അപ്പോസുത്തലാര് 2:41 - സാമി സേദി

⁴¹ പത്ത്‌റോസു സൊന്ന സേദിന നമ്പ്‌നവാര് ഒട്ടുക്കു നീര്‌ക്ക് മുളുഗുനാര്. അയി നാള് താനെ ഒപ്പതപ്പ മൂണായിര ആള്‌ഗാള് അവാരൊപ്പ എ്ണേന്താര്.

അപ്പോസുത്തലാര് 2:41 ပူးပေါင်းရင်းမြစ်များ

ഓഗന്നാന് 14:12

നാന് സത്ത്യമായിമ് നിമാക്ക് സൊന്റെ, നാന് ഗേവ കാര്യ എന്നോഡ നമ്പിക്കെ ബെത്ത്‌റ്‌ന്റവാന്‌മ് ഗേവാന്, നാന് അപ്പാന് പട്ട്‌ക്ക് പോവാദ്‌നാലെ നാന് ഗേവാദ്‌ക്ക്‌മ് ബ്‌ഡ മ്‌ഗ്‌ന്ത കാര്യഗാള് അയാള് ഗേവാന്.

ഓഗന്നാന് 21:11

അദുക്കുള സീമോനു പത്ത്‌റോസു തോണിക്ക് ഏ്റി നൂറ്റി അമ്പത്തി മൂണു ദൊഡ്ഡുദൊഡ്ഡ മീന് തുമ്പിന്ത ബലെന ഏ്ട്ടിക്ക് ബലിത്ത് ഏ്റ്‌സ്‌നാന്. അഞ്ചൊന്റു മീനിന്ത് ഗുഡി അയി ബലെ പീ്റാലെ.

അപ്പോസുത്തലാര് 1:15

ലേസ നാള് കളിന്ത പ്‌റ ഏസ്സ്‌ഗാറാര് ഒന്റു കൂട്ട കൂഡുനാര്. ഒപ്പതപ്പ നൂറ്റിരുവദ് ഏസ്സ്‌ഗാറാര് ഈ കൂട്ടാത്ത്‌ല് ഇന്താര്. അദുക്കുള പത്ത്‌റോസു ഇ്ളാഗി നിന്റ് ഇത്തെ സൊന്നാന്:

അപ്പോസുത്തലാര് 13:48

എഗുദാര് അല്ലാത്ത ജാദിഗാള് ഇദ്‌ന കേ്ട്ട് പിര്യപട്ട് ആണ്ടവാന് സേദി സെരിക്ക്‌മ് നല്ലാദ്‌ത്തെ എന്റ് സാമിന ബാര്‌ദിക്ക്‌നാര്. എന്നാല്‌ക്ക്‌മ് ഇര്‌ക്കുവ ഉജുരു കെ്ഡേക്ക്യ തെരിന്തെ്ഡ്‌ത്ത ആള്‌ഗാള് ഏസ്സ്‌ന നമ്പ്‌നാര്.

അപ്പോസുത്തലാര് 2:37

പത്ത്‌റോസു സൊന്നാദ്‌ന കേ്ള്‌ക്കാട്ടി അദ് ആള്‌ഗാള് മനേസ്സ്‌ക്ക് അഡിപട്ട്‌ദ്. <<അണ്ണനാമെ തമ്പ്യാമെ, ഇത്തെ ആന എമ്മ ഇന്നി എന്ത് ഗേയ>> എന്റ് ആള്‌ഗാള് പത്ത്‌റോസുനാമ് അപ്പോസുത്തലാര്‌നാമ് കേ്ട്ടാര്.

അപ്പോസുത്തലാര് 2:47

അവാര് സാമിത്തെ ദൊഡ്ഡവാന് എന്റ് ബാര്‌ദിക്കിന്താര്. ആള്‌ഗാള് ഒട്ടുക്കു ഈ ഏസ്സ്‌ഗാറാര്‌ന പിര്യപിര്യാത്ത് മദിസിന്താര്. താന് കാപാറ്റ്‌ന്റവാര്‌നെല്ല ആണ്ടവാന് ഏസ്സ്‌ഗാറാര് കൂട്ടാക്ക് നാള്‌ക്ക്‌മ് സേത്തി കൊണ്ടിന്താന്.

