അപ്പോസുത്തലാര് 18:3 - സാമി സേദി

³ ഗുഡുസുലു മാഡി ബിക്കുവ ഗിലാസത്തെ അവാര് ഗേന്തിന്താദ്. പവുലോസുമ് അത്തവ ഗിലാസത്തെ ഗേന്തിന്താന്. അദ്‌നാലെ അയാള്‌മ് അവാരോഡ എ്ണേന്ത് അയി ഗിലാസ ഗേന്താന്. അത്തെ അയാള് അയി ഗിലാസ ഗേന്ത് തനാക്ക് പണ സമ്പാരിത്തിന്താന്.

അപ്പോസുത്തലാര് 18:3 ပူးပေါင်းရင်းမြစ်များ

1 കൊരിന്ത്യഗാറാര് 4:12

എമ്മ് ബേ്റ്‌വായിക്ക് ബേ്ണ്ടി എമ്മ അവനവാന് കയില് താനെ പാഡ്‌പഡ്‌ന്റേമ്. എമാന സാപ്പ ഇക്ക്‌ഗാട്ടിമ് അവാര്‌ക്ക് നല്ലാദ് ബര്യ ബേ്ണ്ടി എമ്മ പരേസ്‌ന്റേമ്. എമാന കൊഡിമെപഡ്‌സ്‌ഗാട്ടിമ് എമ്മ അദ്‌ന പൊറിമോഡ താങ്ക്‌ന്റേമ്.

1 കൊരിന്ത്യഗാറാര് 9:14

അദേപാസെ നല്ല സേദിന സൊല്ലി നഡാക്ക്‌ന്റവാര് അയി ഗിലാസാത്ത്‌ലിന്ത് കെ്ഡേക്കുവാദ്‌ന ബെത്ത് പെ്ളേക്കുഡൊ എന്റ് ആണ്ടവാന് കല്‌പനെ ബെത്ത്‌റ്‌ന്റാന്.

1 കൊരിന്ത്യഗാറാര് 9:15

എന്റാല്‌മ് നാന് ഈ അദിഗരഗാള് ഒന്റുനാമ് കാട്ടാലെ. എന്തൊന്റു കെ്ഡേക്ക്‌മ് എന്റ് നെഞ്ചഡെ ബെത്തല്ല ഈ കാര്യന എ്ള്‌ദുവാദ്‌മ്. ഇത്തെ പെ്ളേക്കുവ എന്ന് പെ്ളേപ്പ്‌ന പറ്റി എനാക്ക് പെരിമെപഡുവാദ്‌ക്കുള്ള നായ ഇര്‌ക്ക്‌ന്റ്. അദ്‌ന ആരാറ്റ ഇല്ലെന്റ് സൊന്നദാന സാവാദ്‌ത്തെ എനാക്ക് നല്ലാദ്.

1 കൊരിന്ത്യഗാറാര് 9:18

അന്നാപ്പ് എനാക്കുള്ള കൂലി എന്ത്? നാന് നല്ല സേദിന സൊല്ലുഗാട്ടി നല്ല സേദിന സൊല്ലുവ ആള്‌ഗാള്‌ക്കുള്ള അദിഗരാന കാട്ടുവാദില്ലെ. അദ്‌ക്ക് ബദ്‌ല സിലാവുക്കു ഒന്റുമു ബാങ്കാദെത്തെ നാന് നല്ല സേദിന സൊല്ലുവാദ്. ഈ ദിന്‌സ്‌ല് ഗേവാദ്‌ല് ഇര്‌ക്കുവ പിര്യാത്തെ എന്ന് കൂലി.

2 കൊരിന്ത്യഗാറാര് 11:7

സാമി സേദിന നാന് നിമാക്ക് സൊന്നാദ്‌ക്ക് ബേ്ണ്ടി എനാക്ക് കൂലി ആയി നിമ്മോഡിന്ത് ഒന്റുനാമ് എ്ഡ്‌ക്കാലെ. അത്തെ നിമാന ഉജാത്ത്യ ബേ്ണ്ടി എനാന താനെ തണിന്തവാന് മാഡ്‌നാദ് നാന് ഗേന്ത കുറ്റാഗ?

2 കൊരിന്ത്യഗാറാര് 11:9

നിമ്മ് പട്ട്‌ല് ഗിലാസ ഗേഗാട്ടി എന്ന് സിലാവുക്കു ബേ്ണ്ടി നിമാന ആര്‌നാമ് നാന് ബുദ്ദിമുട്ടുസാലെ. അദുക്കുള എനാക്ക് ബേ്ഡ്‌മാനദെല്ല മക്കെദോന്യാല ഏസ്സ്‌ഗാറാര്‌ത്തെ തന്താദ്. നിമാക്ക് ഏദ് ദിന്‌സ്‌ല്‌മ് ബുദ്ദിമുട്ടു മാഡാദിര്‌ക്ക്യ ബേ്ണ്ടി നാന് ഓരാഡ്‌നെ. ഇന്നിമ് ഓരാഡുവെ.

2 കൊരിന്ത്യഗാറാര് 12:13

നാന് നിമ്മോഡിന്ത് എന്ന് സിലാവുക്കു ബേ്ണ്ടി ബാങ്കി നിമാന ബുദ്ദിമുട്ടുസാലെ. ആന ബേ്റെ ഏസ്സ്‌ഗാറാര് കൂട്ടാത്ത്‌ലിന്ത് നാന് എന്ന് സിലാവുക്കുള്ളാദ് ബാങ്ക്‌നെ. അദല്ലാദെ നാന് ബേ്റെ എന്ത് കുറ്റ ഗേന്തെ? ഈ കുറ്റന പൊറുക്കുഡോമെ.

1 തെസെലോനിക്ക്യഗാറാര് 2:9

ഏസ്സ്‌ഗാറാരെ, എമ്മ പട്ട പാഡ്‌നാമ്, എമ്മ പട്ട ബുദ്ദിമുട്ടുനാമ് നിമ്മ നെനേക്ക്‌ന്റ്‌റല്ല. നിമാക്ക് ആര്‌ക്ക്‌മ് ബുദ്ദിമുട്ടു മാഡാദിര്‌ക്ക്യ ബേ്ണ്ടി ഇ്റ്‌ട്ട്‌പഗാല് ഗിലാസ ഗേന്ത്‌കൊണ്ടുത്തെ സാമിന പറ്റി സൊല്ലുവ നല്ല സേദിന എമ്മ നിമാക്ക് സൊന്നാദ്.

1 തെസെലോനിക്ക്യഗാറാര് 4:11

എമ്മ നിമാക്ക് സൊല്ലി തന്ത പാസെ അഡ്‌ത്തവാര്‌ക്ക് നിമ്മ തൊന്തറെ മാഡാദേമ്, അഡ്‌ത്തവാര് കാര്യാക്ക് തലെ ഇക്കാദേമ് ഇര്‌ക്കുഡൊ. അദ്‌താനേമല്ല, നിമ്മ തിന്നുവ തീനിക്ക് ബേ്ണ്ടി നിമ്മ താനെ പാഡ്‌പഡുവാദ്‌മ് ആയിര്‌ക്കുഡൊ നിമ്മ് മ്‌ഗ്‌ന്ത ആസെ.