അപ്പോസുത്തലാര് 26:10 - സാമി സേദി

¹⁰ അദ് താനെത്തെ നാന് എര്‌സലേമ്‌ല്‌മ് ഗേന്താദ്. എഗുദാര് പൂസാരി തലെവാര്‌ഗാളോഡ അദിഗര കെ്ഡേസി സാമിന നമ്പ്‌ന എഞ്ചോ ആള്‌ഗാള്‌ന ജെയില്‌ക്ക് അഡേത്തേന്. അവാര്‌ന കൊല്ല്യ ബിദിക്കാട്ടി അദ്‌ന സെരി എന്റ് നാന് സൊന്നേന്.

അപ്പോസുത്തലാര് 26:10 ပူးပေါင်းရင်းမြစ်များ

അപ്പോസുത്തലാര് 8:3

ആന സവുലു ബീ്ഡ് ബീ്ഡ പോയി ഏസ്സ്‌ഗാറാര് കൂട്ടാത്ത്‌ല പെ്ണ്ണ്‌മക്കാള്‌നാമ്, ഗണ്ടാള്‌നാമ് ഇ്ള്‌ത്ത്‌ബലിത്ത് എ്ഡ്‌ത്ത് പോയി ജെയില്‌ക്ക് അഡേത്താന്. അയാള് അത്തെ ഗേന്ത് ഏസ്സ്‌ഗാറാര് കൂട്ടന കെ്ഡിസ്യ ഓരാഡ്‌നാന്.

അപ്പോസുത്തലാര് 9:21

അയാള് നായന കേ്ട്ടവാര്‌ഗാള് ഒട്ടുക്കു അദിസ്യപട്ട് കൊണ്ടു: <<എര്‌സലേമ്‌ല് ഏസ്സ്‌ന കുമ്മുഡുന്റവാര്‌ന ഒട്ടുക്കു കൊന്റിന്താദ് ഇയാള്‌ത്തേഗൊ? അത്തെ ഇദ്‌ല് ഏസ്സ്‌ന കുമ്മുഡുന്റവാര്‌ന പ്‌ഡിത്ത് കെ്ട്ടി എഗുദാര് പൂസാരിഗാള് തലെവാര് പട്ട്‌ക്ക് എ്ഡ്‌ത്ത് പോയല്ല ഇയാള് ബന്താദ്?>> എന്റ് സൊന്നാര്.

1 കൊരിന്ത്യഗാറാര് 15:9

എല്ലാ അപ്പോസുത്തലാര്‌ന ബ്‌ഡ നാന് സ്‌ന്നവാന്‌ത്തെ, സാമിക്ക് പട്ട ഏസ്സ്‌ഗാറാര് കൂട്ടന കൊഡിമെപഡ്‌സ്‌നാദ്‌നാലെ അപ്പോസുത്തലാന് എന്റ് പേരെ്ഡ്‌ക്ക്യ എനാക്ക് തഗ്‌ദിമില്ലെ.

അപ്പോസുത്തലാര് 9:26

സവുലു എര്‌സലേമ്‌ക്ക് എജ്ജി അദ്‌ല ഏസ്സ് സൊല്ലുപഡി നഡാക്ക്‌ന്റവാര്‌ക്ക് എ്ണേയ ഓരാഡ്‌നാന്. ആന അവാര് അയാള്‌ന ഒന്റു ഏസ്സ് സൊല്ലുപഡി നഡാക്ക്‌ന്റവാന് എന്റ് നമ്പാലെ. അദ്‌നാലെ അവാര് ഒട്ടുക്കു അയാള്‌ന അഞ്ചിക്കെപട്ടിന്താര്.

അപ്പോസുത്തലാര് 8:1

തെപാനോസുന കൊന്റാദ് സെരിത്തെ എന്റ് സവുലു സൊന്നാന്. അയി നാള് താനെ എര്‌സലേമ്‌ല ഏസ്സ്‌ഗാറാര് കൂട്ടാന നലമായി കൊഡിമെപഡിസ്യ പ്‌ഡിത്താര്. അപ്പോസുത്തലാര് അല്ലാത്ത ഏസ്സ്‌ഗാറാര് ഒട്ടുക്കു ജില്ലമ്പുല്ലാത്ത് ആയി തള്ള്‌നാര്. അവാര് എഗുദ, സമര്യ ദേസ സാരി പോയി എജ്ജ്‌നാര്.

