അപ്പോസുത്തലാര് 18:23 - സാമി സേദി

²³ അദ്‌ല് പവുലോസു ലേസ നാള് തങ്ക്‌നാന്. അദ്‌ലിന്ത് അയാള് ഗലാത്ത്യ, പുറുഗ്യ എന്നുവ എ്ഡെഗാള്‌മേലെ പോയി അദ്‌ല ഏസ്സ്‌ഗാറാര്‌ന ഒട്ടുക്കു ദയിരപഡ്‌സ്‌നാന്.

അപ്പോസുത്തലാര് 18:23 ပူးပေါင်းရင်းမြစ်များ

ലൂക്കോസു 1:3

ഈ കാര്യഗാള്‌ക്കെല്ല തുഡാക്ക ബെത്താദ്‌ലിന്ത് നഡാന്ത കാര്യഗാള്‌നൊട്ടുക്കു നാന്‌മ് സൊക്കാന പഡിത്ത്‌റ്‌ന്റെ. അദ്‌നാലെ ഈ കാര്യഗാള്‌ന പറ്റി അഡിതൊട്ടു മുഡിമാട്ട്‌ക്ക് നിനാക്ക് എ്ള്‌ദി തരുവാദ് നല്ലാദ്‌ത്തെന്റ് നാന് നെനേക്ക്‌ന്റെ.

ലൂക്കോസു 22:32

ആന സീമോനെ, നിന്ന് നമ്പിക്കെ പോഗാദിര്‌ക്ക്യ നാന് നിനാക്ക് ബേ്ണ്ടി പരേസ്‌നെ. നീ മനേസ്സ് മാറി തിരിഗി എന്ന് സാരി ബര്‌ഗാട്ടി നിന്നോഡൊപ്പ ഇര്‌ക്കുവ ഏസ്സ്‌ഗാറാര് നമ്പിക്കേന ഒറേപ്പുസുഡൊ.>>

ലൂക്കോസു 22:43

അദുക്കുള മേലോഗാത്ത്‌ലിന്ത് ഒന്റു ദൂദാന് അയാള് കണ്ണ്‌ക്ക് കാട്ടി അയാള്‌ന ദയിരപഡ്‌സ്‌നാന്.

അപ്പോസുത്തലാര് 14:22

അവാര് അദ്‌ല് ഏസ്സ് സൊല്ലുപഡി നഡാക്ക്‌ന്റവാര് നമ്പിക്കേന ഒറേപ്പ്‌സ്‌ന പ്‌റ നിമാക്ക് ഇര്‌ക്കുവ നമ്പിക്കേല് നേര്‌മോഡ ഇര്‌ക്കുഡൊ എന്റ് അവാര്‌ന ദയിരപഡ്‌സ്‌നാര്. <<നമ്മ പല ദിന്‌സ് കജട്ടഗാള്‌ന താങ്കിത്തെ സാമി ആളുവ നാഡ്‌ക്ക് പോഡൊ>> എന്റ്‌മ് അവാര്‌ന പഡ്‌സ്‌നാര്.

അപ്പോസുത്തലാര് 15:32

ജൂദാന്‌മ്, സീലാസ്‌മ് സാമിദാസ്‌ഗാള് ആയിന്താര്. അദ്‌നാലെ അവാര് ഏസ്സ്‌ഗാറാര്‌ക്ക് ദയിര കെ്ഡേക്ക്യാമ്, ഒറേപ്പ് കെ്ഡേക്ക്യാമ് എഞ്ചോ കാര്യഗാള്‌ന സൊന്നാര്.

അപ്പോസുത്തലാര് 15:41

അവാര് സ്‌റിയ, കിലിക്ക്യ നാഡ്‌ഗാള് മേലെ പോയി ഏസ്സ്‌ഗാറാര് കൂട്ടഗാള്‌ന ഒറേപ്പിസിന്താര്.

അപ്പോസുത്തലാര് 16:40

പവുലോസുമു സീലാസ്‌മ് ജെയില്‌ലിന്ത് ഇ്റാഗ്‌ന പ്‌റ ലുദിയ ബീ്ഡ്‌ക്ക് പോനാര്. അവാര് അദ്‌ല ഏസ്സ്‌ഗാറാര്‌ന കണ്ട് ദയിരപഡുസുവ നായഗാള്‌ന സൊല്ലി തള്ളി പോനാര്.

