അപ്പോസുത്തലാര് 2:23 - സാമി സേദി23 സാമി ഏസ്സ്‌ന എന്ത് ഗേഡൊ എന്റ് മുദാല് താനെ മുഡിവെ്ഡ്‌ത്ത് ഒറേപ്പ് മാഡി ബെത്തിന്ത പാസെ അയാള്‌ന നിമ്മ് കയിക്ക് ഒപ്പുസുനാന്. നിമ്മ അയാള്‌ന കേ്ഡ്‌ഗെ്ട്ടവാര് കയിക്ക് കൊഡുത്തുറു. അവാര് ഏസ്സ്‌ന കുരുസുക്കു ആണി അഡിത്ത് കൊന്റു തള്ള്‌നാര്. အခန်းကိုကြည့်ပါ။ |
അപ്പോസുത്തലാര് 2:23
39 ပူးပေါင်းရင်းမြစ်များ
<<ഇദ്‌ന പീ്റ ബേ്ഡ, ഇദ് ആര്‌ക്ക് കെ്ഡേക്ക്‌മ് എന്റ് നോഡ്യ സീ്ട്ടിക്ക്‌ഗാന്>> എന്റ് അവാര് ആങ്കീങ്ക് സൊന്നാര്. <<എന്ന് ഉഡുപ്പുന അവാര് പങ്ക്യെ്ഡ്‌ത്ത് എന്ന് ജൊഗേക്ക് ബേ്ണ്ടി അവാര് സീ്ട്ടിക്ക്‌നാര്>> എന്റ് സാമി ബൊക്കുലു സൊല്ലിന്താദ് അദേപാസെ നഡാക്ക്യ ബേ്ണ്ടി ഇത്തെല്ല നഡാന്ത്‌ദ്. ഇത്തെല്ലത്തെ പട്ടളഗാറാര് ഗേന്താദ്.
എര്‌സലേമ്‌ഗാറാര്‌ക്ക്‌മ് അവാര് തലെവാര്‌ഗാള്‌ക്ക്‌മ് ഏസ്സ് കാപാറ്റ്‌ന്റവാന് എന്റ് തെര്യാലെ. അദേപാസെ എല്ലാ ഒയിവു നാള്‌ല്‌മ് ഇദ്‌ന പറ്റി സൊല്ലിര്‌ക്കുവ സാമിദാസ്‌ഗാള് സൊല്ലു സുലാക്കഗാള്‌ന പഡിത്തിന്ത് ഗുഡി അദ്‌ക്ക് ഇര്‌ക്കുവ അര്‌ത്ത എന്തെന്റ് അവാര്‌ക്ക് പുരുപ്പാഗാലെ. എന്റാല്‌മ് അവാര് ഏസ്സ്‌ന ദെ്ണ്ടണേക്ക് ബിദിത്ത് അയി സാമിദാസ്‌ഗാള് സൊന്നാദ്‌ന നേരെന്റ് കാട്ട്‌നാര്.
അപ്പാന് സാമി മുന്നുക്കെ തെരിന്തിന്ത പാസെ സാമിനിഗാല്‌ന ബെത്ത് സാമിക്ക് പട്ടവാര് മാഡ്‌നവാര്‌മ് അയാള് സൊല്ലുപഡിക്ക് ഇര്‌ക്ക്യ ബേ്ണ്ടി ഏസ്സ് ക്‌റ്‌സ്‌ത്ത് സോരെന തളിത്ത് സുത്താപ്പുള്ളവാര് മാഡ്‌നവാര്‌മ്‌ത്തെ നിമ്മ. നിമാക്ക് സേത്തി സേത്തി സാമി പ്‌ണ്ണ്യാമ് കെ്ഡേക്കുഡൊ, നിമ്മ നല്ല നിമ്മ്‌ദ്യായിമ് ഇര്‌ക്കുഡൊ.
എന്ത്‌ക്കെന്റ് സൊന്ന ഏസ്സ് ക്‌റ്‌സ്‌ത്ത്‌ന ബെത്ത് സാമി നമാന ഗവപഡുവാദ്‌നാലെ മൊറെ തപ്പി നഡാന്താല്‌മ് സാമി നമാന ദെ്ണ്ടിക്കമാട്ടാന് എന്റ് സൊല്ലുന്റവാര്‌ഗാള് ഏസ്സ്‌ഗാറാര് കൂട്ടായിര്‌ക്കുവ നിമ്മ് കൂട്ടാക്ക് ഓസണോഡ എ്ണേന്റാര്. അത്തവാള്‌ഗാള് സാമിനാമ് ഏസ്സ് ക്‌റ്‌സ്‌ത്ത്‌ന ബെത്ത് സാമി നമാക്ക് ഗേന്ത കാര്യഗാള്‌നാമ് ആള്‌ഗാള്‌ക്ക് തപ്പായി സൊല്ലി കൊഡുക്കുന്റവാര്‌ത്തെ. അത്തവാള്‌ഗാള്‌ക്ക് എത്തവ ദെ്ണ്ടണെ കെ്ഡേക്ക്യ പോന്റെന്റ് സാമി ബൊക്കുലു മുന്നുക്കെ എ്ള്‌ദിര്‌ക്ക്‌ന്റ്.
ကြော်ငြာတွေ