അപ്പോസുത്തലാര് 4:34 - സാമി സേദി

³⁴ അവാര്‌ക്ക് ഒട്ടുക്കു സാമി എഞ്ചോ പ്‌ണ്ണ്യഗാള് ഗേന്താന്. അവാര് കൂട്ടാത്ത്‌ലിന്ത ആര്‌ക്ക്‌മ് ബുദ്ദിമുട്ടു ഒന്റുമു ഇര്‌ക്കാലെ. അവാര് തമാക്ക് ഇന്ത ബീ്ഡ്‌ഗാള്‌നാമ് കാഡ്‌ഗാള്‌നാമ് ബിറ്റ് പണമാഡി,

അപ്പോസുത്തലാര് 4:34 ပူးပေါင်းရင်းမြစ်များ

അപ്പോസുത്തലാര് 2:45

അവാര്‌ക്ക് ഇന്ത സൊത്തുഗാള്‌നെല്ല ബിറ്റ് അയി പണാന ഒന്റൊന്റാള്‌ക്ക് ഇര്‌ക്കുവ ബുദ്ദിമുട്ടുന നോഡി പങ്കി കൊഡുത്താര്.

ലൂക്കോസു 16:9

നിന്ന് പണ എന്നാല്‌ക്ക്‌മ് നിന്നോഡ ഇര്‌ക്കമാട്ട. അദ്‌നാലെ നിനാക്കിര്‌ക്കുവ പണാന ബെത്ത് ആള്‌ഗാള്‌ന കയിതാങ്കി എ്ണേവുഗാറാന്‌ന മാഡി ബെയി. അയി പണ നിനാന ബ്‌ട്ട് പോഗാട്ടി സാമി നിനാന മേലോഗാക്ക് സേത്തി ബെക്കുവാന്.

ലൂക്കോസു 12:33

നിമ്മോഡിര്‌ക്കുവ സൊത്തുഗാള്‌ന ബിറ്റ് ഏ്ളെഗാള്‌ക്ക് കൊഡുനു, അത്തെ കൊഡുത്തു ഓട്ട്യാഗാത്ത പണ പയിമ് തീന്ത് പോഗാത്ത സൊത്തുമു മേലോഗാത്ത്‌ല് സേത്തി ബെയിന്. അദ്‌ക്ക് ത്‌റ്‌ട്ടാന് എജ്ജാമ്‌മാട്ടാന്. അദ് സിദാല് പ്‌ഡിക്കാമ്‌മാട്ട.

ലൂക്കോസു 22:35

പ്‌റ ഏസ്സ് തന്ന് സൊല്ലുപഡി നഡാക്ക്‌ന്റവാര്‌ന: <<നാന് നിമാന പണ പയ്യൊ, പയ്യൊ, സെര്‌പ്പൊ ഇല്ലാദെ സൊല്ലി ബ്‌ഡ്‌ഗാട്ടി നിമാക്ക് എന്തൊന്റു ബുദ്ദിമുട്ടുഗാള് ഇന്ത്‌ദ?>> എന്റ് കേ്ട്ടാന്. അദുക്കുള അവാര്: <<ഇല്ലെ>> എന്റ് സൊന്നാര്.

മര്‌ക്കോസു 10:21

ഏസ്സ് പിര്യപിര്യത്തോഡ അയാള്‌ന നോഡികൊണ്ടു: <<നീ ഒന്റു കാര്യ ഗുഡി ഗേഡൊ; പോയി നിനാക്ക് ഇര്‌ക്കുവാദ്‌ന ഒട്ടുക്കു ബിറ്റ്, പണാന ഒന്റുമില്ലാത്തവാര്‌ക്ക് ദാന ഗേഡൊ. അന്നാപ്പ് മേലോഗാത്ത്‌ല് നിനാക്ക് സൊത്തു കെ്ഡേക്കുവു. പ്‌റ എന്ന് പിന്ന്‌ക്ക് ബരുഡൊ>> എന്റ് സൊന്നാന്.

മത്തായി 19:21

അദുക്കുള ഏസ്സ് അയാള്‌ക്ക്: <<എല്ലാ നല്ല ഗുണഗാള്‌മ് തുമ്പുനവാന് ആയിര്‌ക്ക്യ ആസെപഡുവദാന നീ പോയി നിനാക്ക് ഇര്‌ക്കുവാദ്‌ന ഒട്ടുക്കു ബിറ്റ്, പണാന ഒന്റുമില്ലാത്തവാര്‌ക്ക് ദാന ഗേഡൊ. അന്നാപ്പ് മേലോഗാത്ത്‌ല് നിനാക്ക് സൊത്തു കെ്ഡേക്കുവു. പ്‌റ എന്ന് പിന്ന്‌ക്ക് ബാ>> എന്റ് സൊന്നാന്.

1 തിമിത്തോസു 6:19

ഇത്തെ ഗേവാദ്‌നാലെ ബര്യ പോവ കാലാക്ക് എന്നാല്‌ക്ക്‌മ് അളിന്ത് പോഗാത്ത സൊത്തുന അവാര്‌ക്ക് സേത്തി ബെക്ക്യ മുഡിമ്. അത്തെ അവാര്‌ക്ക് സത്ത്യമാന ഉജുരുന കെ്ഡേസ്യ മുഡിമ്.

അപ്പോസുത്തലാര് 4:37

അയാള് തന്ന് ഗദ്ദേന ബിറ്റ് അയി പണാന എ്ഡ്‌ത്ത് ബന്ത് അപ്പോസുത്തലനാമ്‌ക്ക് കൊഡുത്താന്.

ആക്കോവു 1:27

ദബാരിഗാള്‌ക്ക്‌മ് മ്‌ണ്ടേസ്യാര്‌ക്ക്‌മ് കജട്ട ബര്‌ഗാട്ടി അവാര്‌ന കയി താങ്കുവാദ്‌മ് ഈ ലോഗാത്ത്‌ലിര്‌ക്കുവ ആഗാത്ത കാര്യഗാളൊന്റുമു ഗേഗാദെ തനാന താനെ സൂസാരിക്കുവാദ്‌മ്‌ത്തെ സാമി കണ്ണ്‌ക്ക് മെച്ച്‌പ്‌ഡിത്ത ബക്‌തി.

1 തെസെലോനിക്ക്യഗാറാര് 4:12

അത്തെ ഗേന്ത് നിമ്മ പെ്ളേക്കാട്ടി ഏസ്സ്‌ന നമ്പാത്തവാര് നിമാന മദ്‌സുവാര്, നിമാക്ക് ബേ്ഡ്‌മാന കാര്യാക്ക് ബേ്ണ്ടി നിമ്മ അഡ്‌ത്തവാര്‌ന അണ്ടുവ തേവിമ് ബരമാട്ട.

2 കൊരിന്ത്യഗാറാര് 8:14

ഇന്നാല് നിമാക്ക് മൊത്തനാക്ക് ഇര്‌ക്കുവാദ്‌നാലെ അദ്‌ലിന്ത് അവാര്‌ക്ക് ബേ്ഡ്‌മാനാദ് കൊഡുത്തു കയി താങ്കുഡോമല്ല? നിമ്മ അത്തെ ഗേന്തദാന ഒന്റു സമ്യ നിമ്മ ഇല്ലത്തവാര് ആഗാട്ടി അവാര്‌ക്ക് നിമാന കയിതാങ്ക്യ മുഡിമ്. അത്തെ എല്ലാവാര്‌മ് ഒരേ സമ ഉള്ളവാര് ആല.