അപ്പോസുത്തലാര് 26:13 - സാമി സേദി

¹³ അത്തെ പോഗാട്ടി രാജാവെ, ബട്ടേല് ബെത്ത് ഉച്ചി നേരാത്ത്‌ല് നേരകാല്‌ന ബ്‌ഡ ദൊഡ്ഡ ഒന്റു ബെ്ള്‌സന നാന് കണ്ടെ. അദ് ബാന്‌ലിന്ത് ബന്ത് എനാക്ക്‌മ് എന്നോഡ ബന്തിന്തവാര്‌ക്ക് സുറ്റുമു അഡിത്ത്‌ദ്.

അപ്പോസുത്തലാര് 26:13 ပူးပေါင်းရင်းမြစ်များ

മത്തായി 17:2

ഏസ്സ് അവാര്‌ക്ക് മുന്നുക്കു ഉരുവ മാറ്‌നാന്. ഏസ്സ് മോന്തെ നേരന പാസെ കനകനാത്ത് കത്ത്‌റ്റ്. അയാള് ഉഡുപ്പു പാല്‌ന പാസെ ബെ്ള്ളെബെ്ള്ള്യ ആറ്റ്.

ബെ്ളിപട്ട കാര്യ 21:23

പട്ടണാക്ക് ബെ്ള്‌സഡിക്ക്യ നേരാഗൊ നിലാവൊ ബേ്ഡ. എന്ത്‌ക്കെന്റ് സൊന്ന സാമി മദ്‌പ്പ്‌ക്ക് ഇര്‌ക്കുവ ബെ്ഡിപ്പ് ബെ്ള്‌സായി പട്ടണാക്ക് അഡിത്തിന്ത്‌ദ്. കൊറ്യാഡ് കുട്ടി അയി പട്ടണാക്ക് ബ്‌ളാക്ക്‌മ്‌ത്തെ.

ബെ്ളിപട്ട കാര്യ 1:16

അയാള് ബല കയില് ഏ്ള് ബെ്ള്ളിഗാള് ഇന്ത്‌ദ്. അയാള് ബായിലിന്ത് റാഡ് സാരിമ് നല്ല ഉരുക്കിര്‌ക്കുവ ബാള് ബെ്ളിഗെ കഡാന്ത്‌ദ്. അയാള് മൂഞ്ചി നല്ല ബെ്ള്‌സഡിക്കുവ നേരന പാസെ ആയിന്ത്‌ദ്.

അപ്പോസുത്തലാര് 22:6

<<അത്തെ നാന് പോയി ദമാസ്‌കോസുക്കു അര്‌ഗെ എജ്ജ്‌ഗാട്ട്യെല്ല നേര ഉച്ചി ആറ്റ്. അയി ഗളിഗെ ദിഗിരന ബാന്‌ലിന്ത് ദൊഡ്ഡ ഒന്റു ബെ്ള്‌സ സുറ്റുമു അഡിത്ത്‌ദ്.

അപ്പോസുത്തലാര് 9:3

അത്തെ സവുലു ദമാസ്‌കോസുക്കു അര്‌ഗെ എജ്ജ്‌നാന്. അദുക്കുള ദിഗിരന ബാന്‌ലിന്ത് ഒന്റു ബെ്ള്‌സ അയാള്‌ക്ക് സുറ്റുമു അഡിത്ത്‌ദ്.

അപ്പോസുത്തലാര് 22:9

എന്നോഡ ഇന്തവാര് അയി ബെ്ള്‌സാന കണ്ടാര്. ആന എന്നോഡ നായ നൊഡിന്ത ആള് ജദ്ദന അവാര് കേ്ള്‌ക്കാലെ.

അപ്പോസുത്തലാര് 26:12

<<ഇത്തെല്ല ഗേയ എഗുദാര് പൂസാരി തലെവാര്‌ഗാള് അദിഗര തരുഡൊ എന്റ് നാന് കേ്ട്ടേന്. അവാര് അദ് ഗേവാദ്‌ക്കുള്ള അദിഗര തന്ത്‌റ്‌ക്കുവ എ്ള്‌ത്ത്‌നാമ് കെ്ഡേസി നാന് ദമാസ്‌കോസുക്കു പോനെ.

അപ്പോസുത്തലാര് 26:14

അന്നാല് താനെ എമ്മൊട്ടുക്കു മണ്ണ്‌ക്ക് ബ്‌ന്തേമ്. അദുക്കുള <സവുലെ, സവുലെ നീ എന്ത്‌ക്ക് എനാന കൊഡിമെപഡ്‌സ്‌ന്റായി? നീ എന്നോഡ മുട്ടുവാദ്‌നാലെ നീ നിനാക്ക് താനെത്തെ ഉറുസ്സുന സമ്പാരിക്ക്‌ന്റായി> എന്റ് എവുറായ നായാത്ത്‌ല് എനാക്ക് സൊല്ലുവ ഒന്റു ജദ്ദന നാന് കേ്ട്ടേന്.