് 1:17

മോസെ ബെത്ത സാമിസട്ട മോസെ കയിലിന്ത് നമാക്ക് കെ്ഡേത്ത്‌ദ്. ആന സാമി ഗവാമ് സത്ത്യാമ് ഏസ്സ് ക്‌റ്‌സ്‌ത്ത്‌നാലെ നമാക്ക് കെ്ഡേത്ത്‌റ്‌ക്ക്‌ന്റ്.

അപ്പോസുത്തലാര് 26:11

നാന് എഞ്ചോ ഗളിഗെ എഗുദാര് പരേസുവ ബീ്ഡ്‌ക്ക്‌റാഗ പോയി അവാര്‌ന ദെ്ണ്ടിക്ക്യ കൊഡുത്തെ. അദല്ലാദെ ഇന്നി എന്നാല്‌ക്ക്‌മ് ഏസ്സ്‌ന നമ്പമാട്ടേമ് എന്റ് സൊല്ലുനു എന്റ് സൊല്ല്യ അവാര്‌ന നത്ത്‌നേന്. അവാരോഡ അത്ത്‌റാക്ക്‌മ് മൊനെ ഇന്താദ്‌നാലെ ബേ്റെ പട്ടണഗാള്‌ക്ക് ഗുഡി പോയി നാന് ഇത്തവാള്‌ഗാള്‌ന കൊഡിമെപഡ്‌സ്‌നേന്.>>

അപ്പോസുത്തലാര് 6:10

ആന സാമിനിഗാല് തെപാനോസുക്കു നലമായി നായനൊഡ്യ ബുദ്ദി കൊഡുത്താന്. അദ്‌നാലെ അവാര്‌ക്ക് അദ്‌ന തപ്പ് എന്റ് കാട്ടി കൊഡുക്ക്യ മുഡ്യാലെ.

അപ്പോസുത്തലാര് 6:12

അത്തെ ഗേന്ത് അവാര് ആള്‌ഗാള്‌നാമ്, മൂപ്പനാമ്‌ഗാള്‌നാമ്, ബേദബാത്ത്യനാമ്‌ഗാള്‌നാമ് തെപാനോസുക്കു നേരെ മൂട്ടി ബ്‌ട്ടാര്. അവാര് തെപാനോസുന പ്‌ഡിത്ത് എ്ഡ്‌ത്ത് ബന്ത് എഗുദ കോഡിദിക്ക് മുന്നുക്കു നില്ല്‌സ്‌നാര്.