അപ്പോസുത്തലാര് 21:9 - സാമി സേദി

⁹ അയാള്‌ക്ക് കല്യണ മാഡാത്ത നാക്ക് മഗളാര് ഇന്താര്. സാമിക്ക് ആള്‌ഗാളോഡ സൊല്ല്യ ഇര്‌ക്കുവാദ്‌ന അവാര് സൊല്ലി നഡാക്ക്‌ന്റവാര് ആയിന്താര്.

അപ്പോസുത്തലാര് 21:9 ပူးပေါင်းရင်းမြစ်များ

ലൂക്കോസു 2:36

അയി കാലാത്ത്‌ല് സാമിദാസി അന്ന എന്നുവ ഒന്റൊരുത്തി ഇന്താള്. ആസേര് ബങ്കെസാത്ത്‌ല പനുവേല് മഗാളായിന്ത ഈ അന്ന എത്ത്‌റാഗോ ബയിസ്സാനവാള് ആയിന്താള്. അവാള് ആളാന് സേന്ത പ്‌റ തന്ന് ആളാനോഡ ഏ്ള് ബര്‌സ്സ മാട്ട്‌ത്തെ ഒന്റായി പെ്ളേത്താള്.

അപ്പോസുത്തലാര് 13:1

അന്തോക്ക്യാല ഏസ്സ്‌ഗാറാര് കൂട്ടാത്ത്‌ല് ലേസ സാമിദാസ്‌ഗാള്‌മ്, ബേദപഡ്‌സ്‌ന്റവാര്‌മ് ഇന്താര്. ബറ്‌ണവാസ്, നീഗാറ് എന്റ് സൊല്ലുവ സിമ്മ്യോനു, കൊറേന നാഡ്‌ഗാറാന് ലൂക്ക്യോസു, അദിഗാരി എരോദാവോഡ ബളാന്ത മനെയാല്, സവുലു എന്നുവ ആള്‌ഗാള്‌ത്തെ അവാര്.

അപ്പോസുത്തലാര് 2:17

<സാമി സൊല്ലുന്റാന്, കഡേസി കാലാത്ത്‌ല് നാന് ആള്‌ഗാള്‌ക്ക് ഒട്ടുക്കു എന്ന് നിഗാല്‌ന മൊത്തനാക്ക് കൊഡുക്കുവെ. നാന് നിമ്മ് മഗാനാര്‌നാമ് മഗളാര്‌നാമ് എന്ന് സേദിന പറ്റി സൊല്ല്യ ബെക്കുവെ. നിമ്മ് ബീ്ണാര്‌ക്ക് തോറ്റഗാള് കെ്ഡേക്കുവു. നിമ്മ് അച്ചനാമ്‌ഗാള് കനേസ്‌ല്‌ഗാള് കാണുവാര്.

1 കൊരിന്ത്യഗാറാര് 7:38

അത്തെ ഒരുത്താന് തന്ന് കുമാര്യാന മഗാള്‌ന കല്യണമാഡി കൊഡുക്കുവാദ് നല്ലാദ്‌ത്തെ. കല്യണമാഡി കൊഡുക്കാദെ ബെക്കുവാദ് അദ്‌ന ബ്‌ഡ നല്ലാദ്.

ബെ്ളിപട്ട കാര്യ 2:20

എന്റാല്‌മ് നിനാന പറ്റി ഈ കുറ്റ എനാക്ക് സൊല്ല്യ ഇര്‌ക്ക്‌ന്റ്. താനൊന്റു സാമിദാസി എന്റ് താന്‌താനെ സൊല്ലികൊണ്ടു എന്ന് ഗിലാസഗാറാര്‌ന കണ്ടപഡിക്ക് നഡാന്ത് ബേസ്യാഡ്യാമ് സെലെഗാള്‌ക്ക് മേല്‌സ ബെത്താദ്‌ന തിന്ന്യാമ് ബുദ്ദി സൊല്ലി കൊഡുത്തു ഏമാത്തി തള്ളുവ ഈസവേല് എന്നുവ പെ്ണ്ണ്‌പ്‌ളെന നീ അത്തേഗേ ഗേയ ബ്‌ട്ട്‌റ്‌ക്ക്‌ന്റായി.