അപ്പോസുത്തലാര് 19:3 - സാമി സേദി

³ അദുക്കുള പവുലോസു: <<പിന്നെ നിമ്മ ഏദ് ദിന്‌സ്‌ല മുളുക്ക മുളുഗുനുറു?>> എന്റ് കേ്ട്ടാന്. <<ഓഗന്നാന് സൊന്ന മുളുക്ക>> എന്റ് അവാര് സൊന്നാര്.

അപ്പോസുത്തലാര് 19:3 ပူးပေါင်းရင်းမြစ်များ

അപ്പോസുത്തലാര് 18:25

അയാള് ആണ്ടവാന് പഡ്‌സ്‌നാദ്‌ന പറ്റി നലമായി പഡിത്തിന്താന്. ഏസ്സ്‌ന പറ്റി നേരാന കാര്യഗാള്‌ന അയാള് സുഡാരത്തോഡ സൊല്ലിമ് പഡിസിമ് ഗേന്താന്. ആന അയാള്‌ക്ക് നീര്‌ക്ക് മുളുഗുസുവാദ്‌ന പറ്റി തെരിന്തിന്താദ് ഓഗന്നാന് നീര്‌ക്ക് മുളുഗുസുനാദ്‌ന പറ്റി താനെത്തെ.

1 കൊരിന്ത്യഗാറാര് 12:13

പല ആള്‌ഗാള് ആയിര്‌ക്കുവ നമ്മൊട്ടുക്കു ഒന്റേ നിഗാല്‌ന കെ്ഡേസി ഒന്റു കൂട്ട ആനാമ്. അയി കൂട്ട എന്നുവാദ് പല മൂട്ടുമുറിഗാള് കൂഡിര്‌ക്കുവ ഒന്റു സരിഗലന പാസെത്തെ. അത്തെ ഒന്റേ നിഗാല്‌ന കെ്ഡേസി പെ്ളേക്കുവ നമ്മ് കൂട്ടാത്ത്‌ല് എഗുദാരൊ, എവനഗാറാരൊ, അഡിമെഗാളൊ, അഡിമ്യല്ലത്തവാരൊ എന്നുവ ബിത്ത്യാസ ഇല്ലെ.

അപ്പോസുത്തലാര് 8:16

അദ്‌നാലെ പത്ത്‌റോസുമു, ഓഗന്നാന്‌മ് അവാര്‌ക്ക് കയി ബെക്കാട്ടി അവാര്‌ക്ക് സാമിനിഗാല് കെ്ഡേത്ത്‌ദ്. അവാര് ആണ്ടവാന് ഏസ്സ് പേര്‌ല് നീര്‌ക്ക് മുളിഗി ഇന്താദല്ലാദെ, അന്നമാട്ട്‌ക്ക് അവാര്‌ക്ക് ആര്‌ക്ക്‌മ് സാമിനിഗാല് കെ്ഡേക്കാദെ ഇന്ത്‌ദ്.

മത്തായി 28:19

അദ്‌നാലെ നിമ്മ എല്ലാ സാരിമ് പോയി എല്ലാ ജാദിഗാള്‌നാമ് എന്ന് സൊല്ലുപഡി നഡാക്ക്‌ന്റവാര് മാഡ്‌ന്. അത്തെ അപ്പാന് പേര്‌നാമ്, മഗാന് പേര്‌നാമ്, സാമിനിഗാല് പേര്‌നാമ് സൊല്ലി അവാര്‌ന നീര്‌ക്ക് മുളുഗുസുനു.

ലൂക്കോസു 7:29

അദ്‌ലിന്ത ആള്‌ഗാള് ഒട്ടുക്കുമു മുക്ക്യമായിമ് കന്ത്യ കെ്ട്ടുവ കാസ് പിരിക്ക്‌ന്റവാര്‌മ് ഇദ്‌ന കേ്ട്ട്: <<സാമി നേര്‌മെഗാറാന്‌ത്തെ>> എന്റ് സൊന്നാര്. എന്ത്‌ക്കെന്റ് സൊന്ന ഓഗന്നാന്‌ത്തെ അവാര്‌നൊട്ടുക്കു നീര്‌ക്ക് മുളുഗുസുനാദ്.

എവുറായാര് 6:2

നീര്‌ക്ക് മുളുഗുസുവാദ്, തലേക്ക് കയി ബെത്ത് പരേസുവാദ്, സത്തവാര് ഉജുര്‌ളാഗുവാദ്, മുഡിവില്ലാത്ത ദെ്ണ്ടണെ എന്നുവാദ്‌ഗാള്‌ന പറ്റി പിന്നേമ് പഡിക്ക്യ പ്‌ഡിക്കാദേന്.