അപ്പോസുത്തലാര് 4:21 - സാമി സേദി

²¹ അപ്പോസുത്തലാര് ഗേന്താദ്‌ന കണ്ട് ആള്‌ഗാളൊട്ടുക്കു സാമിത്തെ ദൊഡ്ഡവാന് എന്റ് സൊല്ലിന്താര്. അദ്‌നാലെ എഗുദ കോഡിദിക്ക് അവാര്‌ന ദെ്ണ്ടിക്ക്യ മുഡ്യാലെ. എഗുദ കോഡിദി പിന്നേമ് അവാര്‌ന ബ്‌ളിത്ത് മുദാല് മെ്റ്‌ട്ട്‌നാദ്‌ന ബ്‌ഡ നല്ല മെ്റ്‌ട്ടി ബ്‌ട്ടാര്.

അപ്പോസുത്തലാര് 4:21 ပူးပေါင်းရင်းမြစ်များ

മത്തായി 15:31

ഊമെബ്‌ന്തവാര് നായനൊഡിവാദ്‌നാമ് ഗൂനുബ്‌ന്തവാര് തെ്ളിവാദ്‌നാമ്, മൊണ്ടിഗാള് നഡാക്കുവാദ്‌നാമ്, കുറുഡാര്‌ക്ക് കണ്ണ്‌കാട്ടുവാദ്‌നാമ് ആള്‌ഗാള് കണ്ട് അദിസ്യപട്ട്: <<ഇസ്‌റവേല് സാമി ദൊഡ്ഡവാന്‌ത്തെ>> എന്റ് സൊന്നാര്.

മത്തായി 21:46

അദ്‌നാലെ അവാര് ഏസ്സ്‌ന പ്‌ഡിക്ക്യ നോഡുനാര്. ആന ആള്‌ഗാള് ഏസ്സ്‌ന ഒന്റു സാമിദാസ് എന്റ് നെനേത്തിന്താദ്‌നാലെ ആള്‌ഗാള്‌ക്ക് അവാര് അഞ്ച്‌നാര്.

മത്തായി 26:5

ആന നോമ്പി ഗളിഗേല് അത്തെ ഗേന്ത ജനഗാള് ഇ്ളാഗി കലമ്പാല് മാഡുവാര്. അദ്‌നാലെ നോമ്പി ഗളിഗേല് അദ് ഗേയ പാങ്കില്ലെന്റ് അവാര് സൊന്നാര്.

മത്തായി 9:33

ഏസ്സ് അയാള്‌ക്ക് തട്ടിന്ത കെ്ട്ടജാദിന തട്ടിസി തള്ള്‌ന പ്‌റ ഊമെബ്‌ന്തിന്തവാന് നായ നൊഡിന്താന്. <<ഇസ്‌റവേല്‌ല് ഇത്തവ കാര്യഗാള്‌ന ഒന്റു നാള് ഗുഡി കാണാഗേ ഇല്ലെ>> എന്റ് സൊല്ലി ആള്‌ഗാള് അദിസ്യപട്ടാര്.

മത്തായി 9:8

ആള്‌ഗാള് ഇദ്‌ന കണ്ട് അഞ്ചിക്കെപട്ട്: <<മന്‌സാര്‌ഗാള്‌ക്ക് ഇത്തവ അദിഗര കൊഡുത്ത സാമി ദൊഡ്ഡവാന്‌ത്തെ>> എന്റ് സൊന്നാര്.

ലൂക്കോസു 13:17

ഏസ്സ് ഈ കാര്യന സൊല്ലുഗാട്ടി അയാളോഡ പഗെ ഇന്തവാരൊട്ടുക്കു നാണഗെ്ട്ടാര്. ആന ആള്‌ഗാളെല്ല ഏസ്സ് ഗേന്ത ഈ അദിസ്യപട്ട കാര്യഗാള്‌നൊട്ടുക്കു കണ്ട് പിര്യപൊങ്കുനാര്.

