അപ്പോസുത്തലാര് 25:9 - സാമി സേദി

⁹ ആന പെസ്‌തോസുക്കു എഗുദാര്‌ന പിര്യപഡ്‌സുഡൊ എന്റിന്ത്‌ദ്. അദ്‌നാലെ അയാള്: <<എര്‌സലേമ്‌ക്ക് പോയി അദ്‌ല് ബെത്ത് എന്ന് മുന്നുക്കു നിനാക്ക് നേരെ ഇവാര് സൊല്ലുവ കുറ്റഗാള് നേരൊ പൊയ്യൊ എന്റ് സൊല്ല്യ ആസെ ഇര്‌ക്ക്‌ന്റ?>> എന്റ് പവുലോസുന കേ്ട്ടാന്.

അപ്പോസുത്തലാര് 25:9 ပူးပေါင်းရင်းမြစ်များ

അപ്പോസുത്തലാര് 24:27

റാഡ് ബര്‌സ്സ കളിന്ത് പേലിക്‌സ്‌ക്ക് ബദ്‌ല പൊറുക്ക്യോസു പെസ്‌തോസു അയി നാഡദിഗാരി ആയി ബന്താന്. അദുക്കുള എഗുദാര്‌ലിന്ത് പേര് കെ്ഡേസ്യ പേലിക്‌സ്‌ക്ക് ആസെ ഇന്താദ്‌നാലെ അയാള് പവുലോസുന ജെയില്‌ല് താനെ ബെത്ത്‌തള്ളി പോനാന്.

അപ്പോസുത്തലാര് 25:20

ഈ കാര്യന പറ്റി എനാക്കത്ത്‌റ തെര്യാത്താദ്‌നാലെ ഈ കാര്യാക്ക് നാന് മുഡിവെ്ഡ്‌ക്കാലെ. അദ്‌നാലെ നാന് പവുലോസുന ഇത്തെ കേ്ട്ടേന്: <നിനാക്ക് മനേസ്സിന്തദാന എര്‌സലേമ്‌ക്ക് പോയി അദ്‌ല് ബെത്ത് നിനാക്ക് നേരെ ഇവാര് സൊല്ലുവ കുറ്റഗാള് നേര് എന്റ് നാന് ബിദിത്ത മദ്യ?>

അപ്പോസുത്തലാര് 12:3

അദ്‌ന എഗുദാര് പിര്യപട്ടാര് എന്റ് എരോദ കണ്ടാന്. അദ്‌നാലെ അയാള് പത്ത്‌റോസുനാമ് പ്‌ഡിത്ത് ജെയില്‌ക്ക് ഇക്കുഡൊ എന്റ് മുഡിവു എ്ഡ്‌ത്താന് (പുളി ഇല്ലാത്ത അഡെ നോമ്പിഗളിഗേല്‌ത്തെ അദ് ഗേന്താദ്.)

മര്‌ക്കോസു 15:15

ആള്‌ഗാള്‌ന പിര്യപഡിസ്യ ബേ്ണ്ടി പീലത്തോസു ബറവാസ്‌ന അവാര്‌ക്ക് ഇ്റാക്കി ബ്‌ട്ട് കൊഡുത്താന്. ഏസ്സ്‌ന സാട്ടെവാര്‌ല് അഡിക്ക്യ ഏല്‌പ്‌സ്‌ന പ്‌റ കുരുസുക്കു സേത്തി ആണി അഡിത്ത് കൊല്ല്യ ബ്‌ട്ടാന്.

അപ്പോസുത്തലാര് 25:3

<<നീ ബേ്റ്‌വായിവെന്ത് പവുലോസുന എര്‌സലേമ്‌ക്ക് സൊല്ലി ബ്‌ഡ്‌ഡൊ>> എന്റ് സൊന്നാര്. അവാര് അത്തെ കേ്ട്ടാദ് എന്ത്‌ക്കെന്റ് സൊന്ന അയാള്‌ന ബട്ടേല് ബെത്ത് കൊല്ല്യ അവാര് സൂഗാന സട്ട കെ്ട്ടിന്താര്.