അപ്പോസുത്തലാര് 27:37

കപ്പാല്‌ല് എമ്മ മൊത്ത ഇര്‌നൂറ്റി എ്ള്‌വത്താറ് ആള്‌ഗാള് ഇന്തേമ്.

അപ്പോസുത്തലാര് 3:23

അയി സാമിദാസ് നായന കേ്ള്‌ക്കത്തവാര്‌ന ഒട്ടുക്കു സാമിന കുമ്മുഡുന്റവാര് പട്ട്‌ക്ക് എജേക്കാമ് മാട്ടാന്, അളിത്ത്‌മ് തള്ളുവാന്.>

അപ്പോസുത്തലാര് 4:4

അവാര് സൊന്ന സേദിന കേ്ട്ട് എഞ്ചോ ആള്‌ഗാള് ഏസ്സ്‌ന നമ്പ്‌നാര്. നമ്പ്‌നവാര്‌ല് ഗണ്ടാള്‌ഗാള് താനെ ഒപ്പതപ്പ അഞ്ചായിരാക്ക് ആനാര്.

അപ്പോസുത്തലാര് 7:14

അത്തെ ഓസേപ് സേദി ബ്‌ട്ട് തന്ന് അപ്പാന് ആക്കോവുനാമ്, അയാള് കുഡുമാത്ത്‌ല് ഇര്‌ക്ക്‌ന്റവാര്‌ന ഒട്ടുക്കുമു മിസ്‌റേമ് നാഡ്‌ക്ക് ബ്‌ളിത്ത് ബര്‌സ്സ്‌നാന്. അവാര് മൊത്ത എ്ള്‌വത്തഞ്ച് ആള്‌ഗാള് ഇന്താര്.

റോമഗാറാര് 13:1

എല്ലാ ആള്‌ഗാള്‌മ് അദിഗരഗാള്‌ക്ക് കെ്ട്ട്‌പട്ട് ഇര്‌ക്കുഡൊ. എന്ത്‌ക്കെന്റ് സൊന്ന, സാമി ബെക്കാത്ത ഒന്റു അദിഗരാമില്ലെ. ഇന്നാല് കണ്ട് ബരുവ അദിഗരഗാളെല്ല സാമി ബെത്ത അദിഗരഗാള്‌ത്തെ.

1 തെസെലോനിക്ക്യഗാറാര് 1:6

മ്‌ഗ്‌ന്ത കജട്ടഗാള്‌ന നിമാക്ക് താങ്കുവാദ്‌ക്കായി ബന്ത് ഗുഡി സാമിനിഗാല് പിര്യപഡുസുവ പിര്യാത്ത്‌ല് നിമ്മ എമ്മ സൊന്ന സേദിന തങ്കാരിത്ത്‌റ്. അത്തെ ആണ്ടവാന് ഏസ്സ് പെ്ളേത്ത പാസേമ് എമ്മ പെ്ളേത്ത പാസേമ് നിമ്മ പെ്ളേത്ത് കാട്ട്‌ന്റ്റ്.

1 പത്ത്‌റോസു 3:20

ഈ നിഗാല്‌ഗാള് മുന്നുക്കു നോഗെ കാലാത്ത്‌ല് ദൊഡ്ഡ പെ്ട്ടി മാഡികൊണ്ട്‌റ്‌ക്കുവ ഗളിഗേല് സാമി പൊറിമോഡ കാത്തിന്ത്‌മ് സൊല്ലുപേസ് കേ്ള്‌ക്കത്തവാര് ആയിന്താര്. അവാര്‌ല് ലേസ ആള്‌ഗാള്, എന്റ് സൊന്ന എ്ട്ടാള്‌ത്തെ നീര്‌ലിന്ത് തപ്പിസി കഡാന്താദ്.

ബെ്ളിപട്ട കാര്യ 16:3

റണ്ടാവാദ് ദൂദാന് തന്ന് സട്ടിന കഡാല്‌ക്ക് ഊറ്റുനാന്. അദുക്കുള അദ് സത്ത മന്‌സാന് സോരെന പാസെ ആറ്റ്. കഡാല്‌ല ഉജുരുകെ്ളെഗാള് ഒട്ടുക്കു സത്ത് തള്ള്‌ട്ട്.