അപ്പോസുത്തലാര് 4:22 - സാമി സേദി

²² നോയി തെ്ളിന്തവാന്‌ക്ക് ബയിസ്സ് നാപ്പദ്‌ക്ക് മേല് ആയിന്ത്‌ദ്.

അപ്പോസുത്തലാര് 4:22 ပူးပေါင်းရင်းမြစ်များ

മത്തായി 9:20

അദുക്കുള പന്നന്റ് ബര്‌സ്സ പൊലെ ബെ്ട്ടുവ നോയായിന്ത ഒന്റൊരുത്തി: <<അയാള് ഉഡുപ്പുനെന്റാല് അണ്ണ്‌ന മദി, നാന് തെ്ളിവെ>> എന്റ് മനേസ്സ്‌ല് നെനേത്ത് കൊണ്ടു ഏസ്സ് പിന്ന്‌ക്ക് ബന്ത് അയാള് ഇക്കിന്ത ഉഡുപ്പു താനെന അണ്ണ്‌നാള്.

ലൂക്കോസു 13:11

കെ്ട്ടജാദി തട്ടി പദ്‌നെ്ട്ട് ബര്‌സ്സ ഗൂനു ബ്‌ന്തിന്ത ഒന്റൊരുത്തി അദ്‌ലിന്താള്. അവാള് സെറ്റെ ഗുഡി നേരെ നില്ല്യ മുഡ്യാത്തവാള് ആയിന്താള്.

ഓഗന്നാന് 5:5

ആന മുപ്പത്തെ്ട്ട് ബര്‌സ്സായി നോയി ക്‌ഡാന്തിന്ത ഒന്റൊരുത്താന് അദ്‌ലിന്താന്.

ഓഗന്നാന് 9:1

ഏസ്സ് പോഗാട്ടി പ്‌റാക്കാട്ട്യെ കുറുഡാനായി പ്‌റാന്ത ഒന്റൊരുത്താന്‌ന കണ്ടാന്.

അപ്പോസുത്തലാര് 3:2

അയി സാമിബീ്ഡ്‌ല് അളാഗ് ബാസ എന്നുവ പട്ട്‌ല് കാല്‌മൊണ്ട്യായി പ്‌റാന്തിന്ത ഒരുത്താന് ഇന്തിന്താന്. സാമിബീ്ഡ്‌ക്ക് പോന്റവാരോഡ പിച്ചെഡ്‌ക്ക്യ അയാള്‌ന നാള്‌ക്ക്‌മ് അദ്‌ക്ക് എ്ഡ്‌ത്ത് കുക്കാസിന്താര്.

അപ്പോസുത്തലാര് 4:21

അപ്പോസുത്തലാര് ഗേന്താദ്‌ന കണ്ട് ആള്‌ഗാളൊട്ടുക്കു സാമിത്തെ ദൊഡ്ഡവാന് എന്റ് സൊല്ലിന്താര്. അദ്‌നാലെ എഗുദ കോഡിദിക്ക് അവാര്‌ന ദെ്ണ്ടിക്ക്യ മുഡ്യാലെ. എഗുദ കോഡിദി പിന്നേമ് അവാര്‌ന ബ്‌ളിത്ത് മുദാല് മെ്റ്‌ട്ട്‌നാദ്‌ന ബ്‌ഡ നല്ല മെ്റ്‌ട്ടി ബ്‌ട്ടാര്.

അപ്പോസുത്തലാര് 4:23

പത്ത്‌റോസുമു ഓഗന്നാന്‌മ് ബെ്ളിഗെ ബന്ത് അന്നാല് താനെ തമ്മ് കൂട്ടാത്ത്‌ല ഏസ്സ്‌ഗാറാര് പട്ട്‌ക്ക് തിരിഗി പോനാര്, പ്‌റ എഗുദാര് പൂസാരി തലെവാര്‌ഗാള്‌മ്, മൂപ്പനാമ്‌ഗാള്‌മ് സൊന്നാദ്‌ഗാള്‌ന അവാര്‌ക്ക് സൊന്നാര്.

അപ്പോസുത്തലാര് 9:33

അദ്‌ല് സപ്പെനോയായി ഇ്ളാഗ്യ ഗുഡി മുഡ്യാദെ കെ്ഡെ മേലെ ഇന്ത അയിനാസ് എന്റവാന്‌ന പത്ത്‌റോസു കണ്ടാന്. അയാള്‌ക്ക് അയി നോയി തട്ടി എ്ട്ട് ബര്‌സ്സ ആയിന്ത്‌ദ്.