അപ്പോസുത്തലാര് 4:7 - സാമി സേദി

⁷ അപ്പോസുത്തലാര്‌ന മുന്നുക്കു നില്ലിസി ഇത്തെ അവാര് കേ്ട്ടാര്: <<നിമ്മ എത്തെ ഇത്തെ ഗേന്ത്‌റ്? നിമാക്ക് ഇത്ത്‌റാക്ക് അദിഗര തന്താദ് ആര്? അല്ല പോന ആര് സൊല്ലി ഇത്തെ ഗേന്ത്‌റ്?>>

അപ്പോസുത്തലാര് 4:7 ပူးပေါင်းရင်းမြစ်များ

മത്തായി 21:23

ഏസ്സ് സാമിബീ്ഡ്‌ക്ക് പോയി ആള്‌ഗാള്‌ന പഡ്‌സ്‌ഗാട്ടി എഗുദാര് പൂസാരി തലെവാര്‌ഗാള്‌മ് എഗുദാര് മൂപ്പനാമ്‌ഗാള്‌മ് അയാള് പട്ട്‌ക്ക് ബന്ത്: <<നീ എന്ത് അദിഗരാത്ത്‌ല് ഈ കാര്യഗാളെല്ല ഗേന്റായി? ഈ അദിഗര ആര് നിനാക്ക് തന്താദ്?>> എന്റ് കേ്ട്ടാര്.

മര്‌ക്കോസു 11:28

അത്തെ അവാര്: <<നീ എന്ത് അദിഗരാത്ത്‌ല് ഈ കാര്യഗാളെല്ല ഗേന്റായി? ഈ അദിഗര ആര് നിനാക്ക് തന്താദ്?>> എന്റ് ഏസ്സ്‌ന കേ്ട്ടാര്.

ഓഗന്നാന് 2:18

അദുക്കുള എഗുദാര് ഏസ്സ്‌ന: <<ഇത്തെല്ല ഗേയ നിനാക്ക് അദിഗര ഇര്‌ക്ക്‌ന്റ് എന്റ് കാട്ട്യ നിനാക്ക് എന്ത് അദിസ്യമാന അഡ്യാള ഗേയ മുഡിമ്?>> എന്റ് കേ്ട്ടാര്.

ഓഗന്നാന് 8:3

അദുക്കുള ബേദബാത്ത്യനാമ്‌ഗാള്‌മ് പരിസാര്‌ഗാള്‌മ് ബേസ്യാഡി നഡാന്തിന്ത ഒന്റൊരുത്തിന പ്‌ഡിത്ത് ബന്ത് ആള്‌ഗാള്‌ക്ക് മുന്നുക്കു നില്ല്‌സ്‌നാര്.

ഓഗന്നാന് 8:9

ഇദ്‌ന കേ്ള്‌ക്ക്‌ഗാട്ടി ദൊഡ്ഡവാര്‌ലിന്ത് ഒന്റൊന്റാള് താനെ അദ്‌ലിന്ത് പോനാര്. കഡേഗല ഏസ്സ്‌മ് അദ്‌ക്ക് എ്ഡ്‌ത്ത് നില്ല്‌സ്‌നവാള്‌മ് താനെത്തെ മിച്ചാനാര്.

അപ്പോസുത്തലാര് 4:10

അത്ത്യാന നിമ്മാമ്, ഇസ്‌റവേല് ജനഗാളൊട്ടുക്കുമു ഇദ്‌ന തെരിന്ത്‌റ്‌ക്കുഡൊ. നിമ്മ കുരുസുക്കു സേത്തി ആണി അഡിത്ത് കൊന്റ നസറേത്ത്‌ഗാറാന് ഏസ്സ് ക്‌റ്‌സ്‌ത്ത്‌ന സാമി സാവുലിന്ത് ഉജുര്‌ളാക്ക്‌നാന്. അയി ഏസ്സ് പേര്‌ല്‌ത്തെ ഈ മൊണ്ടി നല്ല മുജുവോഡ നിമ്മ് മുന്നുക്കു നിന്റ് ഇര്‌ന്റാന്.

അപ്പോസുത്തലാര് 4:6

അദ്‌ല് എഗുദാര് ദൊഡ്ഡ പൂസാരി അന്നാസ്‌നാമ്, കയ്യപ്പാവുനാമ്, ഓഗന്നാന്‌നാമ്, അലസാണ്ടാര്‌നാമ്, ദൊഡ്ഡ പൂസാരി കുഡുമ്മഗാറാര്‌നാമ് അവാര് കണ്ടാര്.

അപ്പോസുത്തലാര് 4:8

അദുക്കുള സാമിനിഗാല് തുമ്പി ഇന്താദ്‌നാലെ പത്ത്‌റോസു അവാര്‌ക്ക് ഇത്തെ സൊന്നാന്: <<എഗുദാര് തലെവാര്‌ഗാളെ, മൂപ്പനാമ്‌ഗാളെ,

അപ്പോസുത്തലാര് 5:40

അവാര് അപ്പോസുത്തലാര്‌ന ബരിസ്സി അഡിത്ത്, ഇന്നി മേല് ഏസ്സ് പേര്‌ല് ഒന്റുമു പഡ്‌സാദേന് എന്റ് മെ്റ്‌ട്ട്‌ന പ്‌റ അവാര്‌ന സൊല്ലി ബ്‌ട്ടാര്.