അപ്പോസുത്തലാര് 2:47 - സാമി സേദി

⁴⁷ അവാര് സാമിത്തെ ദൊഡ്ഡവാന് എന്റ് ബാര്‌ദിക്കിന്താര്. ആള്‌ഗാള് ഒട്ടുക്കു ഈ ഏസ്സ്‌ഗാറാര്‌ന പിര്യപിര്യാത്ത് മദിസിന്താര്. താന് കാപാറ്റ്‌ന്റവാര്‌നെല്ല ആണ്ടവാന് ഏസ്സ്‌ഗാറാര് കൂട്ടാക്ക് നാള്‌ക്ക്‌മ് സേത്തി കൊണ്ടിന്താന്.

അപ്പോസുത്തലാര് 2:47 ပူးပေါင်းရင်းမြစ်များ

ലൂക്കോസു 19:48

എന്റാല്‌മ് ഏസ്സ് സൊല്ലുവ നായഗാള്‌ന ആള്‌ഗാള് മദിമറാന്ത് കേ്ട്ടിന്താദ്‌നാലെ അവാര്‌ക്ക് ഒന്റുമു ഗേയ മുഡ്യാദെ പോറ്റു.

ലൂക്കോസു 2:52

ആന ഏസ്സ് ബളാന്ത് അറുവുലുമു ബുദ്ദില്‌മ് ദൊഡ്ഡവാനായി സാമി കണ്ണ്‌ക്ക്‌മ് മന്‌സാന് കണ്ണ്‌ക്ക്‌മ് മെച്ച്‌പ്‌ഡിത്തവാന് ആനാന്.

അപ്പോസുത്തലാര് 11:21

ആണ്ടവാന് സക്‌തി അവാരോഡ ഇന്താദ്‌നാലെ മൊത്തന ആള്‌ഗാള് സാമിന നമ്പി ആണ്ടവാന് സാരി എ്ണേന്താര്.

അപ്പോസുത്തലാര് 11:24

അത്തെ എഞ്ചെഞ്ചോ ആള്‌ഗാള് ആണ്ടവാന് സാരി എ്ണേന്താര്. ബറ്‌ണവാസ് നല്ലവാന്‌മ്, നല്ല നമ്പിക്കെ ഇര്‌ന്റവാന്‌മ്, സാമിനിഗാല് ഇര്‌ക്ക്‌ന്റവാന്‌മ് ആയിന്താന്.

അപ്പോസുത്തലാര് 13:48

എഗുദാര് അല്ലാത്ത ജാദിഗാള് ഇദ്‌ന കേ്ട്ട് പിര്യപട്ട് ആണ്ടവാന് സേദി സെരിക്ക്‌മ് നല്ലാദ്‌ത്തെ എന്റ് സാമിന ബാര്‌ദിക്ക്‌നാര്. എന്നാല്‌ക്ക്‌മ് ഇര്‌ക്കുവ ഉജുരു കെ്ഡേക്ക്യ തെരിന്തെ്ഡ്‌ത്ത ആള്‌ഗാള് ഏസ്സ്‌ന നമ്പ്‌നാര്.

അപ്പോസുത്തലാര് 14:1

പവുലോസുമു ബറ്‌ണവാസ്‌മ് ഇക്കോന്യ പട്ടണാക്ക് പോനാര്. അദ്‌ക്ക് പ്‌റ ഒപ്പ ഗേവ പാസെ അവാര് അദ്‌ലിന്ത എഗുദാര് പരേസുവ ബീ്ഡ്‌ക്ക് പോയി ആള്‌ഗാള്‌ക്ക് നായ സൊന്നാര്. അത്തെ അവാര് നലമായി നായ സൊന്നാദ്‌നാലെ അദ്‌ല്‌മ് എഞ്ചോ എഗുദാര്‌മ്, എഞ്ചോ എഗുദാര് അല്ലാത്ത ജാദിഗാള്‌മ് ഏസ്സ്‌ന നമ്പ്‌നാര്.

അപ്പോസുത്തലാര് 14:21

പവുലോസുമു, ബറ്‌ണവാസ്‌മ് ദെ്റുവ പട്ടണാല് നല്ല സേദിന സൊന്നാര്. അദ്‌ല്‌മ് അവാര് എഞ്ചോ ആള്‌ഗാള്‌ന ഏസ്സ് സൊല്ലുപഡി നഡാക്ക്‌ന്റവാര് മാഡ്‌നാര്. അദ്‌ക്ക് പ്‌റ അവാര് ലുസുറ, ഇക്കോന്യ, പിസിദ്യാലിര്‌ക്കുവ അന്തോക്ക്യ എന്നുവ പട്ടണഗാള്‌ക്ക് തിരിഗി പോനാര്.

