അപ്പോസുത്തലാര് 4:13 - സാമി സേദി

¹³ പത്ത്‌റോസുമു, ഓഗന്നാന്‌മ് അത്ത്‌റ പഡിപ്പ്‌ഗാറാര്‌മ് അല്ല അത്ത്‌റ ദൊഡ്ഡ ആള്‌ഗാള്‌മ് അല്ല എന്റ് തെരിന്താദ്‌നാലേമ്, ഇവാര് ദയിരന കണ്ടാദ്‌നാലേമ് അദ്‌ക്ക് കൂഡിന്ത എഗുദ കോഡിദിഗാറാര് അദിസ്യപട്ടാര്. പത്ത്‌റോസുമു, ഓഗന്നാന്‌മ് ഏസ്സോഡൊപ്പ ഇന്തവാര് എന്റ്‌മ് അദുക്കുള അവാര്‌ക്ക് തെരിന്ത്‌ദ്.

അപ്പോസുത്തലാര് 4:13 ပူးပေါင်းရင်းမြစ်များ

1 കൊരിന്ത്യഗാറാര് 1:27

ആന അറിവാളിഗാള് എന്റ് നെനേക്ക്‌ന്റവാര്‌ന നാണഗെ്ഡിസ്യ ബേ്ണ്ടി സാമി മന്‌സാര് കണ്ണ്‌ക്ക് ബുദ്ദിഗെ്ട്ടാദ്‌മ് അറുവുഗെ്ട്ടാദ്‌മ് ആനാദ്‌ന തെരിന്തെ്ഡ്‌ത്താന്. സക്‌തി ഇര്‌ക്ക്‌ന്റവാര് എന്റ് നെനേക്ക്‌ന്റവാര്‌ന നാണഗെ്ഡിസ്യ ബേ്ണ്ടി മന്‌സാര് കണ്ണ്‌ക്ക് സക്‌തി ഇല്ലത്താദ്‌ന സാമി തെരിന്തെ്ഡ്‌ത്താന്.

ഓഗന്നാന് 7:15

<<പഡിപ്പില്ലാത്ത ഇയാള്‌ക്ക് ഇത്ത്‌റ അറുവു ഏദ്‌ലിന്ത് കെ്ഡേത്ത്‌ദ്?>> എന്റ് സൊല്ലി എഗുദാര് അദിസ്യപട്ടാര്.

മത്തായി 11:25

അയി ഗളിഗേല് താനെ ഏസ്സ് ഇത്തെ സൊന്നാന്: <<അപ്പാ, മേലോഗാക്ക്‌മ് ബൂലോഗാക്ക്‌മ് ആണ്ടവാനായിര്‌ക്ക്‌ന്റവനെ, നീ ഇദ്‌ന അറുവുഗാറാര്‌ക്ക്‌മ് ബുദ്ദിസാലിഗാള്‌ക്ക്‌മ് മറേസി ബെത്ത് സ്‌ന്നമക്കാള്‌ന പാസെ തണിന്ത് നഡാക്ക്‌ന്റവാര്‌ക്ക് കാട്ടി കൊഡുത്തിര്‌ന്റായി. അദ്‌നാലെ നാന് നിനാക്ക് മദ്‌പ്പ് തന്റെ.

മത്തായി 26:73

സെറ്റെ ഗളിഗെ ആന പ്‌റ അദ്‌ല് നിന്റിന്തവാര് ബന്ത് പത്ത്‌റോസുക്കു: <<നേര്‌മായി നീയിമ് അവാര് കൂട്ടാക്ക് പട്ടവാന്‌ത്തെ. നീ സൊല്ലുവ നായാത്ത്‌ലെ അദ് തെരിന്റല്ല?>> എന്റ് സൊന്നാര്.

ഓഗന്നാന് 7:49

ആന ഈ ആള്‌ഗാള്‌ക്ക് മോസെ ബെത്ത സാമി സട്ടാന തെര്യ. അദ്‌നാലെ അവാര് സാപ്പ പ്‌ഡിത്തവാര്‌ത്തെ>> എന്റ് സൊന്നാര്.

ലൂക്കോസു 22:8

അദുക്കുള ഏസ്സ് പത്ത്‌റോസുനാമ് ഓഗന്നാന്‌നാമ്: <<നിമ്മ പോയി നമാക്ക് പെസഗെ സാപ്പാഡ് ഒരുക്കുനു>> എന്റ് സൊല്ലി ബ്‌ട്ടാന്.

മത്തായി 26:71

പ്‌റ അയാള് കളാത്ത്‌ലിന്ത് ബെ്ളിഗെ പോവ മെ്ട്ട്‌പഡിഗേക്ക് പോഗാട്ടി ബേ്റൊന്റൊരുത്തി അയാള്‌ന കണ്ട്: <<ഇയാള് നസറേത്ത്‌ഗാറാന് ഏസ്സോഡ ഇന്തവാന്‌ത്തെ>> എന്റ് അദ്‌ലിന്തവാര്‌ക്ക് സൊന്നാള്.

