അപ്പോസുത്തലാര് 22:7 - സാമി സേദി

⁷ അന്നാല് താനെ നാന് മണ്ണ്‌ക്ക് ബ്‌ന്തേന്. അദുക്കുള <സവുലെ, സവുലെ നീ എന്ത്‌ക്ക് എനാന കൊഡിമെപഡ്‌സ്‌ന്റായി?> എന്റ് എനാക്ക് സൊല്ലുവ ഒന്റു ജദ്ദന നാന് കേ്ട്ടേന്.

അപ്പോസുത്തലാര് 22:7 ပူးပေါင်းရင်းမြစ်များ

മത്തായി 25:45

<ഈ സ്‌ന്നവാര്‌ല് ഒന്റാള്‌ക്ക് ബീസാക്ക് നിമ്മ ഗേഗാദിന്താദ് എനാക്ക് ഗേഗാത്താദ്‌ന പാസെത്തെ എന്റ് നാന് സത്ത്യമായി നിമാക്ക് സൊന്റെ> എന്റ് അവാന് സൊല്ലുവാന്.

മത്തായി 27:23

<<എന്ത്‌ക്ക്? അയാള് എന്ത് കുറ്റാന ഗേന്താന്>> എന്റ് പീലത്തോസു അവാര്‌ന കേ്ട്ടാന്. <<അയാള്‌ന കുരുസുക്കു സേത്തി ആണി അഡിത്ത് കൊല്ലുഡൊ>> എന്റ് അവാര് സേത്തി സേത്തി ദൊഡ്ഡാദ്‌ക്ക് ആലാത്ത് സൊന്നാര്.

അപ്പോസുത്തലാര് 22:6

<<അത്തെ നാന് പോയി ദമാസ്‌കോസുക്കു അര്‌ഗെ എജ്ജ്‌ഗാട്ട്യെല്ല നേര ഉച്ചി ആറ്റ്. അയി ഗളിഗെ ദിഗിരന ബാന്‌ലിന്ത് ദൊഡ്ഡ ഒന്റു ബെ്ള്‌സ സുറ്റുമു അഡിത്ത്‌ദ്.

അപ്പോസുത്തലാര് 22:8

<ആണ്ടവാനെ നീ ആര്?> എന്റ് നാന് കേ്ട്ടേന്. <നീ കൊഡിമെ പഡിസികൊണ്ട്‌റ്‌ക്കുവ നസറേത്ത്‌ഗാറാന് ഏസ്സ്‌ത്തെ നാന്> എന്റ് അയാള് എനാക്ക് സൊന്നാന്.

അപ്പോസുത്തലാര് 9:4

അന്നാല് താനെ അയാള് മണ്ണ്‌ക്ക് ബ്‌ന്താന്. <<സവുലെ, സവുലെ, നീ എന്ത്‌ക്ക് എനാന കൊഡിമെപഡ്‌സ്‌ന്റായി?>> എന്റ് അയാള്‌ക്ക് സൊല്ലുവ ഒന്റു ജദ്ദന കേ്ട്ടാന്.

1 തിമിത്തോസു 1:13

നാന് ഏസ്സ്‌ന നമ്പാത്താദ്‌ക്ക് മുദാല് ക്‌റ്‌സ്‌ത്ത് ഏസ്സ്‌ന കുറ്റ സൊല്ലികൊണ്ടുമു, ഏസ്സ്‌ന നമ്പി നഡാക്ക്‌ന്റവാര്‌ന കൊഡിമെ പഡിസികൊണ്ടുമു, അട്ടുളി ഗേന്ത് കൊണ്ടുമു ഇന്തേന്. ആന ഇത്തെ ഗേവാദെല്ല തപ്പ് എന്റ് തെര്യാത്താദ്‌നാലേമ് ഏസ്സ്‌ന നമ്പാത്ത മുദാല് ഗേന്താദ്‌നാലേമ് സാമിക്ക് എനാന ബേ്റ്‌വെന്ത്‌ദ്.