അപ്പോസുത്തലാര് 17:23 - സാമി സേദി

²³ നിമ്മ് പട്ടണമേലെ നഡാന്ത് പോഗാട്ടി നിമ്മ കുമ്മുഡി നഡാക്കുവ എ്ഡെഗാള്‌ന നാന് കണ്ടേന്. അദുക്കുള അദ്‌ല് നിമ്മ പലി കൊഡുക്കുവ മദ്‌ല്‌നാമ് അയി മദ്‌ല്‌ല് <ആര്‌ക്ക്‌മ് തെര്യാത്ത സാമി> എന്റ് എ്ള്‌ദി ബെത്ത്‌റ്‌ക്കുവാദ്‌നാമ് കണ്ടേന്. നിമാക്ക് ആര് എന്റ് തെര്യാദെ താനെ നിമ്മ കുമ്മുഡി നഡാക്കുവ അയി സാമിന പറ്റിത്തെ നാന് നിമാക്ക് സൊല്ലുവാദ്.

അപ്പോസുത്തലാര് 17:23 ပူးပေါင်းရင်းမြစ်များ

മത്തായി 15:9

മന്‌സാന് ബെത്ത സട്ടഗാള്‌ന സാമി ബെത്ത സട്ടഗാള് എന്റ് സൊല്ലി പഡുസുവാദ്‌നാലെ അവാര് ബെ്റ്‌ദേത്തെ എനാന കുമ്മുഡുന്റാര്.> >>

ഓഗന്നാന് 17:25

നേര്‌മെഗാറാന് ആയിര്‌ക്കുവ അപ്പാന് സാമ്യെ, ഉലഗാത്ത്‌ലവാര്‌ക്ക് നീ ആരെന്റ് തെര്യാലെ. എനാക്കൊ നിനാന തെരിന്ത്‌റ്‌ക്ക്‌ന്റ്. നീ എനാന സൊല്ലി ബ്‌ട്ട്‌റ്‌ക്ക്‌ന്റായി എന്റ് ഇവാര്‌ക്ക്‌മ് തെരിന്ത്‌റ്‌ക്ക്‌ന്റ്.

ഓഗന്നാന് 17:3

സത്ത്യമാന ഒന്റേ ഒന്റു സാമ്യായിര്‌ക്കുവ നിനാനാമ്, നീ സൊല്ലി ബ്‌ട്ട്‌റ്‌ക്കുവ ഏസ്സ് ക്‌റ്‌സ്‌ത്ത്‌നാമ് തെരിവാദ്‌ത്തെ എന്നാല്‌ക്ക്‌മ് ഇര്‌ക്കുവ പെ്ളേപ്പ്.

ഓഗന്നാന് 4:22

സമര്യഗാറാരാന നിമ്മ നിമാക്ക് തെര്യാത്താദ്‌ന കുമ്മുഡുന്റുറു. ആന എമാക്ക് തെരിവാദ്‌ന എമ്മ കുമ്മുഡുന്റേമ്. അദ് എന്ത്‌ക്കെന്റ് സൊന്ന എഗുദാര്‌ലിന്ത്‌ത്തെ മന്‌സാന്‌ന കാപാറ്റ്‌ന്റവാന് ബരുവാദ്.

ഓഗന്നാന് 8:54

ഏസ്സ് അവാര്‌ക്ക്: <<നാന് എനാന താനെ മദ്‌പ്പുള്ളവാന് മാഡ്‌ന അയി മദ്‌പ്പ്‌ക്ക് ഒന്റു ബെലേമ് ഇല്ലെ. എനാന മദ്‌പ്പുള്ളവാന് മാഡ്‌ന്റവാന് എന്നപ്പാന്‌ത്തെ. അയാള്‌ന നിമ്മ് സാമി എന്റ് നിമ്മ സൊന്റുറു.

അപ്പോസുത്തലാര് 17:30

മുന്തെ കാലാത്ത്‌ല് ആള്‌ഗാള്‌ക്ക് സാമിന തെര്യാദെ ഇന്ത്‌ദ്. അദ്‌ന സാമി കണാക്കാക്കുവാലെ. ആന ഇന്നാല് സാമി ഉലഗാത്ത്‌ല് ഇര്‌ക്കുവ ആള്‌ഗാള്‌ന ഒട്ടുക്കു തമ്മ ഗേവാദ് പാവ എന്റ് തെരിന്ത് അദ്‌നെല്ല തള്ളി സാമിസാരി ബരുഡൊ എന്റ് സാമി സൊന്റാന്.

റോമഗാറാര് 1:28

സാമിന പറ്റ്യുള്ള അറുവു കെ്ഡേസി നഡാക്കുവാദ്‌ല് ദൊഡ്ഡ കാര്യ ഒന്റുമില്ലെ എന്റ് നെനേക്കുവാദ്‌നാലെ ഗേയ പാങ്കില്ലാത്ത കാര്യഗാള് ഗേയ ബേ്ണ്ടി സാമി അവാര്‌ന കെ്ട്ട ബുദ്ദിഗാറാരായി പെ്ളേക്ക്യ ബ്‌ട്ടാന്.

