അപ്പോസുത്തലാര് 26:16 - സാമി സേദി16 സെരി നീ ഇന്നാല് ഇ്ളാഗി നില്ല്. നിനാന എന്ന് ഗിലാസഗാറാനായി ബെക്ക്യ നാന് നിനാക്ക് ബെ്ളിപട്ട്‌റ്‌ന്റെ. നീ ഇന്റ് എനാന കണ്ടാദ്‌നാമ് നാന് നിനാക്ക് ഇന്നി കാട്ടി തര്യ പോവ കാര്യഗാള്‌നാമ് നീ ആള്‌ഗാള്‌ക്ക് സൊല്ലുവായി. အခန်းကိုကြည့်ပါ။ |
അപ്പോസുത്തലാര് 26:16
34 ပူးပေါင်းရင်းမြစ်များ
എന്റാല്‌മ് നാന് പെ്ളേക്കുവാദൊ സാവാദൊ എനാക്ക് ദൊഡ്ഡാദല്ല. നാന് ഗേയ ബേ്ണ്ടി ഏസ്സ് ആണ്ടവാന് എനാക്ക് തന്ത്‌റ്‌ക്കുവ ഗിലാസാന ഗേന്ത് മുഡിക്കുഡൊ എന്നുവാദ്‌ത്തെ എന്ന് ഒന്റേ ഒന്റു ആസെ. സാമിക്ക് ആള്‌ഗാളോഡ ഇര്‌ക്കുവ ഗവാന പറ്റി സൊല്ലുവ നല്ല സേദിന ആള്‌ഗാള്‌ക്ക് സൊല്ലുഡൊ എന്നുവാദ്‌ത്തെ സാമി എനാക്ക് തന്ത്‌റ്‌ക്കുവ ഗിലാസ.
അത്തെ സാമിക്ക് ബേ്റ്‌വെന്താദ്‌നാലെത്തെ എഗുദാരല്ലാത്ത ജാദിഗാള് പട്ട്‌ല് സാമിന പറ്റി സൊല്ലുവ നല്ല സേദിന സൊല്ല്യ ബേ്ണ്ടി സാമി എനാന ക്‌റ്‌സ്‌ത്ത് ഏസ്സ്‌ക്ക് ഗിലാസഗാറാന് മാഡ്‌നാദ്‌. സാമിനിഗാല് സുത്താപ്പ് മാഡ്‌നാദ്‌മ് സാമിക്ക് മെച്ച്‌പ്‌ഡിത്താദ്‌മ് ആന നേര്‌സെ മാഡി അവാര്‌ന സാമി പട്ട്‌ക്ക് എ്ഡ്‌ത്ത് പോയാത്തെ നാന് പൂസാരിന പാസെ ഈ ഗിലാസ ഗേന്ത് കൊണ്ട്‌റ്ക്കുവാദ്.
<<എര്‌സലേമ്‌ക്ക് പോഡൊ>> എന്റ് സാമി എന്ന് മനേസ്സ്‌ക്ക് സൊന്നാദ്‌നാലെത്തെ നാന് ആങ്ക് പോനാദ്. എഗുദാരല്ലാത്ത ജാദിഗാള് പട്ട്‌ല് നല്ല സേദി സൊല്ലുഗാട്ടി നാന് എന്തെല്ല കാര്യഗാള് സൊന്നേനെന്റ് അദ്‌ല് ഒന്റൊന്റായി സൊന്നെ. മുന്നുക്കുമു ഇന്നാല്‌മ് നാന് ഗേന്ത് കൊണ്ട്‌റ്ക്കുവാദ് ബീ്ണാലായിതള്ള്‌മെന്റ് അര്‌ക്കപട്ട് ഏസ്സ്‌ഗാറാര് കൂട്ട തലെവാര്‌ഗാള്‌ക്ക് താനെത്തെ ഇദ്‌ന സൊന്നാദ്.
അദ് എത്തെന്റ് സൊന്ന ഏസ്സ് ക്‌റ്‌സ്‌ത്ത്‌ത്ത് അയി നല്ല സേദിന തള്ളാദെ കഡേസി മാട്ട്‌ക്ക് അദ്‌ന ഉറുദ്ദ്യായി നമ്പി പെ്ളേത്തദാന നിമാക്ക് സാമ്യോഡ എ്ണേവു ബെത്ത് നഡാക്ക്യ മുഡിമ്. അയി നല്ല സേദിന ഉലഗാത്ത്‌ല് ഇര്‌ക്കുവ ആള്‌ഗാള്‌ക്ക് ഒട്ടുക്കു ഇന്നാല് സൊല്ലുന്റാര്. അദേ സേദിന സൊല്ലുവ ഗിലാസനത്തെ പവുലോസു എന്നുവ നാന്‌മ് ഗേവാദ്.
ကြော်ငြာတွေ