അപ്പോസുത്തലാര് 17:4 - സാമി സേദി

⁴ പവുലോസുമ് സീലാസ്‌മ് സൊന്നാദ് നേരെന്റ് തെരിന്ത ലേസ എഗുദാര് പവുലോസാമ്‌ക്ക് എ്ണേന്താര്. അദേപാസെ താനെ ഇസ്‌റവേല് സാമിന കുമ്മുഡിന്ത എഞ്ചോ എവനഗാറാര്‌മ് ആള്‌ഗാള് മദിസിന്ത എഞ്ചോ പെ്ണ്ണ്‌മക്കാള്‌മ് അവാര്‌ക്ക് എ്ണേന്താര്.

അപ്പോസുത്തലാര് 17:4 ပူးပေါင်းရင်းမြစ်များ

അപ്പോസുത്തലാര് 17:12

അത്തെ എഗുദാര്‌ല് എഞ്ചോ ആള്‌ഗാള് ഏസ്സ്‌ന നമ്പ്‌നവാര് ആനാര്. അദല്ലാദെ എഞ്ചോ ഗണ്ടാള്‌മ് മുഗാനിഗാള് ആയിന്ത എഞ്ചോ എവന നാഡ് പെ്ണ്ണ്‌മക്കാള്‌മ് ഏസ്സ്‌ന നമ്പ്‌നാര്.

അപ്പോസുത്തലാര് 14:4

പട്ടണാത്ത്‌ല ജനഗാള് റാഡ് ബാഗ ആയി പ്‌റ്‌ന്താര്: ലേസ ആള്‌ഗാള് അപ്പോസുത്തലാരോഡാമ്, ലേസ ആള്‌ഗാള് എഗുദാരോഡാമ് എ്ണേന്താര്.

അപ്പോസുത്തലാര് 13:43

കൂട്ട പിരിന്ത പ്‌റ ആള്‌ഗാളെല്ല പോഗാട്ടി എഞ്ചോ എഗുദാര്‌മ്, എഗുദാര് പരേസുവ ബീ്ഡ്‌ക്ക് പോവ എഞ്ചോ എഗുദാര് അല്ലാത്ത ജാദിഗാള്‌മ് അവാരോഡൊപ്പ പോനാര്. പവുലോസുമ്, ബറ്‌ണവാസ്‌മ് അവാരോഡ നായാമ് നൊഡിന്ത്, സാമിന മറാന്ത് പെ്ളേക്കദേന് എന്റ് സൊല്ലി അവാര്‌ന ദയിരാമ് പഡ്‌സ്‌നാര്.

2 കൊരിന്ത്യഗാറാര് 8:5

എമ്മ നെനേത്താദ്‌ക്ക്‌മ് അദിഗ അവാര് ദറ്‌മ്മ ഗേന്താര്. അവാര് മുദാല് തമാന താനെ ആണ്ടവാന്‌ക്ക് ഒപ്പുസുനാര്. പ്‌റ സാമി ആസെപഡി എമാക്ക്‌മ് തമാന ഒപ്പുസുനാര്.

അപ്പോസുത്തലാര് 28:24

ലേസ ആള്‌ഗാള് പവുലോസു സൊന്നാദ്‌ന സെരി എന്റ് നമ്പ്‌നാര്. ആന ലേസ ആള്‌ഗാള് അദ്‌ന നമ്പാലെ.

അപ്പോസുത്തലാര് 15:22

അപ്പോസുത്തലാര്‌മ്, മൂപ്പനാമ്‌ഗാള്‌മ്, ഏസ്സ്‌ഗാറാര് കൂട്ടാത്ത്‌ല എല്ലാ ആള്‌ഗാളോഡ ഒന്റായി എ്ണേന്ത് ഇത്തെ മുഡിവെ്ഡ്‌ത്താര്. അയി കൂട്ടാത്ത്‌ലിന്ത് ലേസ ഗണ്ടാള്‌ഗാള്‌ന തെരിന്തെ്ഡ്‌ക്കുഡൊ. തെരിന്തെ്ഡ്‌ക്ക്‌ന്റാവാര്‌ന പവുലോസോഡാമ്, ബറ്‌ണവാസോഡാമ് അന്തോക്ക്യാക്ക് സൊല്ലി ബ്‌ഡ്‌ഡൊ. അത്തെ ഏസ്സ്‌ഗാറാര്‌ല് മുഗാനിഗാള് ആയിന്ത ബറ്‌സവാസ് എന്നുവ ജൂദാന്‌നാമ്, സീലാസ്‌നാമ് തെരിന്തെ്ഡ്‌ത്താര്.

