അപ്പോസുത്തലാര് 19:9 - സാമി സേദി9 ലേസ ആള്‌ഗാള് അദ്‌ന കാദ്‌ക്കിക്കാലെ. അവാര് അദ്‌ന നമ്പാമില്ലെ. ആണ്ടവാന് കാട്ടി തന്ത ബട്ടെന പറ്റി അവാര് ആള്‌ഗാള് മുന്നുക്കു കെ്ട്ട നായഗാള് സൊല്ലി കൊണ്ടിന്താര്. അദുക്കുള പവുലോസു അദ്‌ലിന്ത ഏസ്സ്‌ഗാറാര്‌ന ത്‌റാനോസു പഡുസുവ എ്ഡേക്ക് കൂട്ടി പോനാന്. അദ്‌ല് അവാര് നാള്‌ക്ക്‌മ് തമ്മ തമ്മ ഇദ്‌ന പറ്റി നായ നൊഡിന്ത്‌കൊണ്ടിന്താര്. အခန်းကိုကြည့်ပါ။ |
അപ്പോസുത്തലാര് 19:9
39 ပူးပေါင်းရင်းမြစ်များ
എഗുദാര് കോഡിദിഗാറാര് മുന്നുക്കു നില്ല്‌ഗാട്ടി, <സത്തവാര് ഉജുര്‌ളാഗുവാര് എന്റ് എനാക്ക് ഒറേപ്പിര്‌ക്ക്‌ന്റ്. അദ്‌ക്കായി നാന് കാത്ത്‌റ്‌ക്കുവാദ്‌നാലെത്തെ എനാന നിമ്മ നായ കേ്ള്‌ക്ക്‌ന്റ്‌റ്> എന്റ് ദൊഡ്ഡാദ്‌ക്ക് സൊന്നേന്. അദല്ലാദെ ബേ്റെ ഒന്റുമു നാന് സൊല്ലാലെ. അത്തെ നാന് ബേ്റെ എന്താറ്റ കുറ്റ ഗേന്തിന്തദാന ഇവാര് താനെ സൊല്ലുഡൊ.>>
ദമാസ്‌കോസുലു ആണ്ടവാന് സൊല്ലുപഡിക്ക് നഡാക്കുവ പെ്ണ്ണ്‌മക്കാള്‌നാമ്, ഗണ്ടാള്‌നാമ് കണ്ടദാന പ്‌ഡിത്ത് കെ്ട്ടി എര്‌സലേമ്‌ക്ക് എ്ഡ്‌ത്ത് പോവാദ്‌ക്കുള്ള അദിഗര കൊഡുത്ത്‌റ്‌ക്കുവ എ്ള്‌ത്ത്‌ന സവുലു എഗുദാര് ദൊഡ്ഡ പൂസാരി കയിലിന്ത് ബാങ്കിന്താന്. ദമാസ്‌കോസുല എഗുദാര് പരേസുവ ബീ്ഡ്‌ഗാള്‌ക്ക് കൊഡുക്ക്യത്തെ ഈ കത്ത്‌ന ബാങ്കിന്താദ്.
ആന ഇവാരൊ, സാമി തമാക്ക് മേല് ബെത്ത്‌റ്‌ക്കുവ അദിഗരഗാള്‌ന തെര്യാദെ അദ്‌ന പറ്റി ബെലെ ഇല്ലാത്താദായി സൊല്ലുവാദ്‌നാലെ തമാക്ക് എന്ത് ബര്യ പോന്റു എന്നുവ അറുവില്ലാദെ സൊന്റാര്. തമാക്ക് ഒഡ്ഡി ബെത്ത്‌റ്‌ക്കുവ കണ്ണിന തെര്യാദെ അദ്‌ക്ക് സിക്കി അളിന്ത് പോവ അറുവില്ലാത്ത ബേ്ണ്ട്‌ഗാള്‌ന പാസെത്തെ ഇവാര്‌മ് അളിന്ത് പോന്റാര്.
ကြော်ငြာတွေ