അപ്പോസുത്തലാര് 3:8 - സാമി സേദി

⁸ അയാള് ബുഗുറുക്കന ഇ്ളാഗി നിന്റ് സുറ്റുമു നഡാക്ക്യ പ്‌ഡിത്താന്. അദ്‌ക്ക് പ്‌റ അയാള് സാമിത്തെ ദൊഡ്ഡവാന് എന്റ്‌കൊണ്ടുമു, ഗുദിത്ത്‌കൊണ്ടുമു അവാരോഡ സാമിബീ്ഡ്‌ക്ക് പോനാന്.

അപ്പോസുത്തലാര് 3:8 ပူးပေါင်းရင်းမြစ်များ

ലൂക്കോസു 18:43

അന്നാല് താനെ അയാള്‌ക്ക് കണ്ണ് കാട്ട്‌റ്റ്. അയാള് സാമിത്തെ ദൊഡ്ഡവാന് എന്റ് സൊല്ലി ഏസ്സ് പിന്ന്‌മേലെ പോനാന്. ഈ നഡാന്ത കാര്യന കണ്ട എല്ലാ ആള്‌ഗാള് <<സാമിത്തെ ദൊഡ്ഡവാന്>> എന്റ് സൊന്നാര്.

ലൂക്കോസു 6:23

അയി നാള്‌ക്ക് നിമ്മ പിര്യപൊങ്കി ആട്ടാഡ്‌ന്. എന്ത്‌ക്കെന്റ് സൊന്ന മേലോഗാത്ത്‌ല് സാമി നിമാക്ക് മ്‌ഗ്‌ന്ത കൂലി തരുവാന്. അവാര് പാട്ടനാമ്‌മ് സാമിദാസ്‌ഗാള്‌ന അദേപാസെ ഗേന്ത്‌റ്‌ന്റാര്.

ഓഗന്നാന് 5:14

പ്‌റസാരി ഏസ്സ് അയാള്‌ന സാമിബീ്ഡ്‌ല് ബെത്ത് കണ്ട്: <<നോഡു, നീ സൊക്കനാനായല്ല. സേത്തി കജട്ടഗാള് ബരാദിര്‌ക്ക്യ ബേ്ണ്ടി നീ ഇന്നി പാവ ഗേഗാദെ>> എന്റ് സൊന്നാന്.

അപ്പോസുത്തലാര് 14:10

അദ്‌നാലെ <<ഇ്ളാഗി മെ്ട്ടി നേരെ നില്ല്>> എന്റ് പവുലോസു ദൊഡ്ഡാദ്‌ക്ക് അയാള്‌ക്ക് സൊന്നാന്. അന്നാല് താനെ അയാള് ബുഗുറുക്കന ഇ്ളാഗി നഡാക്ക്യ പ്‌ഡിത്താന്.

അപ്പോസുത്തലാര് 19:16

പ്‌റസാരി കെ്ട്ടജാദി തട്ടി ഇര്‌ക്ക്‌ന്റവാന് അവാര് കുദ്ദാക്ക് പറാന്ത് ബ്‌ന്ത് അവാര്‌ന അഡിത്ത് ബീ്ക്ക്‌നാന്. അയാള്‌ക്ക് അവാര്‌ന ബ്‌ഡ മുജുവു ഇന്ത്‌ദ്. അദ്‌നാലെ അയാള് അവാര്‌ന ഗായ മാഡി അവാര് സീലെസിലാപ്പ്‌ന പീ്റി തളള്‌നാന്. അയി എഗുദാര് ഈ്ഡ് കെ്ഡേസി അയാള് ബീ്ഡ്‌ലിന്ത് ബെ്റ്‌ദെകറി ഓഡി പോനാര്.

അപ്പോസുത്തലാര് 3:7

അദ്‌ക്ക് പ്‌റ പത്ത്‌റോസു അയാള്‌ന ഇ്ളാക്കി നില്ലിസ്യ അയാള് ബല കയിന പ്‌ഡിത്താന്. അന്നാല് താനെ അയാള് പാദകാല്‌ക്ക്‌മ് കണെക്കാക്ക്‌മ് ഒറേപ്പ് കെ്ഡേത്ത്‌ദ്.