ഏസ്സ്‌ന പറ്റ്യുള്ള സേദി സ്‌റിയ നാഡൊട്ടുക്കു പജാന്ത്‌ദ്. അദ്‌നാലെ ആള്‌ഗാള് പല ദിന്‌സ് നോയി തട്ടി ബലേന്തിന്തവാര്‌ന ഒട്ടുക്കു അയാള് പട്ട്‌ക്ക് എ്ഡ്‌ത്ത് ബന്താര്. അവാര് കൂട്ടാത്ത്‌ല് നോയി തട്ടി ബേന്‌ബിജാക്ക് അഗാറിന്തവാര്‌മ്, കെ്ട്ടജാദി തട്ടി പിരാന്ത്‌ബ്‌ന്തിന്തവാര്‌മ്, പക്കിമെ്ട്ട് നോയിഗാറാര്‌മ്, സപ്പെനോയിഗാറാര്‌മ് ഇന്താര്. ഏസ്സ് അവാര്‌ന തെ്ള്‌സ്‌നാന്.
അപ്പോസുത്തലാര് 20:3 - സാമി സേദി3 അദ്‌ല് അയാള് മൂറു മാസ തങ്ക്‌നാന്. പ്‌റസാരി സ്‌റിയാക്ക് കപ്പാല് ഏ്റ്യ പഡ്‌ഗാട്ടി എഗുദാര് അയാള്‌ന കൊല്ല്യ ബേ്ണ്ടി സട്ട കെ്ട്ടിന്താര്. അദ് പവുലോസുക്കു തെരിന്ത്‌ദ്. അദ്‌നാലെ മക്കെദോന്യ ബട്ടെ തിരിഗി പോഡൊ എന്റ് അയാള് മുഡിവാക്ക്‌നാന്. အခန်းကိုကြည့်ပါ။ |
അപ്പോസുത്തലാര് 20:3
19 ပူးပေါင်းရင်းမြစ်များ
പവുലോസു എഞ്ചോ നാള് ഏസ്സ്‌ഗാറാരോഡ കൊരിന്ത്യാല് താനെ ഇന്താന്. പ്‌റസാരി പവുലോസു അവാര്‌ന ബിനാത്തി തള്ളി അദ്‌ലിന്ത് സ്‌റിയ നാഡ്‌ക്ക് കപ്പാല് ഏ്റ്‌നാന്. അഗിലാന്‌മ്, അയാള് പെ്ണ്ട് പ്‌റ്‌സ്‌ക്കില്ലാമ് പവുലോസോഡ ഇന്താര്. പവുലോസു കപ്പാല് ഏ്റുവാദ്‌ക്ക് മുദാല് താന് സാമിക്ക് ഗേവെ എന്റ് സൊല്ലിന്ത ബാക്ക്‌ന ഗേന്ത് തീത്താദ്‌നാലെ അയാള് കെമ്‌കെ്റേല് ബെത്ത് തലേന മൊട്ടി കെരേത്താന്.
എനാക്ക് ഇദ്‌ന പറ്റി നല്ല ഒറേപ്പിന്ത്‌ദ്. അദ്‌നാലെത്തെ നാന് മക്കെദോന്യ നാഡ്‌ക്ക് പോഗാട്ടി മുദാല് നിമാന ബന്ത് കാണ്യാമ് മക്കെദോന്യ നാഡ്‌ക്ക് പോയി തിരിഗി നിമ്മ് പട്ട്‌ക്ക് ബന്ത് നിമ്മ് ഉദാവിനാലെ എഗുദ നാഡ്‌ക്ക് പോയാമ് നെനേത്തിന്താദ്. അത്തെ റാഡ് ജമ്പ് നിമ്മ് പട്ട്‌ക്ക് ബന്ത് റാഡ് ജമ്പ്‌മ് എന്ന്‌നാലെ നിമാക്ക് നല്ലാദ് ബര്‌മ് എന്റ് നാന് നെനേത്തെ.
ഒന്റേ പട്ട്‌ല് താനെ എനാക്ക് ഇര്‌ക്ക്യ മുഡ്യാദെ പല പല എ്ഡെഗാള്‌ക്ക്‌മ് പോവ ഗെദി ബന്ത്‌ദ്. പോഗാട്ട്യെല്ല ദൊഡ്ഡുദൊഡ്ഡ ബാനി നീര്‌ലിന്ത് ബന്ത ആവാത്ത്‌ക്ക്‌മ്, കൊള്ളെഗാറാര്‌ലിന്ത് ബന്ത ആവാത്ത്‌ക്ക്‌മ്, സൊന്ത ജാദിഗാറാര്‌ലിന്ത് ബന്ത ആവാത്ത്‌ക്ക്‌മ്, ബേ്റെ ജാദിഗാള്‌ലിന്ത് ബന്ത ആവാത്ത്‌ഗാള്‌ക്ക്‌മ് സിക്ക്‌നെ. പട്ടണഗാള്‌ലിന്ത്‌മ് സോലെഗാള്‌ലിന്ത്‌മ് കഡാല്‌ഗാള്‌ലിന്ത്‌മ് ബന്ത ആവാത്ത്‌ക്ക്‌മ് സിക്ക്‌നെ. നഡിക്കുവ ഏസ്സ്‌ഗാറാര് കൂട്ടാര്‌ലിന്ത് ബന്ത ആവാത്ത്‌ക്ക്‌മ് സിക്ക്‌നെ.
ကြော်ငြာတွေ