അപ്പോസുത്തലാര് 5:5 - സാമി സേദി

⁵ ഇദ്‌ന കേ്ട്ടാദ്‌മ് അനനാസ് അദ്‌ക്ക് താനെ ബ്‌ന്ത് സത്താന്. ഇദ്‌ന പറ്റി കേ്ട്ടവാര് ഒട്ടുക്കു അഞ്ചിക്കെപട്ടാര്.

അപ്പോസുത്തലാര് 5:5 ပူးပေါင်းရင်းမြစ်များ

അപ്പോസുത്തലാര് 13:11

ഇന്നാല് സാമി നിനാന ദെ്ണ്ടിക്കുവാന്. അത്തെ നീ ലേസ ഗളിഗെ നേരകാല്‌ന കാണ്യ മുഡ്യാദെ കുറുഡാനായി ഇര്‌ക്കുവായി.>> അന്നാല് താനെ അയാള് കണ്ണ് ഇ്റ്‌ട്ടൂറി തള്ള്‌ട്ട്. തന്ന് കയിന പ്‌ഡിത്ത് നഡാത്ത്യ അയാള് ആള് പരാന്ത് തഡാക്കി നഡാന്താന്.

അപ്പോസുത്തലാര് 2:43

അപ്പോസുത്തലാര് എഞ്ചോ അഡ്യാളഗാള്‌മ് അദിസ്യഗാള്‌മ് ഗേന്താര്. അദ്‌ന കണ്ട് ആള്‌ഗാള് അഞ്ചി തള്ള്‌നാര്.

അപ്പോസുത്തലാര് 5:13

ആള്‌ഗാള് അവാര്‌ന പറ്റി നല്ല പെരിമെപട്ടിന്താര്, ആന ഏസ്സ്‌ഗാറാര് അല്ലാത്തവാര് ആര്‌മ് അവാര്‌ക്ക് എ്ണേയ ദയിരപഡാലെ.

1 കൊരിന്ത്യഗാറാര് 4:21

നാന് എത്തെ നിമ്മ് പട്ട്‌ക്ക് ബരുഡൊ എന്റ് നിമ്മ ആസെപഡ്‌ന്റ്‌റ്? ബഡ്യോഡ ബര്യാഗ? ഇല്ലെ സീവാന്‌പട്ട് കൊണ്ടുമു ഗവപട്ട് കൊണ്ടുമു ബര്യാഗ?

2 കൊരിന്ത്യഗാറാര് 13:10

ആണ്ടവാന് എനാക്ക് തന്ത അദിഗര നിമ്മ് നമ്പിക്കേന കെ്ഡിസ്യല്ല, നിമ്മ് നമ്പിക്കേന ഒറേപ്പ് മാഡ്യത്തെ. നാന് ബര്‌ഗാട്ടി അയി അദിഗരാന ബെത്ത് കഡ്‌പ്പത്തോഡ നിമാന നഡാത്ത്യ ബെക്കാദേന്. അദ്‌നാലെത്തെ ദൂര ഇന്ത്‌കൊണ്ടു നാന് ഈ കാര്യഗാള്‌ന എ്ള്‌ദുവാദ്.

2 കൊരിന്ത്യഗാറാര് 13:2

നാന് റണ്ടാവാദ്‌മ് നിമ്മ് പട്ട്‌ക്ക് ബന്ത്‌റ്‌ക്കാട്ടി പാവ ഗേന്തവാര്‌ക്ക്‌മ് ബേ്റെ എല്ലാവാര്‌ക്ക്‌മ് നാന് ഇന്നി ബന്ത പൊറുക്കമാട്ടെ എന്റ് സൊല്ലിന്തെ. ഇന്നാല് നാന് ദൂരാത്ത്‌ലിന്ത് കൊണ്ടുമു പൊറുക്കമാട്ടെ എന്റ് അദേ കാര്യന താനെത്തെ സൊന്റെ.

2 കൊരിന്ത്യഗാറാര് 7:11

നിമ്മ പട്ട ഈ ദുക്കന ബെത്ത് സാമി നിമാക്ക് എന്ത് ഗുണ ഗേന്ത്‌റ്‌ന്റാന് എന്റ് നോഡുനു. അയി ദുക്ക നിമാന സുറുസുറുപ്പുള്ളവാര് മാഡ്‌റ്റ്. നിമ്മ തപ്പ് ഗേഗാത്തവാരായി പെ്ളേക്ക്യ പഡിത്ത്‌റ്, തപ്പ് ഗേവാദ്‌ന ബെ്റ്‌ക്ക്യാമ് അദ് ഗേഗാദിര്‌ക്ക്യാമ് പഡിത്ത്‌റ്, സാമിന പിര്യപഡിസ്യാമ് അയാള്‌ക്ക് ബേ്ണ്ടി പെ്ളേക്ക്യാമ് പഡിത്ത്‌റ്, തപ്പ് ഗേന്റവാര്‌ന ദെ്ണ്ടിക്ക്യാമ് പഡിത്ത്‌റ്. ഇത്തെ നിമ്മ എല്ലാ കാര്യഗാള്‌മ് നലമായി ഗേയ പഡിത്ത്‌റ്.

ബെ്ളിപട്ട കാര്യ 11:13

അയി ഗളിഗേല് താനെ ദൊഡ്ഡൊദ്‌ക്ക് ബൂമി കുലുങ്കുറ്റു. പട്ടണാത്ത്‌ല് പത്ത്‌ല് ഒന്റു ബാഗ ഇ്ഡിന്ത് ബ്‌ന്ത്‌ദ്, ഏ്ളായിര ആള്‌ഗാള് സത്ത് തള്ള്‌നാര്. മിച്ച ഇന്തവാര് അഞ്ചിക്കെപട്ട് മേലോഗ സാമിക്ക് മദ്‌പ്പ് കൊഡുത്താര്.

ബെ്ളിപട്ട കാര്യ 11:5

ആരാറ്റ അവാര്‌ന കൊഡിമെപഡിസ്യ നോഡുന അവാര് ബായിലിന്ത് തീ കഡാന്ത് പോട്ടിഗാറാര്‌ന സുട്ടു തള്ള്‌മ്. അവാര്‌ന കൊഡിമെപഡിസ്യ ആസെപഡ്‌ന്റവാര് ഈ ദിന്‌സ്‌ല് സാവാര്.