അപ്പോസുത്തലാര് 5:2 - സാമി സേദി

² ഈ ബൂമി ബിറ്റ് കെ്ഡേത്ത പണാത്ത്‌ല് ലേസ പണാന അയാള് എ്ഡ്‌ത്ത് തമാക്ക് ബേ്ണ്ടി ബെത്താന്. അദ് അയാള് പെ്ണ്ടച്ചിക്ക്‌മ് തെരിന്തിന്ത്‌ദ്. മിച്ചന എ്ഡ്‌ത്ത് പോയി അപ്പോസുത്തലനാമ്‌ക്ക് കൊഡുത്താന്.

അപ്പോസുത്തലാര് 5:2 ပူးပေါင်းရင်းမြစ်များ

മത്തായി 23:5

തമ്മ ഗേവ ഗിലാസഗാളെല്ല മന്‌സാര് കാണ്യ ബേ്ണ്ടിത്തെ അവാര് ഗേവാദ്. സാമി സൊല്ലുസുലാക്കന എ്ള്‌ദി ഇക്കി ബെത്ത്‌റ്‌ക്കുവ പെ്ട്ടിന ദൊഡ്ഡാദ് മാഡി തലേക്ക് കെ്ട്ടി ബെക്ക്‌ന്റാര്. തമ്മ ഇക്കുവ ജൊഗേക്ക് കുത്തി മൂട്ടുവ താനെന നീ്ട്ട മാഡ്‌ന്റാര്.

ഓഗന്നാന് 12:6

അയാള് ഇത്തെ സൊന്നാദ് ഏ്ളെഗാള്‌ന കറ്‌മ്മ പ്‌ഡിക്കുവാദ്‌നാലെ അല്ല, അയാള് ത്‌റ്‌ട്ടാന് ആനാദ്‌നാലേത്തെ. പണ പയി അയാള് കയില് ഇന്താദ്‌നാലെ അദ്‌ക്കിക്കുവ പണാന അയാള് എ്ഡ്‌ത്ത് കൊണ്ടിന്താന്.

അപ്പോസുത്തലാര് 2:44

ഏസ്സ്‌ഗാറാര് ഒട്ടുക്കു ഒന്റേ കെ്ട്ടായി ഇന്ത് അവാര്‌ക്ക് ഇര്‌ക്കുവാദ്‌ന ഒട്ടുക്കു പങ്കിപജ്‌ന്ത് എ്ഡ്‌ത്താര്.

അപ്പോസുത്തലാര് 4:37

അയാള് തന്ന് ഗദ്ദേന ബിറ്റ് അയി പണാന എ്ഡ്‌ത്ത് ബന്ത് അപ്പോസുത്തലനാമ്‌ക്ക് കൊഡുത്താന്.

അപ്പോസുത്തലാര് 5:1

അനനാസ് എന്റ് സൊല്ലുവ ഒന്റൊരുത്താന് ഇന്ത്‌റ്‌ന്റാന്. അയാള്‌മ് തന്ന് പെ്ണ്ടച്ചി സവീറാമ് തമാക്കിന്ത ലേസ ബൂമിന ബിറ്റാര്.

അപ്പോസുത്തലാര് 5:3

അദുക്കുള പത്ത്‌റോസു അയാള്‌ക്ക് ഇത്തെ സൊന്നാന്: <<അനനാസെ, നീ സെയിത്താന് സൊല്ലുക്കു ആളായി സാമിനിഗാലോഡ ജൂദുപ്‌ഡിത്ത് ഉറുട്ടു സൊന്നാദ്‌മ് ബൂമി ബിറ്റ് കെ്ഡേത്ത പണാത്ത്‌ലിന്ത് ലേസ എ്ഡ്‌ത്ത് ബെത്താദ്‌മ് എന്ത്‌ക്ക്?

അപ്പോസുത്തലാര് 5:8

പത്ത്‌റോസു അവാള്‌ന: <<ഈ ബെലേക്ക്‌ത്തെ നീയിമ് നിന്ന് ആളാന്‌മ് ബൂമിന ബിറ്റാദ? എനാക്ക് സൊല്ലു>> എന്റ് കേ്ട്ടാന്. അദുക്കുള അവാള്: <<ഇ്, അയി ബെലേക്ക്‌ത്തെ>> എന്റ് സൊന്നാള്.

പിലിപ്പ്യഗാറാര് 2:3

നിമ്മ ഒന്റു കാര്യ ഗേഗാട്ടി നിമാന താനെ ദൊഡ്ഡവാര് എന്റ് നെനേക്ക്യ ബേ്ണ്ടിമ് നിമ്മ ഗേവാദ്‌ന പറ്റി ഏസ്സി നഡാക്ക്യ ബേ്ണ്ടിമ് നിമ്മ ഗേഗാദേന്. അദ്‌ക്ക് ബദ്‌ല നിമ്മ തണിന്ത് നഡാക്ക്‌ന്റവാര് ആയിന്ത് അഡ്‌ത്തവാര്‌ന നിമാന ബ്‌ഡ ദൊഡ്ഡവാര് എന്റ് നെനേത്ത് കൊണ്ടു നിമ്മ ഗേഡൊ.

1 തിമിത്തോസു 6:10

പണാക്ക് ബേ്ണ്ടി ആസെപഡുവാദ്‌ത്തെ എല്ലാ ദിന്‌സ് കെ്ട്ടാദ് ബര്യ ബെക്കുവ ഒന്റേ ഒന്റു ബട്ടെ. ലേസ ആള്‌ഗാള് മൊത്തന പണാക്ക് ആസെപട്ട് സാമ്യോഡിര്‌ക്കുവ നമ്പിക്കേന ബ്‌ട്ട്‌തള്ളി തമാക്ക് താനെ പല ദിന്‌സ്‌ല കജട്ടഗാള്‌ന ബരിസ്സി ബെക്ക്‌ന്റാര്.