അപ്പോസുത്തലാര് 16:6

ആസ്യ നാഡ്‌ല് നല്ല സേദിന സൊല്ല ബേ്ഡ എന്റ് സാമിനിഗാല് പവുലോസാമ്‌ന തഡ്‌ത്ത്‌ദ്. അദ്‌നാലെ പവുലോസാമ് അയി നാഡ്‌ലിര്‌ക്കുവ പുറുഗ്യ, ഗലാത്ത്യ എന്നുവ എ്ഡെഗാള്‌മേലെ പോയി,

അപ്പോസുത്തലാര് 19:1

അപ്പലോസു കൊരിന്ത്യ പട്ടണാത്ത്‌ല് ഇര്‌ക്കാട്ടി പവുലോസു എപസോസുക്കു പോവ എ്ഡെഗാള്‌മേലെ പോയി എപസോസു പട്ടണാക്ക് എജ്ജ്‌നാന്. അദ്‌ല് ലേസ ഏസ്സ് സൊല്ലുപഡി നഡാക്ക്‌ന്റവാര്‌ന അയാള് കണ്ടാന്.

അപ്പോസുത്തലാര് 2:10

ബേ്റെ ലേസ ആള്‌ഗാള് പുറുഗ്യ, പമ്പുല്ല്യ, മിസ്‌റേമ് എന്നുവ നാഡ്‌ഗാള്‌ലിന്ത്‌മ് പിന്നെ കൊറേന നാഡ്‌ക്ക് അര്‌ഗെ ഇര്‌ക്കുവ ലിവ്യ എന്നുവ ദേസാത്ത്‌ല പല പല എ്ഡെഗാള്‌ലിന്ത്‌മ് ബന്തവാര്‌ത്തെ. നമ്മോഡ ഇര്‌ക്ക്‌ന്റവാര്‌ല് പഗ്‌ദി ആള്‌ഗാള് റോമ നാഡ്‌ഗാറാര്‌മ്‌ത്തെ.

1 കൊരിന്ത്യഗാറാര് 16:1

സാമിക്ക് പട്ടവാര്‌ന കയിതാങ്ക്യ ബേ്ണ്ടി പണ സേത്തുവ കാര്യന പറ്റി നിമ്മ എനാക്ക് എ്ള്‌ദിന്ത്‌റല്ല. ഈ കാര്യാത്ത്‌ല് നാന് ഗലാത്ത്യ നാഡ്‌ല ഏസ്സ്‌ഗാറാര് കൂട്ടാക്ക് സൊന്ന പാസെത്തെ നിമ്മാമ് ഗേഡൊ.

ഗലാത്ത്യഗാറാര് 1:9

എമ്മ നിമാക്ക് മുദാല് സൊല്ലിന്ത പാസെ നാന് നിമാക്ക് ഇന്നാല്‌മ് സൊന്റെ: നിമ്മ കേ്ട്ട് നമ്പിര്‌ക്കുവ നല്ല സേദിക്ക് എ്ണേഗാത്ത ബേ്റൊന്റു നല്ല സേദിന ആരാറ്റ സൊന്നദാന അയാള് സാപ്പ പ്‌ഡിത്തവാന് ആയിര്‌ക്കുവാന്.

ഗലാത്ത്യഗാറാര് 4:14

എന്ന് നോയി നിമാക്ക് ഒന്റു ബുദ്ദിമുട്ടായിന്ത് ഗുഡി നിമ്മ എനാന ആഗ എന്റ് സൊല്ലാമില്ലെ, തെ്റ്യാമില്ലെ. അദ്‌ക്ക് ബദ്‌ല നിമ്മ എനാന ഒന്റു സാമിദൂദാന്‌ന പാസേമ് ക്‌റ്‌സ്‌ത്ത് ഏസ്സ്‌ന പാസേമ് സേത്തി ബെത്ത്‌റ്.

1 തെസെലോനിക്ക്യഗാറാര് 4:18

അദ്‌നാലെ ഈ സൊല്ലു സുലാക്കഗാള്‌ന ആങ്കീങ്ക് സൊല്ലികൊണ്ടു ദയിരപട്ട് ഇര്‌ന്.

1 തെസെലോനിക്ക്യഗാറാര് 5:14

ഏസ്സ്‌ഗാറാരെ, കള്ള ബ്‌ന്ത് നഡാക്ക്‌ന്റവാര്‌ന നിമ്മ മെ്റ്‌ട്ട്‌ന്, ദയിരില്ലത്തവാര്‌ന ദയിരപഡ്‌സ്‌ന്, കുറ്റകൊറേവു ഇര്‌ക്ക്‌ന്റവാര്‌ന കയിതാങ്ക്‌ന്, എല്ലാ ആള്‌ഗാളോഡാമ് മ്‌ഗ്‌ന്ത പൊറിമോഡ ഇര്‌ന്.