അപ്പോസുത്തലാര് 16:5

അത്തെ ഏസ്സ്‌ഗാറാര് കൂട്ടഗാള്‌ല് ഇര്‌ക്കുവ ആള്‌ഗാള്‌ക്ക് ഏസ്സോഡ ഇര്‌ക്കുവ നമ്പിക്കെ ഒറേത്ത്‌ദ്. ഏസ്സ്‌ന നമ്പ്‌നവാര് നാള്‌ക്ക്‌മ് പെര്‌ഗ്‌നാര്.

അപ്പോസുത്തലാര് 17:12

അത്തെ എഗുദാര്‌ല് എഞ്ചോ ആള്‌ഗാള് ഏസ്സ്‌ന നമ്പ്‌നവാര് ആനാര്. അദല്ലാദെ എഞ്ചോ ഗണ്ടാള്‌മ് മുഗാനിഗാള് ആയിന്ത എഞ്ചോ എവന നാഡ് പെ്ണ്ണ്‌മക്കാള്‌മ് ഏസ്സ്‌ന നമ്പ്‌നാര്.

അപ്പോസുത്തലാര് 2:39

സാമി തന്റെ എന്റ് സൊന്ന ഈ ദറ്‌മ്മ നിമാക്ക്‌മ് നിമ്മ് മക്കാള്‌മറിക്ക്‌മ് കെ്ഡേക്കു. ദൂര ദൂര ഇര്‌ക്ക്‌ന്റവാര്‌നാമ് നമ്മ് സാമി ആണ്ടവാന് തന്ന് പട്ട്‌ക്ക് ബ്‌ളിത്ത് ബരുസ്സുവാന്. അവാര്‌ക്ക്‌മ് ഈ ദറ്‌മ്മ കെ്ഡേക്കുവു.>>

അപ്പോസുത്തലാര് 2:41

പത്ത്‌റോസു സൊന്ന സേദിന നമ്പ്‌നവാര് ഒട്ടുക്കു നീര്‌ക്ക് മുളുഗുനാര്. അയി നാള് താനെ ഒപ്പതപ്പ മൂണായിര ആള്‌ഗാള് അവാരൊപ്പ എ്ണേന്താര്.

അപ്പോസുത്തലാര് 4:21

അപ്പോസുത്തലാര് ഗേന്താദ്‌ന കണ്ട് ആള്‌ഗാളൊട്ടുക്കു സാമിത്തെ ദൊഡ്ഡവാന് എന്റ് സൊല്ലിന്താര്. അദ്‌നാലെ എഗുദ കോഡിദിക്ക് അവാര്‌ന ദെ്ണ്ടിക്ക്യ മുഡ്യാലെ. എഗുദ കോഡിദി പിന്നേമ് അവാര്‌ന ബ്‌ളിത്ത് മുദാല് മെ്റ്‌ട്ട്‌നാദ്‌ന ബ്‌ഡ നല്ല മെ്റ്‌ട്ടി ബ്‌ട്ടാര്.

അപ്പോസുത്തലാര് 4:33

ആണ്ടവാന് ഏസ്സ് സത്ത് ഉജുര്‌ളാഗ്‌നാദ്‌ന കണ്ട അപ്പോസുത്തലനാമ് അദ്‌ന നല്ല സക്‌ത്യോഡ ആള്‌ഗാള്‌ക്ക് സൊന്നാര്.

അപ്പോസുത്തലാര് 4:4

അവാര് സൊന്ന സേദിന കേ്ട്ട് എഞ്ചോ ആള്‌ഗാള് ഏസ്സ്‌ന നമ്പ്‌നാര്. നമ്പ്‌നവാര്‌ല് ഗണ്ടാള്‌ഗാള് താനെ ഒപ്പതപ്പ അഞ്ചായിരാക്ക് ആനാര്.

