എഗുദാര് കോഡിദിഗാറാര് മുന്നുക്കു നില്ല്‌ഗാട്ടി, <സത്തവാര് ഉജുര്‌ളാഗുവാര് എന്റ് എനാക്ക് ഒറേപ്പിര്‌ക്ക്‌ന്റ്. അദ്‌ക്കായി നാന് കാത്ത്‌റ്‌ക്കുവാദ്‌നാലെത്തെ എനാന നിമ്മ നായ കേ്ള്‌ക്ക്‌ന്റ്‌റ്> എന്റ് ദൊഡ്ഡാദ്‌ക്ക് സൊന്നേന്. അദല്ലാദെ ബേ്റെ ഒന്റുമു നാന് സൊല്ലാലെ. അത്തെ നാന് ബേ്റെ എന്താറ്റ കുറ്റ ഗേന്തിന്തദാന ഇവാര് താനെ സൊല്ലുഡൊ.>>
അപ്പോസുത്തലാര് 23:6 - സാമി സേദി6 അയി കൂട്ടാത്ത്‌ല ലേസ ആള്‌ഗാള് സദൂക്ക്യാര്മ് ലേസ ആള്‌ഗാള് പരിസാര്‌ഗാള്‌മ് എന്റ് പവുലോസുക്കു തെരിന്ത്‌ദ്. അദുക്കുള അയാള് എഗുദ കോഡിദിഗാറാര്‌ക്ക്: <<എന്ന് കൂട്ടാരാന ഇസ്‌റവേല്‌ഗാറാരെ, നാന്‌മ് ഒന്റു പരിസാന്‌ത്തെ, എന്ന് അപ്പാന്‌മ് ഒന്റു പരിസാന്‌ത്തെ. സത്തവാര് ഉജുര്‌ളാഗുവാര് എന്റ് എനാക്ക് ഒറേപ്പിര്‌ക്ക്‌ന്റ്. അദ്‌ക്കായി കാത്ത്‌റ്‌ക്കുവാദ്‌നാലെത്തെ എനാന നിമ്മ നായ കേ്ള്‌ക്ക്‌ന്റ്‌റ്>> എന്റ് ദൊഡ്ഡാദ്‌ക്ക് സൊന്നാന്. အခန်းကိုကြည့်ပါ။ |
അപ്പോസുത്തലാര് 23:6
17 ပူးပေါင်းရင်းမြစ်များ
എഗുദാര് ദൊഡ്ഡ പൂസാരിക്ക്‌മ് എഗുദ കോഡിദില മൂപ്പനാമ്‌ഗാള്‌ക്ക് ഒട്ടുക്കുമു ഇദ് നേര് എന്റ് തെരിമ്. അവാര് പട്ട്‌ലിന്ത് ദമാസ്‌കോസു നാഡ്‌ല് ഇര്‌ക്കുവ എന്ന് സൊന്ത ജാദിക്ക് പട്ട എഗുദാര്‌ക്ക് കൊഡുക്ക്യ ഒന്റു എ്ള്‌ത്ത് നാന് ബാങ്ക്‌നേന്. അത്തെ ദമാസ്‌കോസുലു ഇര്‌ക്കുവ ഏസ്സ്‌ഗാറാര്‌ന പ്‌ഡിത്ത് കെ്ട്ടി എര്‌സലേമ്‌ക്ക് എ്ഡ്‌ത്ത് ബന്ത് ദെ്ണ്ടിക്ക്യ ബേ്ണ്ടി നാന് ആങ്ക് പോനെ.>>
<<നാന് ഒന്റു എഗുദാര് ജാദിക്ക് പട്ടവാന്‌ത്തെ. കിലിക്ക്യ നാഡ്‌ല തറ്‌സോസു എന്നുവ പട്ടണാത്ത്‌ല്‌ത്തെ നാന് പ്‌റാന്താദ്. നാന് ബളാന്താദ്‌മ് എര്‌സലേമ് എന്റ് സൊല്ലുവ ഈ പട്ടണാത്ത്‌ല്‌ത്തെ. ഗമേലിയേല്‌ത്തെ എന്ന് ബാത്ത്യാന് ആയിന്താദ്. ഈ ഗമേലിയേല് ബാത്ത്യാന്‌ലിന്ത്‌ത്തെ നമ്മ് പാട്ടനാമ് സട്ടഗാള്‌ന എത്തെ കേ്ട്ട് നഡാക്കുഡൊ എന്റ് നാന് നലമായി പഡിത്താദ്. ഇന്നാല് ഇദ്‌ല് നിമ്മ ഇര്‌ക്ക്‌ന്റവാര് ഒട്ടുക്കുമു സാമിക്ക് ബേ്ണ്ടി എത്തെല്ല ഗേയ മുഡിമൊ അത്തെല്ല ഗേയ നിമാന താനെ ഒപ്പിസിര്‌ന്റ്‌റ്. അദേപാസെ ഗേയ നാന്‌മ് എനാന താനെ സാമിക്ക് ഒപ്പിസിര്‌ന്റെ.
മറ്‌നാള് എഗുദാര് പവുലോസുന പറ്റി സൊല്ലുവ കുറ്റ എന്ത് എന്റ് തെര്യ ആയിര പട്ടളഗാറാര്‌ക്ക് തലെവാന് ആയിര്‌ക്ക്‌ന്റവാന് ആസെപട്ടാന്. അദ്‌നാലെ എഗുദാര് പൂസാരി തലെവാര്‌ഗാള്‌നാമ് എഗുദ കോഡിദിഗാറാര്‌നാമ് ഒട്ടുക്കു ഒന്റുക്കു കൂഡ്യ അയാള് സൊന്നാന്. പ്‌റ പവുലോസുന കെ്ട്ട്‌ന സങ്കിലിന ഉക്കി അവാര് പട്ട്‌ക്ക് നില്ല്‌സ്‌നാന്.
അദ്‌നാലെ ഇന്നാല് നിമ്മാമ് എഗുദ കോഡിദിഗാറാര്‌മ് അയാള്‌ന പറ്റി മൊത്തന കാര്യഗാള് കെ്ഡേക്ക്യ ബേ്ണ്ടി കേ്ള്‌വി കേ്ള്‌ക്ക്യ എന്നുവ പാസെ അയാള്‌ന നിമ്മ് പട്ട്‌ക്ക് ഇ്റാക്കി എ്ഡ്‌ത്ത് ബര്യ പട്ടള തലെവാന്‌ന കേ്ള്‌ന്. ആന അയാള് ഇദ്‌ക്ക് എജ്ജുവാദ്‌ക്ക് മുദാല് താനെ കൊന്റു തള്ള്യ എമ്മ ഒരിങ്കിര്‌ന്റേമ്>> എന്റ് സൊന്നാര്.
ကြော်ငြာတွေ