അപ്പോസുത്തലാര് 27:12 - സാമി സേദി

¹² അയി കപ്പാല് ഇന്നാല് നില്ലിസിര്‌ക്കുവ എ്ഡേല് സളിഗളിഗേക്ക് ഇര്‌ക്ക്യ മുഡ്യാമാട്ട. അദ്‌നാലെ അദ്‌ലിന്ത് പോയി മുഡിന്തദാന പൊയിനിക്ക്യാക്ക് എജ്ജ്യ ഓരാഡുഡൊ എന്റ് സൊന്നാദ്‌ന മുക്കാബാസി ആള്‌ഗാള്‌മ് സെരി എന്റാര്. ക്‌റേത്താല് കപ്പാല് നില്ലുസുവ ഒന്റു എ്ഡേത്തെ പൊയിനിക്ക്യ. അദ്‌ല് കോഡെഗളിഗേക്ക് ഇര്‌ക്ക്യ മുഡിമ് എന്റ് അവാര് നെനേത്തിന്താര്. തെക്ക്‌മേക്ക് സാരിക്ക്‌മ് ബഡാക്ക്‌മേക്ക് സാരിക്ക്‌മ് നേരെ ഇര്‌ക്കുവ എ്ഡേത്തെ പൊയിനിക്ക്യ.

അപ്പോസുത്തലാര് 27:12 ပူးပေါင်းရင်းမြစ်များ

അപ്പോസുത്തലാര് 2:11

നമ്മോഡ ഇര്‌ക്കുവ ലേസ ആള്‌ഗാള് എഗുദാര്‌മ് എഗുദ മദാക്ക് എ്ണേന്ത എഗുദാര് അല്ലാത്ത ആള്‌ഗാള്‌മ്‌ത്തെ. പിന്നെ ലേസ ആള്‌ഗാള് ക്‌റേത്ത്യാര്‌മ്, അറാവി നാഡ്‌ഗാറാര്‌മ്‌ത്തെ. ആന ഇവാര് സാമി ഗേന്ത ദൊഡ്ഡുദൊഡ്ഡ കാര്യഗാള്‌ന നമ്മ് നായാത്ത്‌ല് സൊല്ലുവാദ്‌ന നമ്മ കേ്ള്‌ക്ക്‌ന്റാമ്!>>

അപ്പോസുത്തലാര് 27:13

അദുക്കുള തെക്ക് സാരിന്ത് കാറ്റ് മെല്ല മെല്ല അഡിക്ക്യ പ്‌ഡിത്ത്‌ദ്. അദ്‌നാലെ അവാര് കണാക്കാക്ക്‌ന പാസെ പൊയിനിക്ക്യാക്ക് എജ്ജുവാര് എന്റ് നെനേത്ത് നങ്കൂരന ബലിത്തെ്ഡ്‌ത്ത പ്‌റ കപ്പാല്‌ന ഓട്ട്യ പ്‌ഡിത്താര്. ക്‌റേത്ത ഓരമേലെ താനെത്തെ പോനാര്.

അപ്പോസുത്തലാര് 27:21

കപ്പാല്‌ല് ഇന്തവാര് തീനി തിന്നാദെ എഞ്ചോ നാളായിന്ത്‌ദ്. അദുക്കുള പവുലോസു അവാര്‌ക്ക് നഡ്‌ക്കെ നിന്റ് കൊണ്ടു ഇത്തെ സൊന്നാന്, <<മന്‌സാര്‌ഗാളെ, ക്‌റേത്താലിന്ത് പ്‌റപഡ ബേ്ഡ എന്റ് നാന് സൊന്നാദ്‌ന നിമ്മ കേ്ട്ടിന്ത്‌റ്‌ക്കുഡൊ. എന്റ ഈ കജട്ടനജട്ടഗാള് ബന്ത്‌റ്‌ക്കമാട്ട.

അപ്പോസുത്തലാര് 27:7

പിന്നെ എഞ്ചോ നാള് എമ്മ മെല്ലാത്തെ പോനേമ്. സെര്യായി കജട്ട പട്ട് കഡേഗല എമ്മ കിനിദോസു എന്നുവ കഡാലോര പട്ടണാക്ക് എജ്ജ്‌നേമ്. കാറ്റ് കപ്പാല്‌ക്ക് നേരെ അഡിക്കുവാദ്‌നാലെ അയി ബട്ടെമേലെ എമാക്ക് ദാസ്‌ത്തി ദൂര പോയ മുഡ്യാലെ. അദ്‌നാലെ എമ്മ ക്‌റേത്ത എന്നുവ സുറ്റുമു നീര്‌റ്‌ക്കുവ എ്ഡേക്ക് തെക്ക് സാരി ഇര്‌ക്കുവ സല്‌മോനു എന്നുവ നൂഞ്ചു ഓരമേലെ പോനേമ്. അദ്‌ല് കാറ്റ് കമ്മിത്തെ അഡിത്തിന്ത്‌ദ്.

അപ്പോസുത്തലാര് 27:8

സെര്യായി കജട്ട പട്ട് കഡാലോരമേലെ താനെ എമ്മ കപ്പാല്‌ന ഓട്ടി പോനേമ്. അത്തെ പോയി ലാസയ്യ പട്ടണാക്ക് അര്‌ഗെ കപ്പാല്‌ഗാള്‌നെല്ല സൂസാരിത്ത് നില്ലിസി ബെക്ക്യ മുഡിവ കഡാലോര പട്ട്‌ക്ക് എജ്ജ്‌നേമ്.

തീത്തോസു 1:12

<<ക്‌റേത്ത്യാര് ഒപ്പ ഉറുട്ടു സൊല്ലുന്റവാര്‌മ്, മന്‌സാന്‌മാഡല്ലത്തവാര്‌മ്, കള്ള ബ്‌ന്ത് നഡാക്കുവ തീനിപോറനാമ്‌ത്തെ>> എന്റ് അവാര്‌ല് ഒന്റു ബുദ്ദിസാലിഗാറാന് താനെത്തെ സൊല്ലിര്‌ന്റാന്.

തീത്തോസു 1:5

ഗേന്ത് മുഡിക്കാത്ത കാര്യഗാള്‌ന ഗേന്ത് മുഡിക്ക്യാമ് നാന് നിനാക്ക് സൊന്ന പാസെ ഒന്റൊന്റു പട്ടണാക്ക്‌റാഗ ഇര്‌ക്കുവ ഏസ്സ്‌ഗാറാര് കൂട്ടാക്ക് മൂപ്പനാമ്‌ഗാള്‌ന എ്ഡ്‌ത്ത് ബെക്ക്യാമ്‌ത്തെ നാന് നിനാന ക്‌റേത്ത എന്നുവ എ്ഡേല് ബ്‌ട്ട്‌തള്ളി ബന്താദ്.