അപ്പോസുത്തലാര് 2:40 - സാമി സേദി40 പത്ത്‌റോസു അവാര്‌ക്ക് എഞ്ചോ നായഗാള്‌ന സൊല്ലി നലമായി പഡ്‌സ്‌നാന്: <<കേ്ഡ്‌ഗെ്ട്ട് നഡാക്കുവ ഈ കാലാത്ത്‌ല ആള്‌ഗാള്‌ക്ക് ബരുവ ദെ്ണ്ടണേലിന്ത് നിമ്മ നിമാന താനെ കാപാറ്റുഡൊ>> എന്റ് പത്ത്‌റോസു അവാര്‌ക്ക് സൊന്നാന്. အခန်းကိုကြည့်ပါ။ |
അപ്പോസുത്തലാര് 2:40
34 ပူးပေါင်းရင်းမြစ်များ
എന്റാല്‌മ് നാന് പെ്ളേക്കുവാദൊ സാവാദൊ എനാക്ക് ദൊഡ്ഡാദല്ല. നാന് ഗേയ ബേ്ണ്ടി ഏസ്സ് ആണ്ടവാന് എനാക്ക് തന്ത്‌റ്‌ക്കുവ ഗിലാസാന ഗേന്ത് മുഡിക്കുഡൊ എന്നുവാദ്‌ത്തെ എന്ന് ഒന്റേ ഒന്റു ആസെ. സാമിക്ക് ആള്‌ഗാളോഡ ഇര്‌ക്കുവ ഗവാന പറ്റി സൊല്ലുവ നല്ല സേദിന ആള്‌ഗാള്‌ക്ക് സൊല്ലുഡൊ എന്നുവാദ്‌ത്തെ സാമി എനാക്ക് തന്ത്‌റ്‌ക്കുവ ഗിലാസ.
ഊത്തിക്കോസു എന്നുവ ഒന്റു ബാലിവെഗാറാന് പവുലോസു സൊല്ലുവാദ്‌ന കേ്ട്ട്‌കൊണ്ടു ക്‌ളിബാസാല് കുക്കാന്തിന്താന്. പവുലോസു നായ സൊല്ലികൊണ്ടേത്തെ ഇന്താന്. അദുക്കുള ഊത്തിക്കോസു ഉറാക്ക് തൂങ്കികൊണ്ടു ഇന്താന്. കഡേഗല അയാള് ഒന്റേപെ്ട്ട് ഉറാങ്കി തള്ള്‌ന പ്‌റ മൂറാവാദ് മാളിഗേലിന്ത് അഡി ബ്‌ന്താന്. അവാര് അയാള്‌ന തൂക്കി എ്ഡ്‌ക്ക്‌ഗാട്ട്യെല്ല അയാള് സത്തിന്താന്.
അവാര് പവുലോസോഡ നായനൊഡ്യ ഒന്റു നാള് സൊല്ലി ബെത്താര്. അത്തെ അയി നാള് മൊത്തന എഗുദാര്‌ഗാള് പവുലോസു ഇര്‌ക്കുവ പട്ട്‌ക്ക് ബന്താര്. റാവെതാനിന്ത് സന്ത്യോഡ മാട്ട്‌ക്ക് സാമി ആള്യ പോവ കാലന പറ്റി അവാര്‌ക്ക് സൊക്കാന സൊല്ലി കൊഡുത്താന്. മോസെ സട്ടാത്ത്‌ല്‌മ് സാമിദാസ്‌ഗാള് എ്ള്‌ദി ബെത്ത്‌റ്‌ക്കുവ ബൊക്കുലുമു സൊല്ലിര്‌ക്കുവ കാര്യഗാള്‌ന സൊല്ലി കൊഡുത്തു കൊണ്ടു ഏസ്സ് ആര് എന്റ് അവാര്‌ക്ക് തെ്ള്‌വു മാഡി കൊഡുത്താന്.
അത്തെ ഗേന്തദാന കേ്ഡ്‌ഗെ്ട്ട് പാവ ഗേന്ത് നഡാക്ക്‌ന്റവാര് പട്ട്‌ല് ആര്‌ക്ക്‌മ് കുറ്റ സൊല്ല്യ മുഡ്യാത്ത ദിന്‌സ്‌ല്‌മ് കവാഡില്ലാത്തവാരായിമ് കുറ്റകൊറേവു കാണ്യ മുഡ്യാത്ത സാമി മഗാനാര്‌മഗളാരായിമ് നിമാന കാണ്യ മുഡിമ്. എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ന സൊല്ലുവ നല്ല സേദിക്ക് നിമ്മ കെ്ട്ട്‌പട്ട് നഡാക്ക്‌ന്റ്‌റല്ല. അത്തെ ഇര്‌ക്കുവ നിമ്മ ബാന്‌ല് പൊരിന്ത്‌റ്‌ക്കുവ ബെ്ള്ളിഗാള്‌ന പാസെ കേ്ഡ്‌ഗെ്ട്ട് പാവ ഗേന്ത് നഡാക്ക്‌ന്റവാര് പട്ട്‌ല് ബെ്ള്‌സഗാളായി ഇര്‌ക്ക്‌ന്റ്‌റ്. അത്തെ നാന് കജട്ടപട്ടാദ്‌മ് പാഡ്‌പട്ടാദ്‌മ് ബെ്റ്‌ദാഗാലെ എന്റ് ക്‌റ്‌സ്‌ത്ത് തിരിഗി ബരുവ നാള്‌ല് എനാക്ക് നിമാന പറ്റി പെരിമെപഡ്യ മുഡിമ്.
സാമി തന്ന് നാഡ്‌ക്ക്‌മ് തന്ന് മദ്‌പ്പ്‌ക്ക്‌മ് പങ്ക്‌ഗാറാര് ആയ ബേ്ണ്ടി നിമാന ബ്‌ളിത്ത്‌റ്‌ന്റാന്. അയി സാമിക്ക് തഗ്‌ന്ത പഡി നിമ്മ പെ്ളേക്ക്യ ബേ്ണ്ടി ഒന്റപ്പാന്‌ഗാറാന് തന്ന് മക്കാള്‌ഗാള്‌ന നോഡുവ പാസെ എമ്മ നിമാക്ക് ബുദ്ദിനായ സൊന്നേമ്, എമ്മ നിമാന ദയിരപഡ്‌സ്‌നേമ്, എമ്മ നിമാന രുജ കൂട്ടുനേമ് എന്റ് നിമാക്ക് തെരിമല്ല.
ഏസ്സ്‌ഗാറാന്‌മ് എനാക്ക് നമ്പ്യ മുഡിന്റവാന്‌മ് ആന സീലാസ്‌ന ബെത്ത് ഈ എ്ള്‌ത്ത് നാന് സുരുക്കാത്ത്‌ല് എ്ള്‌ദിര്‌ക്ക്‌ന്റെ. നിമാന ദയിരപഡിസ്യാമ് ഇന്നാല് നിമ്മ പെ്ളേക്കുവാദ് സാമി നിമ്മോഡ ബെത്ത്‌റ്‌ക്കുവ നേര്‌മാന ഗവനാലെത്തെന്റ് നിമാക്ക് നാന് സൊല്ല്യാമ്‌ത്തെ ഈ എ്ള്‌ത്ത് എ്ള്‌ദുവാദ്. അദ്‌ല് നിമ്മ ഒറേപ്പുള്ളവാരായിര്‌ക്കുഡൊ.
ကြော်ငြာတွေ