അപ്പോസുത്തലാര് 27:30 - സാമി സേദി

³⁰ കപ്പാല്‌ല് ഗിലാസ ഗേന്റവാര് കപ്പാല്‌ലിന്ത് തപ്പിസി കഡാക്ക്യ നോഡുനാര്. അദ്‌ക്ക് ബേ്ണ്ടി അവാര് കപ്പാല്‌ക്ക് മുന്നുസാരി പോയിന്ത് നങ്കൂരന ഇക്കുവ പാസെ നഡിത്ത് തോണിന കഡാല്‌ക്ക് ഇ്റാക്ക്‌നാര്.

അപ്പോസുത്തലാര് 27:30 ပူးပေါင်းရင်းမြစ်များ

അപ്പോസുത്തലാര് 27:16

അത്തെ എമ്മ കാറ്റ് കമ്മി അഡിത്തിന്ത സുറ്റുമു നീര് ഇര്‌ക്കുവ കവുദ എന്നുവ സ്‌ന്ന എ്ഡേക്ക് തെക്ക് സാരിമേലെ പോനേമ്. അദ്‌ല് ബെത്ത് കപ്പാല്‌ല് പിന്ന് സാരി കെ്ട്ടി തൂക്കിന്ത തോണിന എമ്മ സെര്യായി ബുദ്ദിമുട്ടി പ്‌ഡിത്ത് എ്ഡ്‌ത്തേമ്.

അപ്പോസുത്തലാര് 27:32

അദ്‌നാലെ പട്ടളഗാറാര് തോണിന കെ്ട്ടി ഇ്റാക്ക്‌ന കണ്ണിന അറ്‌ത്ത് പറ്‌ത്താര്.

അപ്പോസുത്തലാര് 27:27

അത്തെ കാറ്റഡിത്ത് പദ്‌നാല് നാള് ആഗാട്ടി എമ്മ അദ്‌റ്യ കഡാല് മേലെ അലേന്ത്‌പലേന്തിന്തേമ്. പദ്‌നാലാവാദ് ജാമാത്ത്‌ല് ഏ്ട്ടിക്കര്‌ഗെത്തെ എജ്ജിര്‌ക്ക്‌ല എന്റ് കപ്പാല്‌ല് ഗിലാസ ഗേന്റവാര് നെനേത്താര്.

അപ്പോസുത്തലാര് 27:29

കപ്പാല് കല്ല്‌ഗാള്‌ക്ക് പോയി മുട്ടുമെന്റ് അഞ്ചി കപ്പാല്‌ക്ക് പിന്ന് സാരി പോയിന്ത് നാക്ക് നങ്കൂരന ഇക്ക്‌നാര്. അദ്‌ക്ക് പ്‌റ ബെ്ഡ്യ ബേ്ണ്ടി അവാര് പരേസികൊണ്ടു ഇന്താര്.

അപ്പോസുത്തലാര് 27:31

അദുക്കുള പവുലോസു പട്ടള തലെവാന്‌ക്ക്‌മ് പട്ടളഗാറാര്‌ക്ക്‌മ്: <<ഇവാര് കപ്പാല്‌ലിന്ത് പോനദാന നിമ്മുജുരു മിച്ചാഗമാട്ട>> എന്റ് സൊന്നാന്.