അപ്പോസുത്തലാര് 13:50

ആന സാമിന കുമ്മുഡിന്ത എഗുദാര് അല്ലാത്ത മദ്‌പ്പ് ഇര്‌ക്കുവ പെ്ണ്ണ്‌മക്കാള്‌നാമ് പട്ടണാത്ത്‌ല ദൊഡ്ഡുദൊഡ്ഡ തലെവാര്‌ഗാള്‌നാമ് എഗുദാര് ഗോളിസി ബ്‌ട്ട് പവുലോസുനാമ് ബറ്‌ണവാസ്‌നാമ് കൊഡിമെപഡിസ്യ പ്‌ഡിത്താര്. അത്തെ അവാര് അയി ദേസാലിന്ത് അവാര്‌ന മുഡുക്കുനാര്.

അപ്പോസുത്തലാര് 21:28

<<ഇസ്‌റവേല്‌ഗാറാരെ തൊണേക്ക് ബാന്, ഇവാന്‌ത്തെ നമ്മ് ആള്‌ഗാളോഡാമ്, മോസെ സട്ടോഡാമ്, സാമിബീ്ഡോഡാമ് ജൂദുപ്‌ഡിത്ത് എല്ലാ സാരില്‌മ് ഇര്‌ക്കുവ ആള്‌ഗാള്‌ന ഒട്ടുക്കു പഡുസുവാദ്. ഇന്നാല് ഇയാള് എഗുദാര് അല്ലാത്ത ജാദിഗാള്‌ക്ക് പട്ട ആള്‌ഗാള്‌ന ഗുഡി സാമിബീ്ഡ്‌ക്ക് നൊഗേസി സുത്താപ്പോഡ ഇര്‌ക്കുവ എ്ഡെന അയിത്ത്യമാഡി തള്ളിര്‌ന്റാന്>>

അപ്പോസുത്തലാര് 19:10

ഇത്തെ റാഡ് ബര്‌സ്സ ഗേന്തിന്താദ്‌നാലെ ആസ്യ നാഡ്‌ലിന്ത എഗുദാര് ഒട്ടുക്കുമു എഗുദാര് അല്ലാത്ത ജാദിഗാള് ഒട്ടുക്കുമു ആണ്ടവാന് സൊല്ലുസുലാക്കാന കേ്ട്ടാര്.

അപ്പോസുത്തലാര് 18:4

ആന ഒയിവു നാളൊട്ടുക്കു അയാള് എഗുദാര് പരേസുവ ബീ്ഡ്‌ക്ക് പോയി എഗുദാരോഡാമ് എവനഗാറാരോഡാമ് ബാദിത്ത് കൊണ്ടു അവാര് ഏസ്സ്‌ന നമ്പ്യ ബേ്ണ്ടി ഓരാഡികൊണ്ടിന്താന്.

അപ്പോസുത്തലാര് 17:34

ലേസ ആള്‌ഗാള് പവുലോസോഡ എ്ണേന്ത് ഏസ്സ്‌ന നമ്പ്‌നവാര് ആനാര്. ഈ ഏസ്സ്‌ന നമ്പ്‌നവാര് കൂട്ടാത്ത്‌ല് ഡയോനോസുമു ഇന്താന്. അയാള് അര്യോവ കൂട്ട നഡാത്തുവ കൂട്ടാത്ത്‌ല ഒന്റാളായിന്താന്. ദമാരിസ് എന്നുവ പെ്ണ്ണ്‌പ്‌ളേമ്, ബേ്റെ ലേസ ആള്‌ഗാള്‌മ് ഗുഡി അയി ഏസ്സ്‌ന നമ്പ്‌നവാര് കൂട്ടാത്ത്‌ല് ഇന്താര്.

അപ്പോസുത്തലാര് 17:17

അദ്‌നാലെ എഗുദാര് പരേസുവ ബീ്ഡ്‌ല് ബെത്ത് എഗുദാരോഡാമ്, സാമിന കുമ്മുഡി നഡാന്തിന്ത എഗുദാരല്ലാത്ത ജാദിഗാളോഡാമ് പവുലോസു നായ നൊഡിന്താന്. അദേപാസെ സന്തേക്ക്‌റാഗ ബന്ത് പോന്റവാര്‌ല് പവുലോസു സൊല്ലുവാദ്‌ന കേ്ള്‌ക്ക്‌ന്റവാരോഡാമ് പവുലോസു നാള്‌ക്ക്‌മ് നായ നൊഡിന്താന്.

അപ്പോസുത്തലാര് 16:3

പവുലോസു അയാള്‌നാമ് തന്നോഡൊപ്പ കൂട്ടി പോഡൊ എന്റ് ആസെപട്ടാന്. തിമിത്തോസു അപ്പനച്ചാന് എവന നാഡ്‌ഗാറാന് എന്റ് അയി ദേസഗാള്‌ല് ഇര്‌ക്കുവ എഗുദാര്‌ക്ക് ഒട്ടുക്കു തെരിന്തിന്ത്‌ദ്. അദ്‌നാലെ പവുലോസു തിമിത്തോസുന പരിസേദനെ സാത്ത്‌റ ഗേസ്‌നാന്.

