അപ്പോസുത്തലാര് 5:26 - സാമി സേദി

²⁶ അദുക്കുള കാവഗാറാര് തലെവാന്‌മ് അയാള് സൊല്ലുപഡിക്ക് നഡാക്കുവ കാവഗാറാര്‌മ് പോയി അപ്പോസുത്തലാര്‌ന തിരിക്കി കൂട്ടി ബന്താര്. ജനഗാള് തമാക്ക് കല്ലെ്റിവാര്‌ഗാളൊ എന്റ് അഞ്ചിന്താദ്‌നാലെ അവാര് അപ്പോസുത്തലാര്‌ന ഒന്റുമു ഗേഗാലെ.

അപ്പോസുത്തലാര് 5:26 ပူးပေါင်းရင်းမြစ်များ

മത്തായി 14:5

ഓഗന്നാന്‌ന കൊല്ലുഡൊ എന്റ് മനേസ്സിന്ത് ഗുഡി ആള്‌ഗാള് അയാള്‌ന സാമിദാസ് എന്റ് സൊല്ലുവാദ്‌നാലെ എരോദാവു ആള്‌ഗാള്‌ക്ക് അഞ്ച്‌നാന്.

മത്തായി 21:26

ആന <മന്‌സാര്‌ഗാള്‌ലിന്ത്> എന്റ് നമ്മ സൊന്നദാന ആള്‌ഗാള് നമാന മൊനേക്ക് തെ്ട്ടുവാര്. എന്ത്‌ക്കെന്റ് സൊന്ന, ആള്‌ഗാള് ഒട്ടുക്കു ഓഗന്നാന്‌ന ഒന്റു സാമിദാസ് എന്റ്‌ത്തെ നെനേത്ത്‌റ്‌ക്കുവാദ്>> എന്റ് സൊന്നാര്.

മത്തായി 26:5

ആന നോമ്പി ഗളിഗേല് അത്തെ ഗേന്ത ജനഗാള് ഇ്ളാഗി കലമ്പാല് മാഡുവാര്. അദ്‌നാലെ നോമ്പി ഗളിഗേല് അദ് ഗേയ പാങ്കില്ലെന്റ് അവാര് സൊന്നാര്.

മത്തായി 26:58

ആന പത്ത്‌റോസു ലേസ ദൂര പിന്ന്‌ക്കിന്ത് കൊണ്ടു ഏസ്സ് പിന്ന്‌മേലെ എഗുദാര് ദൊഡ്ഡ പൂസാരി ബീ്ഡ് കള മാട്ട്‌ക്ക് പോനാന്. കഡേഗല എന്തെല്ല നഡാക്ക്‌മ് എന്റ് കാണ്യ ബേ്ണ്ടി അയാള് ഉളാക്ക് കഡാന്ത് കാവഗാറാരോഡ കുക്കാന്തിന്താന്.

ലൂക്കോസു 20:19

ഏസ്സ് സൊന്ന ഈ കദെ തമാന പറ്റിത്തെ സൊന്നാദ് എന്റ് എഗുദാര് പൂസാരി തലെവാര്‌ഗാള്‌ക്ക്‌മ് ബേദബാത്ത്യനാമ്‌ഗാള്‌ക്ക്‌മ് തെരിന്ത്‌ദ്. അദ്‌നാലെ അവാര് അന്നാല് താനെ ഏസ്സ്‌ന പ്‌ഡിക്ക്യ നോഡുനാര്. ആന ആള്‌ഗാള്‌ക്ക് അഞ്ചി അവാര് ഏസ്സ്‌ന പ്‌ഡിക്കാലെ.

ലൂക്കോസു 20:6

<മന്‌സാര്‌ഗാള്‌ലിന്ത്> എന്റ് സൊന്നദാന ആള്‌ഗാള് ഒട്ടുക്കു ഓഗന്നാന്‌ന ഒന്റു സാമിദാസ് എന്റ് നെനേത്ത്‌റ്‌ക്കുവാദ്‌നാലെ നമാന കല്ലെ്റിന്ത് കൊല്ലുവാര്>> എന്റ് സൊന്നാര്.

