അപ്പോസുത്തലാര് 5:24 - സാമി സേദി

²⁴ എഗുദാര് പൂസാരി തലെവാര്‌ഗാള്‌മ്, സാമിബീ്ഡ് കാവഗാറാര് തലെവാന്‌മ് ഇദ്‌ന കേ്ള്‌ക്കാട്ടി, അപ്പോസുത്തലാര്‌ക്ക് എന്ത് ആറ്റ് എന്റ് നെനേത്ത് അദിസ്യപട്ടാര്.

അപ്പോസുത്തലാര് 5:24 ပူးပေါင်းရင်းမြစ်များ

അപ്പോസുത്തലാര് 5:26

അദുക്കുള കാവഗാറാര് തലെവാന്‌മ് അയാള് സൊല്ലുപഡിക്ക് നഡാക്കുവ കാവഗാറാര്‌മ് പോയി അപ്പോസുത്തലാര്‌ന തിരിക്കി കൂട്ടി ബന്താര്. ജനഗാള് തമാക്ക് കല്ലെ്റിവാര്‌ഗാളൊ എന്റ് അഞ്ചിന്താദ്‌നാലെ അവാര് അപ്പോസുത്തലാര്‌ന ഒന്റുമു ഗേഗാലെ.

അപ്പോസുത്തലാര് 4:1

പത്ത്‌റോസുമു ഓഗന്നാന്‌മ് ആള്‌ഗാളോഡ നായ സൊല്ലികൊണ്ട് ഇന്താര്. അദുക്കുള പൂസാരിഗാള്‌മ്, സാമിബീ്ഡ്‌ല കാവഗാറാര് തലെവാന്‌മ്, സദൂക്ക്യാര്‌മ് അവാര് പട്ട്‌ക്ക് എജ്ജ്‌നാര്.

അപ്പോസുത്തലാര് 4:21

അപ്പോസുത്തലാര് ഗേന്താദ്‌ന കണ്ട് ആള്‌ഗാളൊട്ടുക്കു സാമിത്തെ ദൊഡ്ഡവാന് എന്റ് സൊല്ലിന്താര്. അദ്‌നാലെ എഗുദ കോഡിദിക്ക് അവാര്‌ന ദെ്ണ്ടിക്ക്യ മുഡ്യാലെ. എഗുദ കോഡിദി പിന്നേമ് അവാര്‌ന ബ്‌ളിത്ത് മുദാല് മെ്റ്‌ട്ട്‌നാദ്‌ന ബ്‌ഡ നല്ല മെ്റ്‌ട്ടി ബ്‌ട്ടാര്.

അപ്പോസുത്തലാര് 2:12

ഇദ്‌ല് നഡാക്കുവാദ് എന്ത് എന്റ് തെര്യാദെ എല്ലാവാര്‌മ് അദിസ്യപട്ടാര്, <<ഇദ്‌ക്ക് എന്ത് അര്‌ത്ത?>> എന്റ് ആള്‌ഗാള് ഒട്ടുക്കു തമാക്ക് തമാക്ക് സൊല്ലി അങ്കലാപ്‌പട്ടാര്.

ഓഗന്നാന് 12:19

ഇദ്‌ന കണ്ട് പരിസാര് ആങ്കീങ്ക്: <<നോഡുനു, നമ്മ ഗേയ ഓരാഡുവ കാര്യഗാള് ഒന്റുമു നഡാക്കുവാദില്ലെ, ആള്‌ഗാള് ഒട്ടുക്കു ഏസ്സ് പിന്ന്‌മേലെ പോന്റാര്>> എന്റ് സൊന്നാര്.

ലൂക്കോസു 22:52

ഏസ്സ് തനാക്ക് നേരെ ബന്ത എഗുദാര് പൂസാരി തലെവാര്‌ഗാള്‌ക്ക്‌മ് സാമിബീ്ഡ്‌ന കാക്കുവ പട്ടളഗാറാര് തലെവാര്‌ഗാള്‌ക്ക്‌മ് മൂപ്പനാമ്‌ഗാള്‌ക്ക്‌മ്: <<ഒന്റു കുറ്റഗാറാന്‌ന പ്‌ഡിക്ക്യ ബന്ത പാസെ ബഡിമ് ബാള്‌മ് എ്ഡ്‌ത്ത് എനാന പ്‌ഡിക്ക്യ നിമ്മ ബന്ത്‌റ്‌ന്റ്‌റ?

ലൂക്കോസു 22:4

അദുക്കുള അയാള് പോയി എഗുദാര് പൂസാരി തലെവാര്‌ഗാള്‌നാമ് സാമിബീ്ഡ്‌ന കാക്കുവ പട്ടള തലെവാര്‌ഗാള്‌നാമ് കണ്ട് ഏസ്സ്‌ന അവാര്‌ക്ക് എത്തെ കാട്ടി തര്യ എന്നുവാദ്‌ന പറ്റി നായ നൊഡിന്താന്.

അപ്പോസുത്തലാര് 5:23

<<ജെയില് അഡേത്ത് പൂട്ടിന്ത്‌ദ്, ബാസാത്ത്‌ല് കാവഗാറാര്‌മ് ഇന്താര്. ആന എമ്മ ബാസ ത്‌റാന്ത് നോഡുഗാട്ടി ആര്‌നാമ് കാണാലെ>> എന്റ് സൊന്നാര്.

അപ്പോസുത്തലാര് 5:25

അയി സമ്യ ഒന്റാള് ഉളാക്ക് ബന്ത് അവാര്‌ക്ക്: <<നിമ്മ ജെയില്‌ക്ക് അഡേത്തവാര് അദാഗെ, സാമിബീ്ഡ്‌ല് നിന്റ് ആള്‌ഗാള്‌ന പഡ്‌സ്‌ന്റാര്>> എന്റ് സൊന്നാന്.