ഓഗന്നാന് 19:26

ഏസ്സ് തന്നവ്വേസിനാമ് താന് സീവാന് ബ്‌ട്ട തന്ന് സൊല്ലുപഡി നഡാക്ക്‌ന്റവാന്‌നാമ് അദ്‌ല് കണ്ടാന്. അദുക്കുള തന്നവ്വേസിക്ക്: <<പെ്ണ്ണ്‌പ്‌ളേഗെ, ഇദാ, നിന്ന് മഗാന്>> എന്റ് സൊന്നാന്.

അപ്പോസുത്തലാര് 4:14

നോയി തെ്ളിന്തിന്തവാന് പത്ത്‌റോസോഡാമ് ഓഗന്നാനോഡാമ് ഇര്‌ക്കുവാദ്‌ന കണ്ടാദ്‌നാലെ അവാര്‌ക്ക് ഒന്റുമു സൊല്ല്യ മുഡ്യാലെ.

അപ്പോസുത്തലാര് 4:19

ആന പത്ത്‌റോസുമു ഓഗന്നാന്‌മ് ഇത്തെ അവാര്‌ക്ക് ബദ്‌ല് സൊന്നാര്, <<സാമി സൊല്ലുവാദ്‌ന കേ്ള്‌ക്കുവാദൊ നിമ്മ സൊല്ലുവാദ്‌ന കേ്ള്‌ക്കുവാദൊ ഏദ് സെരി എന്റ് നിമ്മ താനെ സൊല്ലുനു.

അപ്പോസുത്തലാര് 4:29

അദ്‌നാലെ ആണ്ടവാനെ, അവാര് മെ്റ്‌ട്ടുവാദ്‌ന നീ ഇന്നാല് നോഡുഡോമെ. നിന്ന് സേദി സെരിക്ക്‌മ് ദയിരത്തോഡ സൊല്ല്യ നിന്ന് ഗിലാസഗാറാര് ആയിര്‌ക്കുവ എമാന താങ്കുഡോമെ.

അപ്പോസുത്തലാര് 4:31

ഇത്തെ അവാര് പരേസി തീന്താദ്‌മ് അവാര് കൂഡിന്ത എ്ഡെ അദ്‌റ്‌ന്ത്‌ദ്. അവാര്‌ക്ക് ഒട്ടുക്കു സാമിനിഗാല് ഏ്റി അവാര്‌ന മൂഡി തള്ള്‌ട്ട്. സാമി സേദി അവാര് ദയിരത്തോഡ സൊല്ല്യാമ് പ്‌ഡിത്താര്.

അപ്പോസുത്തലാര് 9:27

അദുക്കുള ബറ്‌ണവാസ് എന്നുവ ഒന്റൊരുത്താന് ബന്ത് സവുലുക്കു തൊണെ നിന്റ് അപ്പോസുത്തലാര് പട്ട്‌ക്ക് കൂട്ടി പോനാന്. പ്‌റ സവുലു ആണ്ടവാന്‌ന കണ്ടാദ്‌നാമ്, ആണ്ടവാന് അയാളോഡ നായ നൊഡിന്താദ്‌നാമ്, ദമാസ്‌കോസുലു അയാള് ഏസ്സ്‌ന പറ്റി ദയിരത്തോഡ സൊന്നാദ്‌നാമ് ബറ്‌ണവാസ് അപ്പോസുത്തലാര്‌ക്ക് സൊക്കാന സൊന്നാന്.

അപ്പോസുത്തലാര് 9:28

അത്തെ സവുലു ഏസ്സ്‌ഗാറാരോഡ ഇന്താന്. അദ്‌ക്ക് പ്‌റ അയാള് എര്‌സലേമ്‌ല് ഇര്‌ക്കുവ എല്ലാ എ്ഡെഗാള്‌ക്ക്മ് ആണ്ടവാന് കൊഡുത്ത അദിഗരാത്ത്‌ല് പോയി ദയിരത്തോഡ ആണ്ടവാന് ഏസ്സ് പറ്റി സൊന്നാന്.

1 കൊരിന്ത്യഗാറാര് 14:25

അയാള് മനേസ്സ്‌ല് മറേസി ബെത്ത്‌റ്‌ക്കുവ കാര്യഗാള് എല്ലാര്‌ക്ക്‌മ് നെപ്പ്‌കെ്ഡേക്ക്‌മ്. അത്തെ അയാള് സത്ത്യമായിമ് സാമി നിമ്മ് പട്ട്‌ല് ഇര്‌ക്ക്‌ന്റാന് എന്റ് സൊല്ലി സഡങ്ക ബ്‌ന്ത് സാമിന കുമ്മുഡുവാന്.

2 കൊരിന്ത്യഗാറാര് 3:12

പള്യ ഒപ്പന്തന ബ്‌ഡ പുദ്യ ഒപ്പന്താക്ക് അദിഗ മദ്‌പ്പ് ഇര്‌ക്ക്‌ന്റ് എന്നുവ നെഞ്ചഡെ എമാക്ക് ഇര്‌ക്കുവാദ്‌നാലെ എമ്മ എത്ത്‌റാഗോ ദയിര ഉള്ളവാര്‌ത്തെ.