അപ്പോസുത്തലാര് 7:58

അവാര് അയാള്‌ന പ്‌ഡിത്ത് പട്ടണാക്ക് ബെ്ളിഗെ എ്ഡ്‌ത്ത് പോയി കല്ലെ്റിന്താര്. തെപാനോസുന പറ്റി ഉറുട്ടു സൊന്നവാര് തമ്മ് ഉരുവുക്കു ഇക്കിന്ത ഉഡുപ്പുഗാള്‌ന കളാത്തി നോഡിര്‌ക്ക്യ സവുലു എന്നുവ ബാലിവെഗാറാന് പട്ട്‌ക്ക് ബെത്തിന്താര്.

ബെ്ളിപട്ട കാര്യ 17:6

സാമിഗാറാര് സോരെനാമ് നമ്പ്യ മുഡിന്റവാരായി ഏസ്സ്‌ന പറ്റി സൊന്നവാര് സോരെനാമ് അവാള് കുഡിത്ത് ബോദേ്റിര്‌ക്കുവാദ്‌ന നാന് കണ്ടേന്. അവാള്‌ന കാണ്‌ഗാട്ടി, നാന് ഒന്റേപെ്ട്ട് അന്തബ്‌ട്ടേന്.

എപസോസുഗാറാര് 1:1

ഏസ്സ് ക്‌റ്‌സ്‌ത്ത്‌ന നമ്പിര്‌ന്റവാര്‌മ് സാമി തനാക്ക് ബേ്ണ്ടി അലാക്ക പ്‌റ്‌ത്ത് ബെത്ത്‌റ്‌ന്റവാര്‌മ് ആയിര്‌ക്കുവ എപസോസു പട്ടണാത്ത്‌ലവാര്‌ക്ക് സാമി പിര്യാക്ക് ഏസ്സ് ക്‌റ്‌സ്‌ത്ത്‌ക്ക് ബേ്ണ്ടി അപ്പോസുത്തലാനായി ഗിലാസ ഗേവ പവുലോസു എ്ള്‌ദുവ എ്ള്‌ത്ത്.

ഗലാത്ത്യഗാറാര് 1:13

എഗുദാര് സട്ട്‌മെ്ട്ട്‌പഡി നാന് സാമിന കുമ്മുഡിന്ത ഗളിഗേല് നാന് എത്തെ പെ്ളേത്തിന്തേനെന്റ് നിമ്മ കേ്ട്ട്‌റ്‌ക്ക്‌ന്റ്‌റല്ല. അയി ഗളിഗേല് നാന് ഏസ്സ്‌ഗാറാര് കൂട്ടഗാള്‌ന മ്‌ഗ്‌ന്ത കൊഡിമേമ് പഡ്‌സ്‌നെ, അവാര്‌ന അളിക്ക്യാമ് ഓരാഡ്‌നെ.

അപ്പോസുത്തലാര് 9:41

പത്ത്‌റോസു അവാള് കയിന പ്‌ഡിത്ത് ഇ്ളാക്കി നില്ല്‌സ്‌നാന്. അദ്‌ക്ക് പ്‌റ അയാള് ഏസ്സ്‌ഗാറാര്‌നാമ് മ്‌ണ്ടേസ്യാര്‌നാമ് ബ്‌ളിത്താന്. അയാള് തവീദന ഉജുരോഡ കാട്ടി കൊഡുത്താന്.

അപ്പോസുത്തലാര് 9:32

പത്ത്‌റോസു എല്ലാ സാരി സുറ്റി നഡാന്തിന്താന്. അത്തെ അയാള് ലുദ്ദ എന്നുവ നാഡ്‌ല് ഇര്‌ക്കുവ സാമിക്ക് പട്ടവാര് പട്ട്‌ക്ക് എജ്ജ്‌നാന്.