ലൂക്കോസു 22:2

അദുക്കുള എഗുദാര് പൂസാരി തലെവാര്‌ഗാള്‌മ് ബേദബാത്ത്യനാമ്‌ഗാള്‌മ് ഏസ്സ്‌ന എത്തെ സൂഗാന കൊല്ല്യ മുഡിമ് എന്റ് ഓസണെ കെ്ട്ട്‌നാര്. എന്ത്‌ക്കെന്റ് സൊന്ന അവാര് ആള്‌ഗാള്‌ക്ക് അഞ്ചിന്താര്.

ലൂക്കോസു 22:4

അദുക്കുള അയാള് പോയി എഗുദാര് പൂസാരി തലെവാര്‌ഗാള്‌നാമ് സാമിബീ്ഡ്‌ന കാക്കുവ പട്ടള തലെവാര്‌ഗാള്‌നാമ് കണ്ട് ഏസ്സ്‌ന അവാര്‌ക്ക് എത്തെ കാട്ടി തര്യ എന്നുവാദ്‌ന പറ്റി നായ നൊഡിന്താന്.

അപ്പോസുത്തലാര് 4:21

അപ്പോസുത്തലാര് ഗേന്താദ്‌ന കണ്ട് ആള്‌ഗാളൊട്ടുക്കു സാമിത്തെ ദൊഡ്ഡവാന് എന്റ് സൊല്ലിന്താര്. അദ്‌നാലെ എഗുദ കോഡിദിക്ക് അവാര്‌ന ദെ്ണ്ടിക്ക്യ മുഡ്യാലെ. എഗുദ കോഡിദി പിന്നേമ് അവാര്‌ന ബ്‌ളിത്ത് മുദാല് മെ്റ്‌ട്ട്‌നാദ്‌ന ബ്‌ഡ നല്ല മെ്റ്‌ട്ടി ബ്‌ട്ടാര്.

അപ്പോസുത്തലാര് 5:13

ആള്‌ഗാള് അവാര്‌ന പറ്റി നല്ല പെരിമെപട്ടിന്താര്, ആന ഏസ്സ്‌ഗാറാര് അല്ലാത്തവാര് ആര്‌മ് അവാര്‌ക്ക് എ്ണേയ ദയിരപഡാലെ.

അപ്പോസുത്തലാര് 5:22

ആന സാമിബീ്ഡ്‌ല ജോലിഗാറാര് ജെയില്‌ക്ക് പോഗാട്ടി അപ്പോസുത്തലാര്‌ന കാണാലെ. അവാര് തിരിഗി ബന്ത് ഈ കാര്യന എഗുദ കോഡിദിഗാറാര്‌ക്ക്:

അപ്പോസുത്തലാര് 5:24

എഗുദാര് പൂസാരി തലെവാര്‌ഗാള്‌മ്, സാമിബീ്ഡ് കാവഗാറാര് തലെവാന്‌മ് ഇദ്‌ന കേ്ള്‌ക്കാട്ടി, അപ്പോസുത്തലാര്‌ക്ക് എന്ത് ആറ്റ് എന്റ് നെനേത്ത് അദിസ്യപട്ടാര്.

അപ്പോസുത്തലാര് 5:25

അയി സമ്യ ഒന്റാള് ഉളാക്ക് ബന്ത് അവാര്‌ക്ക്: <<നിമ്മ ജെയില്‌ക്ക് അഡേത്തവാര് അദാഗെ, സാമിബീ്ഡ്‌ല് നിന്റ് ആള്‌ഗാള്‌ന പഡ്‌സ്‌ന്റാര്>> എന്റ് സൊന്നാന്.