അപ്പോസുത്തലാര് 3:4 - സാമി സേദി

⁴ പത്ത്‌റോസുമു ഓഗന്നാന്‌മ് അയാള്‌ന സൊക്കാന നോഡുന പ്‌റ <<എമാന നോഡു>> എന്റ് പത്ത്‌റോസു സൊന്നാന്.

അപ്പോസുത്തലാര് 3:4 ပူးပေါင်းရင်းမြစ်များ

ലൂക്കോസു 4:20

അത്തെ ഏസ്സ് ബൊക്കുന അഡേത്ത് ബൊക്കുന എ്ഡ്‌ത്ത് ബെക്ക്‌ന്റവാന്‌ക്ക് തിരിക്കി കൊഡുത്ത പ്‌റ കുക്കാന്താന്. അയി പരേസുവ ബീ്ഡ്‌ലിന്തവാര് ഒട്ടുക്കു അയാള്‌ന താനെ സൊക്കാന നോഡിന്താര്.

ഓഗന്നാന് 11:40

അദുക്കുള ഏസ്സ് അവാള്‌ക്ക്: <<നീ നമ്പ്‌നദാന സാമിക്ക് ഇര്‌ക്കുവ മദ്‌പ്പ്‌ന നീ കാണുവായി എന്റ് നാന് സൊല്ലാലെഗ?>> എന്റ് സൊന്നാന്.

ഓഗന്നാന് 5:6

അയാള് അദ്‌ല് കെ്ഡെബ്‌ന്ത് ഇര്‌ക്കുവാദ്‌ന ഏസ്സ് കണ്ടാന്. ഇത്തെ അയാള് എന്നലോ ഇന്ത് നോയി ക്‌ഡാക്ക്‌ന്റാന് എന്റ് ഏസ്സ്‌ക്ക് തെരിന്ത്‌ദ്. അദ്‌നാലെ ഏസ്സ് അയാള്‌ന: <<നിനാക്ക് നോയി തെ്ളിഡൊ എന്റ് മനേസ്സിര്‌ക്ക്‌ന്റ?>> എന്റ് കേ്ട്ടാന്.

അപ്പോസുത്തലാര് 10:4

അയാള് അഞ്ചിക്കേക്ക് ദൂദാന്‌ന ബൊഡൊബൊഡോത്തു കണ്ണ് ദുറുത്തു നോഡികൊണ്ടു <<ഇദ് എന്ത് പണ്ണാഡ്യെ?>> എന്റ് കേ്ട്ടാന്. അദ്‌ക്ക് സാമിദൂദാന് ഇത്തെ സൊന്നാന്: <<സാമി നിന്ന് പരേസന കേ്ട്ട്‌റ്‌ന്റാന്, നീ ഗേന്ത ദാനദറ്‌മ്മഗാള്‌നാമ് കണ്ട്‌റ്‌ന്റാന്, അദ്‌നാലെ സാമി നിനാക്ക് നല്ലാദ് ഗേയ പോന്റാന്.

അപ്പോസുത്തലാര് 11:6

നാന് അദ്‌ന സൊക്കാന നോഡുഗാട്ടി അദ്‌ല് ബൂമിലിര്‌ക്കുവ മന്‌സാന് സാക്കുവ ബേ്ണ്ട്‌ഗാള്‌നാമ്, സോലെ ബേ്ണ്ട്‌ഗാള്‌നാമ്, ഊരുന്ത് നഡാക്കുവ ഉജുരുകെ്ളെഗാള്‌നാമ്, ബാന്‌ല പക്കിഗാള്‌നാമ് കണ്ടേന്.

അപ്പോസുത്തലാര് 3:1

ഒന്റു നാള് പത്ത്‌റോസുമു ഓഗന്നാന്‌മ് പരേസുവ നേര ആഗാട്ടി സാമിബീ്ഡ്‌ക്ക് പോനാര്. അദുക്കുള നേര ഉച്ചി കളിന്ത് മൂറു മണി ആയിന്ത്‌ദ്.

അപ്പോസുത്തലാര് 3:11

സാമിബീ്ഡ്‌ല് സലോമോനുത്തു എന്നുവ മണ്ടഗ ഇന്ത്‌ദ്. അദ്‌ല് നോയി തെ്ളിന്തവാന് പത്ത്‌റോസോഡാമ് ഓഗന്നാനോഡാമ് ഒപ്പ എ്ണേന്ത് ഇന്താന്. അദ്‌ന കണ്ട് ആള്‌ഗാള് അദിസ്യപട്ട് അവാര് പട്ട്‌ക്ക് ഓഡി ബന്താര്.

അപ്പോസുത്തലാര് 3:12

പത്ത്‌റോസു ആള്‌ഗാള്‌ന കണ്ട് അവാര്‌ക്ക് ഇത്തെ സൊന്നാന്: <<എന്ന് സൊന്ത ഇസ്‌റവേല്‌ഗാറാരെ ഇദ്‌ന കണ്ട് നിമ്മ അദിസ്യപഡുവാദ് എന്ത്‌ക്ക്? നിമ്മ എന്ത്‌ക്ക് എമാന കണ്ണ് ദുറുത്തു നോഡിര്‌ന്റ്‌റ്? എമാക്ക് ദൊഡ്ഡ ബില ഇര്‌ക്കുവാദ്‌നാലെഗൊ സാമി മുന്നുക്കു എമ്മ നല്ലവാര് ആനാദ്‌നാലേഗൊ ഇയാള്‌ക്ക് നഡാക്ക്യ മുഡിന്താദ് എന്റ് നിമ്മ നെനേക്ക ബേ്ഡ.

അപ്പോസുത്തലാര് 3:3

അയാള് പത്ത്‌റോസുമു ഓഗന്നാന്‌മ് സാമി ബീ്ഡ്‌ക്ക് പോവാദ്‌ന കണ്ട് അവാര്‌ക്ക് കയി കാട്ട്‌നാന്.

അപ്പോസുത്തലാര് 3:5

അദുക്കുള അവാര് എന്താറ്റ കൊഡുക്കുവാര് എന്റ് ആസെപട്ട് അയാള് അവാര്‌ന സൊക്കാന നോഡുനാന്.