അപ്പോസുത്തലാര് 4:14 - സാമി സേദി

¹⁴ നോയി തെ്ളിന്തിന്തവാന് പത്ത്‌റോസോഡാമ് ഓഗന്നാനോഡാമ് ഇര്‌ക്കുവാദ്‌ന കണ്ടാദ്‌നാലെ അവാര്‌ക്ക് ഒന്റുമു സൊല്ല്യ മുഡ്യാലെ.

അപ്പോസുത്തലാര് 4:14 ပူးပေါင်းရင်းမြစ်များ

അപ്പോസുത്തലാര് 19:36

ഇദെല്ല ഇല്ലെ എന്റ് ആര്‌ക്ക്‌മ് സൊല്ല്യ മുഡ്യാത്ത കാര്യഗാള്‌ത്തെ. അദ്‌നാലെ നിമ്മ സപ്പാന ഇര്‌ന്, നെപ്പ്‌നേരില്ലാദെ ഒന്റുമു ഗേഗാദേന്.

അപ്പോസുത്തലാര് 4:21

അപ്പോസുത്തലാര് ഗേന്താദ്‌ന കണ്ട് ആള്‌ഗാളൊട്ടുക്കു സാമിത്തെ ദൊഡ്ഡവാന് എന്റ് സൊല്ലിന്താര്. അദ്‌നാലെ എഗുദ കോഡിദിക്ക് അവാര്‌ന ദെ്ണ്ടിക്ക്യ മുഡ്യാലെ. എഗുദ കോഡിദി പിന്നേമ് അവാര്‌ന ബ്‌ളിത്ത് മുദാല് മെ്റ്‌ട്ട്‌നാദ്‌ന ബ്‌ഡ നല്ല മെ്റ്‌ട്ടി ബ്‌ട്ടാര്.

അപ്പോസുത്തലാര് 4:16

<<നമ്മ ഇവാര്‌ന എന്ത് ഗേയ? അവാര് എത്ത്‌റാഗോ ദൊഡ്ഡ കാര്യ ഗേന്ത്‌റ്‌ന്റാര് എന്റ് എര്‌സലേമ്‌ഗാറാര്‌ക്ക് ഒട്ടുക്കു തെരിവു. അദ്‌ന ഇല്ലെന്റ് സൊല്ല്യ നമാക്ക് മുഡ്യാമാട്ട.

അപ്പോസുത്തലാര് 4:10

അത്ത്യാന നിമ്മാമ്, ഇസ്‌റവേല് ജനഗാളൊട്ടുക്കുമു ഇദ്‌ന തെരിന്ത്‌റ്‌ക്കുഡൊ. നിമ്മ കുരുസുക്കു സേത്തി ആണി അഡിത്ത് കൊന്റ നസറേത്ത്‌ഗാറാന് ഏസ്സ് ക്‌റ്‌സ്‌ത്ത്‌ന സാമി സാവുലിന്ത് ഉജുര്‌ളാക്ക്‌നാന്. അയി ഏസ്സ് പേര്‌ല്‌ത്തെ ഈ മൊണ്ടി നല്ല മുജുവോഡ നിമ്മ് മുന്നുക്കു നിന്റ് ഇര്‌ന്റാന്.

അപ്പോസുത്തലാര് 4:13

പത്ത്‌റോസുമു, ഓഗന്നാന്‌മ് അത്ത്‌റ പഡിപ്പ്‌ഗാറാര്‌മ് അല്ല അത്ത്‌റ ദൊഡ്ഡ ആള്‌ഗാള്‌മ് അല്ല എന്റ് തെരിന്താദ്‌നാലേമ്, ഇവാര് ദയിരന കണ്ടാദ്‌നാലേമ് അദ്‌ക്ക് കൂഡിന്ത എഗുദ കോഡിദിഗാറാര് അദിസ്യപട്ടാര്. പത്ത്‌റോസുമു, ഓഗന്നാന്‌മ് ഏസ്സോഡൊപ്പ ഇന്തവാര് എന്റ്‌മ് അദുക്കുള അവാര്‌ക്ക് തെരിന്ത്‌ദ്.

അപ്പോസുത്തലാര് 4:15

അപ്പോസുത്തലാര്‌ന ബെ്ളിഗെ പോയി നിന്റ് ഇര്‌ക്ക്യ എഗുദ കോഡിദിഗാറാര് സൊന്നാര്, അദ്‌ക്ക് പ്‌റ അവാര് തമാക്ക് തമാക്ക് ഓസണെ മാഡിന്ത്: