അപ്പോസുത്തലാര് 26:23 - സാമി സേദി

²³ <എഗുദാര്‌നാമ് എഗുദാരല്ലാത്ത ജാദിഗാള്‌നാമ് കാപാറ്റ്യ ബേ്ണ്ടി ക്‌റ്‌സ്‌ത്ത് സാഡൊ> എന്റ്‌മ് <അയാള് സത്തവാര്‌ലിന്ത് മുദാല് ഉജുര്‌ളാഗുവ ആള് ആയിര്‌ക്കുഡൊ> എന്റ്‌മ് അവാര് സൊല്ലിര്‌ക്ക്‌ന്റാര്.>>

അപ്പോസുത്തലാര് 26:23 ပူးပေါင်းရင်းမြစ်များ

മത്തായി 26:24

മന്‌സാനായി പ്‌റാന്തവാന് എത്തെ സാഡൊ എന്റ് സാമി ബൊക്കുലു എ്ള്‌ദിര്‌ക്കുവ പാസെത്തെ അദ് നഡാക്ക്‌മ്. എന്റാല്‌മ് മന്‌സാനായി പ്‌റാന്തവാന്‌ന കാട്ടി കൊഡുക്കുവ മന്‌സാന്‌ക്ക് കജട്ട കജട്ടാത്തെ. അയാള് പ്‌റാക്കാദെ ഇന്തിന്ത അവാന്‌ക്ക് നല്ലാദ്‌ത്തെ ആയിന്ത്‌ദ്>> എന്റ് സൊന്നാന്.

മത്തായി 27:53

ഏസ്സ് ഉജുര്‌ളാഗ്‌ന പ്‌റ അവാര് സുഡലെഗാള്‌ലിന്ത് ബെ്ളിഗെ ബന്ത് സാമി പട്ടണ ആന എര്‌സലേമ്‌ക്ക് പോയി എഞ്ചോ ആള്‌ഗാള് കണ്ണ്‌ക്ക് കാട്ട്‌നാര്.

ലൂക്കോസു 2:32

അയാള് ഇസ്‌റവേല്‌ഗാറാര് ആയിര്‌ക്കുവ നിന്ന് ആള്‌ഗാള്‌ക്ക് മദ്‌പ്പ്‌മ് സാമി പിര്യാന കാണ്യ ബേ്ണ്ടി ബേ്റെ ജാദിഗാള്‌ക്ക് തന്ന് ബെ്ള്‌സാനാമ് കൊഡുക്കുവാന്.>>

ലൂക്കോസു 24:26

ക്‌റ്‌സ്‌ത്ത് ഈ കജട്ടഗാള്‌നെല്ല താങ്ക്‌ന പ്‌റ മേലോഗാക്ക് മദ്‌പ്പോഡ പോയി ഇര്‌ക്കുഡൊ>> എന്റ് സൊന്നാന്.

ലൂക്കോസു 24:46

<<ക്‌റ്‌സ്‌ത്ത് കജട്ട പട്ട് സത്ത പ്‌റ മൂറാവാദ് നാള് ഉജുര്‌ളാഗുവാന് എന്റ്‌മ്,

ഓഗന്നാന് 10:18

എന്ന് ഉജുരുന എന്നോഡിന്ത് ആര്‌മ് എ്ഡ്‌ത്ത് പോഗമാട്ടാര്. ആന നാന് താനെത്തെ എന്ന് ഉജുരുന കൊഡുക്കുവാദ്, അത്തെ കൊഡുക്കുവാദ്‌ക്കുള്ള അദിഗര എനാക്കിര്‌ക്ക്‌ന്റ്. അദ്‌ന തിരിക്കി എ്ഡ്‌ക്ക്യാമ് എനാക്ക് അദിഗര ഇര്‌ക്ക്‌ന്റ്. ഇദ്‌ത്തെ നാന് ഗേയ ബേ്ണ്ടി എന്നപ്പാന് സാമി എനാക്ക് സൊല്ലിര്‌ക്കുവാദ്.>>

ഓഗന്നാന് 11:25

ഏസ്സ് അവാള്‌ക്ക്: <<നാന്‌ത്തെ ഉജുര്‌ളാക്ക്‌ന്റവാന്‌മ് ഉജുരു കൊഡുക്കുന്റവാന്‌മ്. എനാന നമ്പ്‌ന്റവാന് സത്താല്‌മ് പിന്നേമ് പെ്ളേക്കുവാന്.

അപ്പോസുത്തലാര് 13:34

ഒന്റേപെ്ട്ട് നാറി തള്ളാദെ ഇര്‌ക്ക്യ സാമി ഏസ്സ്‌ന സാവുലിന്ത് ഉജുര്‌ളാക്ക്‌നാന്. അദ്‌ന പറ്റി സാമി സൊല്ലിര്‌ക്കുവാദ് ഇത്തേത്തെ, <ദാവീദ്‌ക്ക് സാമി നേര്‌മായി കൊഡുക്കുവെ എന്റ് സൊല്ലിര്‌ക്കുവ ബാക്ക്‌ന നാന് നിമാക്ക് നേര്‌മാഡി തരുവെ.>

അപ്പോസുത്തലാര് 26:18

നീ അവാര്‌ക്ക് സത്ത്യ എന്തെന്റ് കാട്ടി കൊഡുക്കുഡൊ. അത്തെ അവാര്‌ന ഇ്റ്‌ട്ട്‌ലിന്ത് ബെ്ള്‌സ സാരിമ് സെയിത്താന് അദിഗരാത്ത്‌ലിന്ത് സാമി സാരിമ് തിര്‌ക്കുഡൊ. അവാര് എനാന നമ്പുവാദ്‌നാലെ സാമി അവാര് പാവഗാള്‌ന പൊറുക്കുവാന്. അത്തെ സാമി തെരിന്തെ്ഡ്‌ത്തവാര് പട്ട്‌ല് അവാര്‌ക്ക് ഇര്‌ക്കുവ പങ്ക്‌മ് കെ്ഡേക്കുവു.> >>

അപ്പോസുത്തലാര് 26:8

സാമി സത്തവാര്‌ന ഉജുര്‌ളാക്കുവാന് എന്റ് നിമാക്ക് നമ്പ്യ മുഡ്യാത്താദ് എന്ത്‌ക്ക്?

അപ്പോസുത്തലാര് 3:18

ആന തന്ന് ക്‌റ്‌സ്‌ത്ത് കങ്കേഞ്ചിപഡുവാന് എന്റ് സാമി തന്ന് ദാസ്‌ഗാള്‌ക്ക് സൊല്ലിന്താന്. അദ്‌ന അയി സാമിദാസ്‌ഗാള് മുന്തെ കാലാല് താനെ സൊല്ലിര്‌ന്റാര്. അദേപാസെ താനെ അദ് ഇന്നാല് നഡാന്ത്‌ദ്.

അപ്പോസുത്തലാര് 3:24

സമുവേല്‌മ്, അയാള്‌ക്ക് പ്‌റ ബന്ത സാമിദാസ്‌ഗാള്‌മ് ഈ കാലാത്ത്‌ല് നഡാക്കുവാദ്‌ന പറ്റി സൊല്ലിര്‌ക്ക്‌ന്റാര്.

1 കൊരിന്ത്യഗാറാര് 15:3

നാന് കേ്ട്ടെ്ഡ്‌ത്ത് നിമാക്ക് സൊന്ന മ്‌ഗ്‌ന്ത കാര്യ എന്തെന്റ് സൊന്ന, സാമി സൊല്ലുസുലാക്കാത്ത്‌ല് മുന്നുക്കു താനെ സൊല്ലി ബെത്ത്‌റ്‌ക്കുവ പാസെ ക്‌റ്‌സ്‌ത്ത് നമ്മ ഗേവ പാവാക്ക് ബേ്ണ്ടി സത്താന്.

2 കൊരിന്ത്യഗാറാര് 4:4

ഏസ്സ്‌ന നമ്പാത്തവാര് മനേസ്സ്‌ന ഈ ഉലഗാത്ത്‌ല സാമ്യാന സെയിത്താന് കുറുഡു മാഡിര്‌ന്റാന്. അദ്‌നാലെ സാമി ഉരുവ ആയിര്‌ക്കുവ ക്‌റ്‌സ്‌ത്ത്‌ന പറ്റി സൊല്ലുവ നല്ല സേദിത്ത് മദ്‌പ്പ്‌ന അവാര്‌ക്ക് കാണ്യ മുഡിവാദില്ലെ.

കൊലേസ്യഗാറാര് 1:18

എല്ലാദ്‌ക്ക്‌മ് മുമ്പാനായിര്‌ക്ക്യ ബേ്ണ്ടി അയാള് സത്തവാര് പട്ട്‌ലിന്ത് മുദാല് ഉജുര്‌ളാഗ്‌നവാന്‌മ് തന്ന് സരിഗലായിര്‌ക്കുവ ഏസ്സ്‌ഗാറാര് കൂട്ടാക്ക് തലെ ആയിര്‌ക്ക്‌ന്റവാന്‌മ്‌ത്തെ.

എവുറായാര് 2:10

എല്ലാദ്‌നാമ് ദ്‌ട്ടിസി പാദ്‌ഗാത്ത് ബെക്ക്‌ന്റവാന്‌ത്തെ സാമി. എഞ്ചോ മഗാനാര് തന്ന് മദ്‌പ്പ്‌ക്ക് പങ്ക്‌ഗാറാര് ആയ ബേ്ണ്ടി അവാര്‌ന കാപാറ്റുവ ഏസ്സ്‌ന എഞ്ചോ കജട്ടഗാള്‌പഡ്യ ബ്‌ട്ട് ഒന്റുക്കുമു കൊറേവില്ലത്തവാന് മാഡുവാദ് അയി സാമിക്ക് നല്ലാദ്‌ത്തെ ആയിന്ത്‌ദ്.