അപ്പോസുത്തലാര് 4:32 - സാമി സേദി32 ഏസ്സ്‌ഗാറാര് ഒട്ടുക്കു ഒന്റേ മനേസ്സോഡാമ്, ഒന്റേ കെ്ട്ടോഡാമ് ഇന്താര്. തമാക്ക് ഇര്‌ക്കുവ ഒന്റുനാമ് തനാക്ക് സൊന്ത എന്റ് ആര്‌മ് സൊല്ലാലെ. അവാര് തമാക്ക് ഇന്താദ്‌ന ഒട്ടുക്കു ആള്‌ക്ക് മായ പങ്ക്‌നാര്. အခန်းကိုကြည့်ပါ။ |
അപ്പോസുത്തലാര് 4:32
21 ပူးပေါင်းရင်းမြစ်များ
ഏസ്സ്‌ഗാറാരെ, നാന് ഈ എ്ള്‌ത്ത് എ്ള്‌ദി മുഡിക്കുവ സമ്യാത്ത്‌ല് നാന് നിമാക്ക് സൊല്ലുവാദ് എന്തെന്റ് സൊന്ന, നിമ്മ പിര്യപഡ്‌ന്, നിമ്മ് നമ്പിക്കേല് മ്‌ഗ്‌ന്തവാര് ആയ നിമ്മ ഓരാഡ്‌ന്, നിമ്മ ആങ്കീങ്ക് ദയിര സൊല്ലി നഡാന്, ഒന്റേ മനേസ്സോഡ ഇര്‌ന്, പിര്യപിര്യാത്തോഡ പെ്ളേന്, സീവാന്‌മ് നിമ്മ്‌ദിമ് ഉള്ള സാമി നിമ്മോഡ ഇര്‌ക്കുവാന്.
ആന നിമ്മ ക്‌റ്‌സ്‌ത്ത്‌ന പറ്റി സൊല്ലുവ നല്ല സേദിക്ക് എ്ണേന്ത ദിന്‌സ്‌ല് നല്ലവാരായി നഡാന്ത്‌പ്‌ഡിത്ത് ഗേഡൊ എന്നുവാദ്‌ത്തെ ഇന്നാല് മുക്ക്യമാന കാര്യ. നിമ്മ ഒത്തിമോഡാമ് ഒന്റേ നെനേവോഡാമ് ഇന്ത് നല്ല സേദിന നമ്പുവ കാര്യാത്ത്‌ല്‌മ് സൊല്ലുവ കാര്യാത്ത്‌ല്‌മ് നിമ്മോഡ മുട്ടി നോഡുന്റവാര് മുന്നുക്കു നിമ്മ ഒറേത്ത് നില്ലുഡൊ. നാന് നിമ്മ് പട്ട്‌ക്ക് ബന്ത് നിമാന കണ്ടാല്‌മ് സെരി ഈങ്കിന്ത് കേ്ട്ടാല്‌മ് സെരി ഈ കാര്യന നിമ്മ ഗേന്റ്‌റ് എന്റ് എനാക്ക് കേ്ള്‌ക്കുഡൊ.
നായ സൊല്ല്യ ബര കെ്ഡേസ്‌നവാന് സാമി സൊല്ലുസുലാക്കാത്ത്‌ല് എന്ത്‌ന സൊല്ലിര്‌ക്ക്‌ന്റൊ അദ്‌ന താനെത്തെ സൊല്ലുഡൊ. അഡ്‌ത്തവാര്‌ക്ക് ഉവഗര ഗേയ ബര കെ്ഡേസ്‌നവാന് സാമി കൊഡുത്ത സക്‌തിക്ക് തഗ്‌ന്ത പാസെ ഗിലാസ ഗേഡൊ. അത്തെ നിമ്മ ഗേവ എന്ത് കാര്യഗാള്‌മ് അദ്‌ന ഗേയ കയിതാങ്കുവ ഏസ്സ് ക്‌റ്‌സ്‌ത്ത് പേര്‌ല് സാമി ദൊഡ്ഡവാന് ആഡൊ. സാമി എന്നാല്‌ക്ക്‌മ് പേര്‌പെരിമേമ് എല്ലാദ്‌നാമ് ആളുവ അദിഗരാമ് ഉള്ളവാന് ആയിര്‌ക്കുഡൊ. ആമേന്.
ကြော်ငြာတွေ