അപ്പോസുത്തലാര് 15:40

പവുലോസു സീലാസ്‌ന തെരിന്തെ്ഡ്‌ത്ത് പോഗാട്ടി അയി ഏസ്സ്‌ഗാറാര് അവാര്‌ക്ക് ആണ്ടവാന് പാദ്‌ഗാപ്പ്‌മ് ഉദാവിമ് കെ്ഡേക്ക്യ ബേ്ണ്ടി സാമി കയിക്ക് അവാര്‌ന ഒപ്പുസുനാര്.

അപ്പോസുത്തലാര് 15:32

ജൂദാന്‌മ്, സീലാസ്‌മ് സാമിദാസ്‌ഗാള് ആയിന്താര്. അദ്‌നാലെ അവാര് ഏസ്സ്‌ഗാറാര്‌ക്ക് ദയിര കെ്ഡേക്ക്യാമ്, ഒറേപ്പ് കെ്ഡേക്ക്യാമ് എഞ്ചോ കാര്യഗാള്‌ന സൊന്നാര്.

അപ്പോസുത്തലാര് 15:27

അത്തെ എമ്മ ജൂദാന്‌നാമ്, സീലാസ്‌നാമ് നിമ്മ് പട്ട്‌ക്ക് സൊല്ലി ബ്‌ഡ്‌ന്റേമ്, അവാര് ബന്ത് എമ്മ എ്ള്‌ദിര്‌ക്കുവ ഈ കാര്യഗാള്‌ന നിമാക്ക് നേരെ സൊല്ലുവാര്.

അപ്പോസുത്തലാര് 14:1

പവുലോസുമു ബറ്‌ണവാസ്‌മ് ഇക്കോന്യ പട്ടണാക്ക് പോനാര്. അദ്‌ക്ക് പ്‌റ ഒപ്പ ഗേവ പാസെ അവാര് അദ്‌ലിന്ത എഗുദാര് പരേസുവ ബീ്ഡ്‌ക്ക് പോയി ആള്‌ഗാള്‌ക്ക് നായ സൊന്നാര്. അത്തെ അവാര് നലമായി നായ സൊന്നാദ്‌നാലെ അദ്‌ല്‌മ് എഞ്ചോ എഗുദാര്‌മ്, എഞ്ചോ എഗുദാര് അല്ലാത്ത ജാദിഗാള്‌മ് ഏസ്സ്‌ന നമ്പ്‌നാര്.

അപ്പോസുത്തലാര് 4:23

പത്ത്‌റോസുമു ഓഗന്നാന്‌മ് ബെ്ളിഗെ ബന്ത് അന്നാല് താനെ തമ്മ് കൂട്ടാത്ത്‌ല ഏസ്സ്‌ഗാറാര് പട്ട്‌ക്ക് തിരിഗി പോനാര്, പ്‌റ എഗുദാര് പൂസാരി തലെവാര്‌ഗാള്‌മ്, മൂപ്പനാമ്‌ഗാള്‌മ് സൊന്നാദ്‌ഗാള്‌ന അവാര്‌ക്ക് സൊന്നാര്.

അപ്പോസുത്തലാര് 2:44

ഏസ്സ്‌ഗാറാര് ഒട്ടുക്കു ഒന്റേ കെ്ട്ടായി ഇന്ത് അവാര്‌ക്ക് ഇര്‌ക്കുവാദ്‌ന ഒട്ടുക്കു പങ്കിപജ്‌ന്ത് എ്ഡ്‌ത്താര്.

ഓഗന്നാന് 7:35

അദുക്കുള എഗുദാര്: <<നമ്മ കാണാദിര്‌ക്ക്യ ബേ്ണ്ടി ഏദെ്ഡേക്ക് ഇയാള് പോയ നെനേക്ക്‌ന്റാന്? എവനഗാറാര് പട്ട്‌ല് ജില്ലമ്പുല്ലാത്ത് ആയിര്‌ക്കുവ നമ്മ് ആള്‌ഗാള് പട്ട്‌ക്ക് പോയി എവനഗാറാര്‌ന പഡിസ്യാത്തെ നെനേക്ക്‌ന്റാനൊ?

അപ്പോസുത്തലാര് 17:10

ജാമാഗാട്ടി അന്നാല് താനെ ഏസ്സ്‌ഗാറാര് പവുലോസുനാമ് സീലാസ്‌നാമ് ബെ്റോവ പട്ടണാക്ക് സൊല്ലി ബ്‌ട്ടാര്. അദ്‌ക്ക് എജ്ജ്‌ന പ്‌റ അവാര് എഗുദാര് പരേസുവ ബീ്ഡ്‌ക്ക് പോനാര്.

അപ്പോസുത്തലാര് 17:14

സട്ടന അദ്‌ല ഏസ്സ്‌ഗാറാര് പവുലോസുന കഡാലോരാക്ക് സൊല്ലി ബ്‌ട്ടാര്. ആന സീലാസ്‌മ് തിമിത്തോസുമു ബെ്റോവ പട്ടണാത്ത്‌ല് താനെ ഇന്താര്.