അപ്പോസുത്തലാര് 17:26 - സാമി സേദി

²⁶ ബൂലോഗാത്ത്‌ല് ഒട്ടുക്കു ഇര്‌ക്ക്യ ബേ്ണ്ടി ഒരുത്താന്‌ലിന്ത് മന്‌സാന് ജാദിന ഒട്ടുക്കു സാമി ഉണ്ടാക്ക്‌നാന്. താന് അവാര്‌ന ഉണ്ടാക്കുവാദ്‌ക്ക് മുദാല് താനെ അവാര് എഞ്ച് കാല ഏദ്‌ലെല്ല പെ്ളേക്കുഡൊ എന്റ്‌മ് എല്ലെ ബെത്താന്.

അപ്പോസുത്തലാര് 17:26 ပူးပေါင်းရင်းမြစ်များ

അപ്പോസുത്തലാര് 14:17

സാമി ഇന്നാല്‌മ് ഉജുരോഡ ഇര്‌ക്ക്‌ന്റാന് എന്റ് കാട്ട്യ ബേ്ണ്ടി താന് നല്ല നല്ല കാര്യഗാള് എന്നാല്‌ക്ക്‌മ് ഗേന്റാന്. അയാള് നിമാക്ക് ബാന്‌ലിന്ത് മഗെനാമ്, അദാദ് ഗളിഗെ നല്ല ബെ്ളേവുഗാള്‌നാമ് തരുവാന്. അയാള് നിമാക്ക് തീനിനാമ് തന്റാന്, നിമ്മ് മനേസ്സ്‌ന നല്ല പിര്യാമ് പഡ്‌സ്‌ന്റാന്.>>

അപ്പോസുത്തലാര് 15:18

അത്തെ ഇദ്‌നെല്ല മുന്നുക്കെ തെരിവ ആണ്ടവാന് സൊല്ലിര്‌ക്ക്‌ന്റാന്.>

1 കൊരിന്ത്യഗാറാര് 15:22

ആദാമ് കാല്‌കെ്ളേക്ക് പട്ട നമാക്ക് ആദാമ്‌ലിന്ത് സാവു ബന്ത പാസെ ക്‌റ്‌സ്‌ത്തോഡ എ്ണേന്ത്‌റ്‌ക്കുവ നമ്മ എല്ലാവാര്‌മ് സാവുലിന്ത് ഉജുര്‌ളാഗ്‌ന്റവാര് ആയാമ്.

1 കൊരിന്ത്യഗാറാര് 15:47

ആന ഒണ്ണാവാദ് മന്‌സാന് ആദാമ് മണ്ണ്‌ലിന്ത് ഉണ്ടാനാവാന്‌ത്തെ. റണ്ടാവാദ് മന്‌സാനാന ക്‌റ്‌സ്‌ത്ത് മേലോഗാത്ത്‌ലിന്ത് ബന്താന്.

എവുറായാര് 2:3

അത്ത്യാന സാമി നമാന കാപാറ്റിര്‌ക്കുവ ദൊഡ്ഡ കാര്യന ഇന്നിമ് ദൊഡ്ഡ കാര്യല്ല എന്റ് ബെത്തദാന നമാക്ക് എത്തെ തപ്പിസി കഡാക്ക്യ മുഡിമ്? ആണ്ടവാന്‌ത്തെ നമാന കാപാറ്റുവാദ്‌ന പറ്റി മുദാല് സൊന്നാദ്. അദ്‌ന കേ്ട്ടവാര് ഇദ് സത്ത്യത്തെ എന്റ് നമാക്ക് കാട്ടി തന്ത്‌റ്‌ക്ക്‌ന്റാര്.