അപ്പോസുത്തലാര് 6:1

അയി കാലാത്ത്‌ല് ഏസ്സ് സൊല്ലുപഡി നഡാക്ക്‌ന്റവാര് മൊത്തനാക്ക് ആനാര്. അദുക്കുള എവനനായ നൊഡിവ ഏസ്സ്‌ഗാറാര്‌ക്ക്‌മ് എവുറായ നായനൊഡിവ ഏസ്സ്‌ഗാറാര്‌ക്ക്‌മ് തറ്‌ക്ക ബന്ത്‌ദ്. നാള്‌ക്ക്‌മ് സാമനസട്ടെഗാള്‌ന പങ്കി കൊഡുക്കാട്ടി തമ്മ് മ്‌ണ്ടേസ്യാര്‌ന സൊക്കാന നോഡാലെ എന്റ് എവനനായ നൊഡിവ ഏസ്സ്‌ഗാറാര് സൊന്നാര്.

അപ്പോസുത്തലാര് 6:7

അത്തെ സാമി സൊല്ലുസുലാക്ക പജാന്ത്‌കൊണ്ടേ ഇന്ത്‌ദ്. എര്‌സലേമ്‌ല് ഏസ്സ് സൊല്ലുപഡി നഡാക്ക്‌ന്റവാര് എഞ്ച്‌ക്കൊ പെരിഗികൊണ്ടുമു ഇന്താര്. എഞ്ചോ എഗുദാര് പൂസാരിഗാള്‌മ് നമ്പ്‌നാര്.

അപ്പോസുത്തലാര് 9:31

അത്തെ എഗുദ, ഗലീല, സമര്യ എന്നുവ ദേസഗാള്‌ല ഏസ്സ്‌ഗാറാര് കൂട്ടഗാള്‌ക്ക് ഒട്ടുക്കു ഇന്ത തൊന്തറെ ലേസ നാള് മാട്ട്‌ക്ക് തീന്ത് നലമായി ആറ്റ്. സാമിനിഗാല് കയി താങ്ക്‌നാദ്‌നാലെ ഏസ്സ്‌ഗാറാര് കൂട്ട ഒട്ടുക്കു ഒറേത്താര്. അത്തെ അവാര് മൊത്തനാക്ക് പെര്‌ഗ്‌നാര്. അവാര് ഒട്ടുക്കു ആണ്ടവാന് ബക്‌തില് പെ്ളേത്ത് ബന്താര്.

അപ്പോസുത്തലാര് 9:35

ലുദ്ദാല ആള്‌ഗാള്‌മ് സാരോണുല ആള്‌ഗാള്‌മ് ഇദ്‌ന കണ്ടാര്. അദ്‌നാലെ അവാര് മനേസ്സ് ഒട്ടുക്കു ആണ്ടവാന് സാരി തിര്‌ഗ്‌റ്റ്.

റോമഗാറാര് 14:18

ഇത്തെ ഗേന്ത് കൊണ്ടു ക്‌റ്‌സ്‌ത്ത്‌ന കുമ്മുഡി നഡാക്ക്‌ന്റവാന് സാമിന പിര്യപഡ്‌സ്‌ന്റവാന്‌മ് ആള്‌ഗാള്‌ലിന്ത് പേര് കെ്ഡേസ്‌നവാന്‌മ്‌ത്തെ.

റോമഗാറാര് 8:30

താന് അലാക്ക പ്‌റ്‌ത്ത് ബെത്ത്‌റ്‌ക്ക്‌ന്റവാര്‌ന അയാള് ബ്‌ളിത്താന്, താന് ബ്‌ളിത്തവാര്‌ന നേര്‌മെഗാറാര് മാഡ്‌നാന്, നേര്‌മെഗാറാര് മാഡ്‌നവാര്‌ന അയാള് തന്ന് മദ്‌പ്പ്‌ക്ക് പങ്ക്‌ഗാറാര്‌മ് മാഡ്‌നാന്.

റോമഗാറാര് 9:27

ആന <<ഇസ്‌റവേല്‌ഗാറാര് എ്ണ്ണ കഡാല്‌ലിര്‌ക്കുവ മണാല്‌ന പാസെ ആയിന്താല്‌മ് തപ്പിസി കഡാക്ക്‌ന്റവാര് ലേസ താനെത്തെ ഇര്‌ക്കുവാര്.

1 കൊരിന്ത്യഗാറാര് 1:18

കുരുസുലു സത്ത ക്‌റ്‌സ്‌ത്ത്‌ന പറ്റ്യുള്ള സേദി കെ്ട്ട് പോന്റവാര്‌ക്ക് ബുദ്ദിഗെ്ട്ട നായത്തെ. ആന തപ്പിസി കഡാക്കുവ നമാക്ക് അദ് സാമി സക്‌തിത്തെ.