അപ്പോസുത്തലാര് 17:25 - സാമി സേദി

²⁵ ഉജുരുനാമ്, മൂസുനാമ്, ബേ്റെ എല്ലാദ്‌നാമ് മന്‌സാന്‌ക്ക് കൊഡുക്കുവാദ് ഈ സാമിത്തെ. അയാള്‌ക്ക് മന്‌സാര്‌ഗാള്‌ലിന്ത് ഒന്റു ഉദാവിമ് ബേ്ഡ. ബേ്ഡ്‌മാനാദെല്ല അയാള്‌ക്ക് ഇര്‌ക്ക്‌ന്റ്.

അപ്പോസുത്തലാര് 17:25 ပူးပေါင်းရင်းမြစ်များ

റോമഗാറാര് 11:35

<<തിരിക്കി ബാങ്ക്യ എന്റ് നെനേത്ത് അയാള്‌ക്ക് എന്താറ്റ കൊഡുത്തവാന് ഇര്‌ക്ക്‌ന്റാന?>>

അപ്പോസുത്തലാര് 17:28

<ആന ആരൊ ഒന്റാള് ഇത്തെ സൊല്ലിര്‌ക്ക്‌ന്റാര് നമ്മ ഉണ്ടാനാദ്‌മ്, പെ്ളേക്കുവാദ്‌മ്, ആങ്കീങ്ക് പോവാദ്‌മ് ബരുവാദ്‌മ് സാമി സക്‌തിനാലെത്തെ.><നമ്മ അയാള് മക്കാള്‌ഗാള്‌ത്തെ> എന്റ് നിമ്മ് പാട്ട് എ്ള്‌ദ്‌ന്റവാര് സൊല്ലിര്‌ക്ക്‌ന്റാര്,

1 തിമിത്തോസു 6:17

ദൊഡ്ഡവാര് എന്റ് നെനേക്ക ബേ്ഡ എന്റ്‌മ് സട്ടന അളിന്ത് പോവ സൊത്തുലു നെഞ്ചഡെ ബെക്കബേ്ഡ എന്റ്‌മ് ഈ ഉലഗാത്ത്‌ല പെ്ളേപ്പ്‌ഗാറാര്‌ക്ക് നീ സൊല്ലു. ആന നമ്മ പിര്യപിര്യാത്തിര്‌ക്ക്യ ബേ്ണ്ടി നമാക്ക് ബേ്ഡ്‌മാനാദെല്ല എക്കസക്ക തരുവ സാമിനത്തെ നെഞ്ചഡെ ബെക്കുഡൊ എന്റ് അവാര്‌ക്ക് സൊല്ലു.

അപ്പോസുത്തലാര് 14:17

സാമി ഇന്നാല്‌മ് ഉജുരോഡ ഇര്‌ക്ക്‌ന്റാന് എന്റ് കാട്ട്യ ബേ്ണ്ടി താന് നല്ല നല്ല കാര്യഗാള് എന്നാല്‌ക്ക്‌മ് ഗേന്റാന്. അയാള് നിമാക്ക് ബാന്‌ലിന്ത് മഗെനാമ്, അദാദ് ഗളിഗെ നല്ല ബെ്ളേവുഗാള്‌നാമ് തരുവാന്. അയാള് നിമാക്ക് തീനിനാമ് തന്റാന്, നിമ്മ് മനേസ്സ്‌ന നല്ല പിര്യാമ് പഡ്‌സ്‌ന്റാന്.>>

മത്തായി 9:13

<നിമ്മ ബേ്ണ്ട്‌ഗാള്‌ന പലി കൊഡുക്കുവാദ്‌ലല്ല, അഡ്‌ത്തവാര്‌ന ഗവപഡുവാദ്‌ല്‌ത്തെ നാന് പിര്യപഡുവാദ്> എന്റ് സൊല്ലിര്‌ക്കുവ സാമി സൊല്ലുസുലാക്കാക്ക് ഇര്‌ക്കുവ അര്‌ത്ത എന്ത് എന്റ് പോയി പഡിന്. എന്ത്‌ക്കെന്റ് സൊന്ന നാന് നേര്‌മെഗാറാര്‌നല്ല ബ്‌ളിക്ക്യ ബന്താദ്, പാവ ഗേന്റവാര്‌നത്തെ ബ്‌ളിക്ക്യ ബന്താദ്>> എന്റ് സൊന്നാന്.

മത്തായി 5:45

ഇത്തെ ഗേവാദ്‌നാലെ നിമ്മ മേലോഗാത്ത്‌ല നിമ്മ് അപ്പാനാന സാമിക്ക് പ്‌ള്ളെഗാളാവുറു. എന്ത്‌ക്കെന്റ് സൊന്ന, സാമി കെ്ട്ടവാര്‌ക്ക്‌മ് നല്ലവാര്‌ക്ക്‌മ് ബേ്ണ്ടി തന്ന് നേരന കഡാത്ത്‌ന്റാന്. നേര്‌മെഗാറാര്‌ക്ക്‌മ് നേര്‌മല്ലത്തവാര്‌ക്ക്‌മ് മഗെ അഡ്‌സ്‌ന്റാന്.