അപ്പോസുത്തലാര് 3:21 - സാമി സേദി

²¹ എല്ലാദ്‌നാമ് നല്ലാദ് മാഡുവ കാല ബരമാട്ട്‌ക്ക് ഏസ്സ് മേലോഗാത്ത്‌ല്‌ത്തെ ഇര്‌ക്കുഡൊ എന്റ് സാമി മുന്തെ കാലാത്ത്‌ല് ഇന്ത തന്ന് ദാസ്‌ഗാള്‌ക്ക് സൊല്ലിന്താന്. അദ്‌ന അവാര് ആള്‌ഗാള്‌ക്ക് സൊല്ലിര്‌ന്റാര്.

അപ്പോസുത്തലാര് 3:21 ပူးပေါင်းရင်းမြစ်များ

അപ്പോസുത്തലാര് 1:11

<<അല, ഗലീലഗാറാരെ, നിമ്മ ബാന്‌ല് എന്ത്‌ന നോഡി നിന്റ് ഇര്‌ക്ക്‌ന്റ്‌റ്? നിമ്മ് പട്ട്‌ലിന്ത് ഏസ്സ്‌ന മേലോഗാക്ക് എ്ഡ്‌ത്താര്. അയാള് മേലോഗാക്ക് പോവാദ്‌ന നിമ്മ കണ്ട പാസെ അയാള് തിരിഗിമ് ബരുവാന്.>>

ബെ്ളിപട്ട കാര്യ 22:6

അയി ദൂദാന് എനാക്ക്, <<ഈ നായഗാള് സത്ത്യാമ് നമ്പ്യ മുഡിവാദ്‌മ്‌ത്തെ. സാമിദാസ്‌ഗാള് എന്ത് സൊല്ലുഡൊ എന്റ് സൊല്ല്യ ബെക്കുവ ആണ്ടവാനാന സാമി ഇന്നി സട്ടന നഡാക്ക്യ പോവ കാര്യഗാള്‌ന തന്ന് ഗിലാസഗാറാര്‌ക്ക് കാട്ടി കൊഡുക്ക്യ തന്ന് ദൂദാന്‌ന സൊല്ലി ബ്‌ട്ട്‌റ്‌ന്റാന്>> എന്റ് സൊന്നാന്.

2 പത്ത്‌റോസു 1:21

എന്ത്‌ക്കെന്റ് സൊന്ന സാമി സൊല്ലുവാദ്‌ന മന്‌സാര്‌ഗാള്‌ക്ക് സൊല്ലുന്റവാര് സൊന്ന ഈ സേദിഗാള് എന്നാല്‌മ് മന്‌സാന് തന്ന് പിര്യാക്ക് സൊന്ന കാര്യഗാളല്ല. ആന അദ്‌ഗാളെല്ല സാമിനിഗാല് ഉദാവിനാലെ സാമിക്ക് പട്ടവാര് സൊന്നാദ്‌ത്തെ.

അപ്പോസുത്തലാര് 10:43

ഏസ്സ്‌ന നമ്പ്‌ന്റവാര്‌ക്ക് തമ്മ ഗേന്ത തപ്പ്‌ക്ക് അയാള് പേര്‌ല് പൊറിമെ കെ്ഡേക്കുവു. ഇദ്‌ന പറ്റി എല്ലാ സാമിദാസ്‌ഗാള്‌മ് സൊല്ലുന്റാര്.>>

ബെ്ളിപട്ട കാര്യ 18:20

<മേലോഗഗാറാരെ, ഇത്തെ അവാള്‌ക്ക് അളിവു ബന്താദ്‌നാലെ പിര്യപൊങ്കുനു, സാമിഗാറാര്‌മ് അപ്പോസുത്തലാര്‌മ്, സാമിദാസ്‌ഗാള്‌മ് ആനവാരെ പിര്യപൊങ്കുന്, എന്ത്‌ക്കെന്റ് സൊന്ന അവാള് നിമാന ഗേന്താദ്‌ക്ക് സാമി അവാള്‌ന ദെ്ണ്ടിത്താന്.> >>

അപ്പോസുത്തലാര് 3:19

അദ്‌നാലെ നിമ്മ ഗേവ കാര്യഗാള് പാവ എന്റ് തെരിന്ത് അദ്‌ന തള്ളി ഇന്നി ഗേഗാദെ ഇര്‌ക്കുഡൊ, പ്‌റ സാമിസാരി ബരുഡൊ. അന്നാപ്പ് സാമി നിമ്മ് പാവാക്ക് പൊറിമെ തരുവാന്. നിമ്മ അത്തെ ഗേന്തദാന,

അപ്പോസുത്തലാര് 3:20

സാമിക്ക് ബേ്ണ്ടി നല്ല സുറുസുറുപ്പോഡ പെ്ളേത്ത് പോവ കാല ആണ്ടവാന് നിമാക്ക് തരുവാന്. അദോഡ നിമാക്ക് ബേ്ണ്ടി ക്‌റ്‌സ്‌ത്ത് ആയി സാമി തെരിന്തെ്ഡ്‌ത്ത ഏസ്സ്‌നാമ് നിമാക്ക് സൊല്ലി ബ്‌ഡുവാന്.

എവുറായാര് 1:1

മുന്തെല കാലാത്ത്‌ല് സാമിദാസ്‌ഗാള്‌ന ബെത്ത്‌ത്തെ സാമി നമ്മ് പാട്ടനാമോഡ നായ നൊഡിന്തിന്താദ്. അദ് എഞ്ചോ ജമ്പ് പല ദിന്‌സ്‌ല് സാമി നായ നൊഡിന്തിന്താന്.