ലൂക്കോസു 20:19

ഏസ്സ് സൊന്ന ഈ കദെ തമാന പറ്റിത്തെ സൊന്നാദ് എന്റ് എഗുദാര് പൂസാരി തലെവാര്‌ഗാള്‌ക്ക്‌മ് ബേദബാത്ത്യനാമ്‌ഗാള്‌ക്ക്‌മ് തെരിന്ത്‌ദ്. അദ്‌നാലെ അവാര് അന്നാല് താനെ ഏസ്സ്‌ന പ്‌ഡിക്ക്യ നോഡുനാര്. ആന ആള്‌ഗാള്‌ക്ക് അഞ്ചി അവാര് ഏസ്സ്‌ന പ്‌ഡിക്കാലെ.

ലൂക്കോസു 20:6

<മന്‌സാര്‌ഗാള്‌ലിന്ത്> എന്റ് സൊന്നദാന ആള്‌ഗാള് ഒട്ടുക്കു ഓഗന്നാന്‌ന ഒന്റു സാമിദാസ് എന്റ് നെനേത്ത്‌റ്‌ക്കുവാദ്‌നാലെ നമാന കല്ലെ്റിന്ത് കൊല്ലുവാര്>> എന്റ് സൊന്നാര്.

ലൂക്കോസു 22:2

അദുക്കുള എഗുദാര് പൂസാരി തലെവാര്‌ഗാള്‌മ് ബേദബാത്ത്യനാമ്‌ഗാള്‌മ് ഏസ്സ്‌ന എത്തെ സൂഗാന കൊല്ല്യ മുഡിമ് എന്റ് ഓസണെ കെ്ട്ട്‌നാര്. എന്ത്‌ക്കെന്റ് സൊന്ന അവാര് ആള്‌ഗാള്‌ക്ക് അഞ്ചിന്താര്.

ലൂക്കോസു 5:26

അദ്‌ലിന്ത എല്ലാ ആള്‌ഗാള്: <<അവ്വോ, ഇത്തവ കാര്യന നമ്മ ഇദ്‌ക്ക് മുന്നുക്കു കാണഗേ ഇല്ലെ>> എന്റ് അദിസ്യപട്ട് സദ്‌റബെ്ട്ടികൊണ്ടു സാമി ദൊഡ്ഡവാന്‌ത്തെ എന്റ് സൊന്നാര്.

അപ്പോസുത്തലാര് 4:17

ആന ഈ കാര്യ ആള്‌ഗാള് എ്ഡേല് പജാക്കാദെ ഇര്‌ക്ക്യ ഇന്നി എന്നാല്‌ക്ക്‌മ് ആരോഡാമ് ഈ പേര്‌ല് നായനൊഡ്യാദേന് എന്റ് അവാര്‌ന മെ്റ്‌ട്ട്‌ഗാന്>> എന്റ് സൊന്നാര്.

അപ്പോസുത്തലാര് 4:22

നോയി തെ്ളിന്തവാന്‌ക്ക് ബയിസ്സ് നാപ്പദ്‌ക്ക് മേല് ആയിന്ത്‌ദ്.

അപ്പോസുത്തലാര് 5:13

ആള്‌ഗാള് അവാര്‌ന പറ്റി നല്ല പെരിമെപട്ടിന്താര്, ആന ഏസ്സ്‌ഗാറാര് അല്ലാത്തവാര് ആര്‌മ് അവാര്‌ക്ക് എ്ണേയ ദയിരപഡാലെ.

അപ്പോസുത്തലാര് 5:26

അദുക്കുള കാവഗാറാര് തലെവാന്‌മ് അയാള് സൊല്ലുപഡിക്ക് നഡാക്കുവ കാവഗാറാര്‌മ് പോയി അപ്പോസുത്തലാര്‌ന തിരിക്കി കൂട്ടി ബന്താര്. ജനഗാള് തമാക്ക് കല്ലെ്റിവാര്‌ഗാളൊ എന്റ് അഞ്ചിന്താദ്‌നാലെ അവാര് അപ്പോസുത്തലാര്‌ന ഒന്റുമു ഗേഗാലെ.

അപ്പോസുത്തലാര് 5:40

അവാര് അപ്പോസുത്തലാര്‌ന ബരിസ്സി അഡിത്ത്, ഇന്നി മേല് ഏസ്സ് പേര്‌ല് ഒന്റുമു പഡ്‌സാദേന് എന്റ് മെ്റ്‌ട്ട്‌ന പ്‌റ അവാര്‌ന സൊല്ലി ബ്‌ട്ടാര്.