1 കൊരിന്ത്യഗാറാര് 1:21

തമാക്കിര്‌ക്കുവ അറുവുലുമു ബുദ്ദില്‌മ് ഉലഗാത്ത്‌ല ആള്‌ഗാള്‌ക്ക് സാമിന നെപ്പ്‌കെ്ഡേസ്യ മുഡ്യാമാട്ട എന്റ് സാമി തന്ന് അറുവുലുമു ബുദ്ദില്‌മ് മുഡിവെ്ഡ്‌ത്താന്. അദ്‌നാലെ ബുദ്ദിഗെ്ട്ട നായ എന്റ് ആള്‌ഗാള് നെനേക്കുവ സേദിന നമ്പുവ ആള്‌ഗാള്‌ന കാപാറ്റ്യ സാമിക്ക് പിര്യ പ്‌ഡിത്ത്‌ദ്.

1 കൊരിന്ത്യഗാറാര് 8:5

ആന മേലോഗാത്ത്‌ല്‌മ് ബൂലോഗാത്ത്‌ല്‌മ് സാമിഗാള് എന്റ് സൊല്ലുന്റവാര് ഇര്‌ക്കുവാരെങ്കൊ. അത്തവ പല സാമിഗാള്‌മ് ആണ്ടവാര്‌ഗാള്‌മ് ഇന്താല്‌മ്

എപസോസുഗാറാര് 2:12

അദേപാസെ നിമ്മ സാമി സൊല്ലുപഡിക്ക് പെ്ളേക്കാദിന്ത കാലാത്ത്‌ല് നിമ്മ് പെ്ളേപ്പ്‌ല് ക്‌റ്‌സ്‌ത്ത് ഇര്‌ക്കാലെ. അദ്‌നാലെ സാമിപ്‌ള്ളെഗാള് എന്നുവ മദ്‌പ്പിര്‌ക്കുവ ഇസ്‌റവേല്‌ഗാറാര്‌ക്ക് എ്ണേയ മുഡ്യാദെ അന്ന്യ ജാദിഗാളായി ഇന്ത്‌റ്. അയി ഗളിഗേല് സാമി ഇസ്‌റവേല്‌ഗാറാരൊപ്പ ബെത്ത ഒപ്പന്തനാമ് സാമി കൊഡുത്ത ബാക്ക്‌നാമ് നിമ്മ നമ്പാലെ. സാമിക്ക്‌മ് നിമാക്ക്‌മ് എ്ണേവില്ലാദേമ് ഇന്ത്‌ദ്.

2 തെസെലോനിക്ക്യഗാറാര് 2:4

അയാള് സാമിബീ്ഡ്‌ല് കുക്കാന്ത് കൊണ്ടു താന്‌ത്തെ സാമി എന്റ് സൊല്ലി നഡിക്കുവാന്. അയാള് സാമിക്കൊ സാമി എന്നുവ പേര്‌ല് കുമ്മുഡുവ ജാദിഗാള്‌ക്കൊ ബ്‌ഡ തനാന താനെ ഉജാത്തുവ എദിരിത്തെ.

1 തിമിത്തോസു 1:17

എല്ലാ കാലാക്ക് ആളുവ രാജാവുമു, എല്ലാ കാലാക്ക് അളിവില്ലാത്തവാന്‌മ്, ആര്‌ക്ക്‌മ് കാണ്യ മുഡ്യാത്തവാന്‌മ് ആയിര്‌ക്കുവ ഒന്റേ ഒന്റു സാമി എന്നാല്‌ക്ക്‌മ് ദൊഡ്ഡവാന്‌മ് പേര്‌പെരിമെ ഇര്‌ക്ക്‌ന്റവാന്‌മ് ആയിര്‌ക്കുഡൊ. ആമേന്.

1 ഓഗന്നാന് 5:20

സാമിമഗാന് ബൂമിക്ക് ബന്താനെന്റ്‌മ് സത്ത്യ സാമിന തെരിവാദ്‌ക്കുള്ള ബുദ്ദി നമാക്ക് തന്ത്‌റ്‌ന്റാന് എന്റ്‌മ് നമാക്ക് തെരിമ്. സത്ത്യ സാമ്യോഡാമ് അയാള് മഗാന് ഏസ്സ് ക്‌റ്‌സ്‌ത്തോഡാമ് നമ്മ ഇന്നാല് എ്ണേവു ബെത്ത്‌റ്‌ന്റാമ്. ഈ സാമിത്തെ സത്ത്യമാന സാമി. ഈ സാമിത്തെ നമാക്ക് എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ന തന്താദ്.