അപ്പോസുത്തലാര് 27:20 - സാമി സേദി

²⁰ എഞ്ചോ നാള് എമാക്ക് നേരനാഗൊ ബെ്ള്ളിഗാള്‌നാഗൊ കാണ്യ മുഡ്യാലെ. ദൊഡ്ഡ കാറ്റ് മൂട്ടില്ലാദെ അഡിത്ത് കൊണ്ടേ ഇന്ത്‌ദ്. കഡേഗല എമ്മ പെ്ളേക്കുവേമ് എന്നുവ ആസെ ഒട്ടുക്കു ഇല്ലാദെ ആയി തള്ള്‌ട്ട്.

അപ്പോസുത്തലാര് 27:20 ပူးပေါင်းရင်းမြစ်များ

മത്തായി 24:29

<<അയി കാലാത്ത്‌ല കജട്ടഗാള് തീന്താദ്‌മ് അന്നാല് താനെ, <നേര ഇ്റ്‌ണ്ട് പോമു, നിലാവു ബെ്ള്‌സ അദിഗ നാള് അഡിക്കമാട്ട, ബാന്‌ലിന്ത് ബെ്ള്ളിഗാള് അലേന്ത് കൊണ്ടു ഇര്‌ക്കുവു, ബാന്‌ല് ഇര്‌ക്കുവാദ് ഒട്ടുക്കു അദ്‌റ്‌സിതള്ളുവു.>

1 തെസെലോനിക്ക്യഗാറാര് 4:13

ഏസ്സ്‌ഗാറാരെ, സത്തവാര്‌ന പറ്റി നെഞ്ചഡെ ഇല്ലാത്ത ആള്‌ഗാള്‌ത്തെ അവാര്‌ന നെനേത്ത് ദുക്കപഡുവാദ്. ആന നമ്മാഗൊ അവാര്‌ന മറിസിമ് കാണ്‌ല എന്റ് നെഞ്ചഡെ ബെത്ത്‌റ്‌ക്ക്‌ന്റാമ്. അദ്‌നാലെ സത്തവാര്‌ന പറ്റി ദുക്കപഡാദെ അവാര്‌ന പറ്റി നിമ്മ തെരിന്ത്‌റ്‌ക്കുഡൊ എന്റ് എമ്മ ആസെപഡ്‌ന്റേമ്.

എപസോസുഗാറാര് 2:12

അദേപാസെ നിമ്മ സാമി സൊല്ലുപഡിക്ക് പെ്ളേക്കാദിന്ത കാലാത്ത്‌ല് നിമ്മ് പെ്ളേപ്പ്‌ല് ക്‌റ്‌സ്‌ത്ത് ഇര്‌ക്കാലെ. അദ്‌നാലെ സാമിപ്‌ള്ളെഗാള് എന്നുവ മദ്‌പ്പിര്‌ക്കുവ ഇസ്‌റവേല്‌ഗാറാര്‌ക്ക് എ്ണേയ മുഡ്യാദെ അന്ന്യ ജാദിഗാളായി ഇന്ത്‌റ്. അയി ഗളിഗേല് സാമി ഇസ്‌റവേല്‌ഗാറാരൊപ്പ ബെത്ത ഒപ്പന്തനാമ് സാമി കൊഡുത്ത ബാക്ക്‌നാമ് നിമ്മ നമ്പാലെ. സാമിക്ക്‌മ് നിമാക്ക്‌മ് എ്ണേവില്ലാദേമ് ഇന്ത്‌ദ്.

2 കൊരിന്ത്യഗാറാര് 11:25

റോമഗാറാര് മൂറു ജമ്പ് എനാന ബഡില് അഡിത്താര്. ഒന്റു ജമ്പ് എനാക്ക് കല്ലെ്റിന്താര്. മൂറു ജമ്പ് കപ്പാല് ആവാത്ത്‌ക്ക് സിക്ക്‌നെ, ഒന്റു നാള് റാവുപഗാല് കഡാല് നീര്‌ല് ഇന്തേന്.

അപ്പോസുത്തലാര് 27:19

അത്തെ അദ്‌ക്ക് മറ്‌നാള് ആഗാട്ടി കപ്പാല്‌ല മരദൂണുഗാള്‌നാമ് പായിഗാള്‌നാമ് കണ്ണിഗാള്‌നാമ് അവാര് എ്ഡ്‌ത്ത് തെ്റിന്താര്.

അപ്പോസുത്തലാര് 27:21

കപ്പാല്‌ല് ഇന്തവാര് തീനി തിന്നാദെ എഞ്ചോ നാളായിന്ത്‌ദ്. അദുക്കുള പവുലോസു അവാര്‌ക്ക് നഡ്‌ക്കെ നിന്റ് കൊണ്ടു ഇത്തെ സൊന്നാന്, <<മന്‌സാര്‌ഗാളെ, ക്‌റേത്താലിന്ത് പ്‌റപഡ ബേ്ഡ എന്റ് നാന് സൊന്നാദ്‌ന നിമ്മ കേ്ട്ടിന്ത്‌റ്‌ക്കുഡൊ. എന്റ ഈ കജട്ടനജട്ടഗാള് ബന്ത്‌റ്‌ക്കമാട്ട.